Einn án ábyrgðar Sirrý Hallgrímsdóttir skrifar 18. nóvember 2017 07:00 Jæja, þá er það vitað. Borgarlögmaður er búinn að úrskurða að Dagur borgarstjóri bar ekki lagalega ábyrgð á biluninni í skólpdælunni, en eins og allir muna flæddi óhreinsað skólp í sjó fram dögum og vikum saman. Jafnframt segir borgarlögmaður að borgarstjóri sé ekki ábyrgur fyrir heilbrigðisnefnd Reykjavíkur. Rifja má upp að ráðning nýs borgarlögmanns nú í haust var mjög umdeild, staðan auglýst í einu dagblaði og sérstaka athygli vakti að forseti borgarstjórnar studdi ekki tillögu borgarstjóra um ráðninguna. Og nú er borgarlögmaðurinn nýi búinn að úrskurða um ábyrgðarleysi Dags. En þessi úrskurður borgarlögmannsins er algerlega tilgangslaus. Allir sem hafa fylgst með borgarmálum undanfarin ár vita að Dagur ber ekki ábyrgð á borgarmálum, hvorki lagalega né pólitíska. Í hvert einasta sinn sem eitthvað fer úrskeiðis gerist það sama, ekki næst í borgarstjóra og ef í hann næst þá er svarið alltaf það sama, einhver annar ber ábyrgðina. Helst er það ríkisvaldinu sem um er að kenna, að minnsta kosti á ríkið að leysa málið. Hver man ekki eftir dekkjakurlinu á sparkvöllunum. Önnur sveitarfélög drifu í því að redda málinu, en borgarstjórinn sagði að ekkert yrði leyst nema með aðkomu ríkisvaldsins. Hörmuleg fjárhagsstaða borgarinnar, ástandið á leikskólunum, umferðartafirnar, hirðuleysið og sóðaskapurinn eða ástandið á húsnæðismarkaðinum, svo fátt eitt sé nefnt, allt fellur þetta undir allsherjar ábyrgðarleysi Dags. En þegar kemur að almannatengslum, þá þarf enginn að efast um ábyrgðina. Fella jólatré, skipta um dekk, dansa á sviði o.s.frv. á þessu ber borgarstjórinn fulla ábyrgð, a.m.k. þangað til borgarlögmaðurinn losar hann undan þeirri ábyrgð líka. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Sirrý Hallgrímsdóttir Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Er eitt næturgaman þess virði? Reynir Böðvarsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Krossinn er fallegur Skoðun Veðjað á rétta skólann Pawel Bartoszek Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Innviðir og orkuskipti Sigurður Ingi Friðleifsson Skoðun Þetta reddast eða hvað? Marinó G. Njálsson Skoðun
Jæja, þá er það vitað. Borgarlögmaður er búinn að úrskurða að Dagur borgarstjóri bar ekki lagalega ábyrgð á biluninni í skólpdælunni, en eins og allir muna flæddi óhreinsað skólp í sjó fram dögum og vikum saman. Jafnframt segir borgarlögmaður að borgarstjóri sé ekki ábyrgur fyrir heilbrigðisnefnd Reykjavíkur. Rifja má upp að ráðning nýs borgarlögmanns nú í haust var mjög umdeild, staðan auglýst í einu dagblaði og sérstaka athygli vakti að forseti borgarstjórnar studdi ekki tillögu borgarstjóra um ráðninguna. Og nú er borgarlögmaðurinn nýi búinn að úrskurða um ábyrgðarleysi Dags. En þessi úrskurður borgarlögmannsins er algerlega tilgangslaus. Allir sem hafa fylgst með borgarmálum undanfarin ár vita að Dagur ber ekki ábyrgð á borgarmálum, hvorki lagalega né pólitíska. Í hvert einasta sinn sem eitthvað fer úrskeiðis gerist það sama, ekki næst í borgarstjóra og ef í hann næst þá er svarið alltaf það sama, einhver annar ber ábyrgðina. Helst er það ríkisvaldinu sem um er að kenna, að minnsta kosti á ríkið að leysa málið. Hver man ekki eftir dekkjakurlinu á sparkvöllunum. Önnur sveitarfélög drifu í því að redda málinu, en borgarstjórinn sagði að ekkert yrði leyst nema með aðkomu ríkisvaldsins. Hörmuleg fjárhagsstaða borgarinnar, ástandið á leikskólunum, umferðartafirnar, hirðuleysið og sóðaskapurinn eða ástandið á húsnæðismarkaðinum, svo fátt eitt sé nefnt, allt fellur þetta undir allsherjar ábyrgðarleysi Dags. En þegar kemur að almannatengslum, þá þarf enginn að efast um ábyrgðina. Fella jólatré, skipta um dekk, dansa á sviði o.s.frv. á þessu ber borgarstjórinn fulla ábyrgð, a.m.k. þangað til borgarlögmaðurinn losar hann undan þeirri ábyrgð líka. Höfundur er pistlahöfundur Fréttablaðsins.
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun