Leiðir hjá sér jólastressið 14. desember 2017 11:00 Nílsína Larsen Einarsdóttir þekkir ekki jólastress heldur nýtur aðventunnar við sultu- og skrúbbagerð. MYND/Anton Nílsína Larsen Einarsdóttir býr til jólagjafir fyrir hver jól. Það eru ýmist sultur, saft eða skrúbbar og hér gefur hún uppskrift að jólalegri kryddsultu sem kætir bragðlauka þeirra sem fá að smakka. Nílsína hefur búið til jólagjafirnar síðan hún man eftir sér. Helst eru það sultur, súrdeigsbrauð og sykurskrúbbar sem hún laumar í jólapakkana með aðalgjöfinni. „Ég geri alls konar,“ segir hún aðspurð um hvort það sé eitthvað framar öðru sem henni finnist eiga erindi til vina og vandamanna. „Ég elska að gera sultur og súrdeigsbrauð, ég hef verið að gefa sykurskrúbba og saltskrúbba gegnum tíðina sem ég bý til sjálf og ég man ekki eftir því hvenær ég hef ekki gert eitthvert smotterí með.“ Jólailminn af skrúbbunum fær hún úr kaffikorgi sem er nauðsynlegt innihaldsefni sem örvar blóðflæðið í húðinni. „Ég hef notað súkkulaði- og möndlukaffi og blandað við sykur eða salt til að gera skrúbbana og líka grýlukanil.“ Mest gaman finnst henni þó að gera jólasultuna. „Ég hef gert kryddaðar sultur með anís og kanil og einhverju svoleiðis, oftast bláberjasultu úr berjum sem ég tíni á haustin og set í frysti, þó nú sé auðvitað hægt að fá bláber hér allan ársins hring. Ég geri líka krækiberjasaft og set á flöskur og skreyti og rifsberjahlaup á hverju ári og sting því líka í pakkana. Ég reyni að nota krukkur sem til falla yfir árið, skreyti mikið með greni, nota borða, límmiða og eitthvað svona krúttlegt.“ Nílsína segist gera sulturnar í nóvember því hún hefur það líka fyrir sið að gauka góðgæti að fólki á aðventunni. „Það er svo gaman að mæta í heimsókn eða á jólafund í vinnunni eða með vinum með piparkökuöskju, gráðaost og kryddsultu.“ Hún segir það mismunandi eftir árum hvar áherslan liggur. „Það er ekkert svona þema heldur bara hvað er til hverju sinni.“ Hún viðurkennir samt að fólk leggi stundum inn pantanir. „Fólk á sitt uppáhald, sumir vilja sultu og aðrir eru til í að fá skrúbbinn góða.“ Jólin láta fyrst á sér kræla hjá Nílsínu þegar mandarínurnar birtast. „Svo fæ ég alltaf greniafskurð frá vinkonu minni sem býr í Kjósinni og þá finnst mér jólin vera komin.“ Nílsína kannast ekki við jólastress. „Það er svo fyndið að þegar allir fara í asa kringum jólin þá er ég meira svona inn á við, er bara heima að hafa það notalegt og dunda mér við að skreyta eða gera sultur og skrúbba. Það kemur með jólin til mín.“ Ekki var hægt að sleppa Nílsínu án þess að fá uppskrift að einhverju góðgæti.Kryddaða bláberjajóladjammið inniheldur m.a. bláber, stjörnuanís og kanil.Kryddað vegan bláberjajóladjamm 750 g bláber Safi úr einni sítrónu 100 ml af vatni 500 g sykur 1 kanilstöng 2 stjörnuanís 6 negulnaglar (má sleppa) ½ múskathneta Hleypir 2 msk. agar-agar (eða sama magn af gelatíni en þá er uppskriftin ekki vegan) 100 ml af vatni 1. Sjóðið bláberin, sítrónusafann og sykurinn niður. 2. Þegar sykurinn er bráðinn og ber farin að leysast upp þá má raspa ½ múskathnetu út í, bæta við kanilstöng, anísstjörnum og negulnöglum og sjóða í svona 35-40 mínútur. 3. Takið kanilstöngina og stjörnuanísinn (og negulnaglana) upp úr. 4. Hrærið agar-agar dufti og köldu vatni saman í skál og bleytið upp í öllu duftinu. Gott er að hræra vel áður en því er svo bætt út í pottinn. Sjóða í svona 7-10 mínútur til viðbótar. 5. Færið yfir á fallegar krukkur. Ég nota gjarnan krukkur sem falla til á heimilinu og endurnýti þær fyrir sultugerðina. Svo skreyti ég þær til dæmis með rauðum borða og einni kanilstöng. Eins er hægt að setja efnisbút yfir lokið og festa með grófu bandi. Úr þessari uppskrift fást 4-5 krukkur en það fer eftir stærð þeirra. Njótið með góðu súrdeigsbrauði eða piparkökum með gráðaosti. Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Stefnumótunarferð Fossa með mökum í Prag Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Sjá meira
Nílsína Larsen Einarsdóttir býr til jólagjafir fyrir hver jól. Það eru ýmist sultur, saft eða skrúbbar og hér gefur hún uppskrift að jólalegri kryddsultu sem kætir bragðlauka þeirra sem fá að smakka. Nílsína hefur búið til jólagjafirnar síðan hún man eftir sér. Helst eru það sultur, súrdeigsbrauð og sykurskrúbbar sem hún laumar í jólapakkana með aðalgjöfinni. „Ég geri alls konar,“ segir hún aðspurð um hvort það sé eitthvað framar öðru sem henni finnist eiga erindi til vina og vandamanna. „Ég elska að gera sultur og súrdeigsbrauð, ég hef verið að gefa sykurskrúbba og saltskrúbba gegnum tíðina sem ég bý til sjálf og ég man ekki eftir því hvenær ég hef ekki gert eitthvert smotterí með.“ Jólailminn af skrúbbunum fær hún úr kaffikorgi sem er nauðsynlegt innihaldsefni sem örvar blóðflæðið í húðinni. „Ég hef notað súkkulaði- og möndlukaffi og blandað við sykur eða salt til að gera skrúbbana og líka grýlukanil.“ Mest gaman finnst henni þó að gera jólasultuna. „Ég hef gert kryddaðar sultur með anís og kanil og einhverju svoleiðis, oftast bláberjasultu úr berjum sem ég tíni á haustin og set í frysti, þó nú sé auðvitað hægt að fá bláber hér allan ársins hring. Ég geri líka krækiberjasaft og set á flöskur og skreyti og rifsberjahlaup á hverju ári og sting því líka í pakkana. Ég reyni að nota krukkur sem til falla yfir árið, skreyti mikið með greni, nota borða, límmiða og eitthvað svona krúttlegt.“ Nílsína segist gera sulturnar í nóvember því hún hefur það líka fyrir sið að gauka góðgæti að fólki á aðventunni. „Það er svo gaman að mæta í heimsókn eða á jólafund í vinnunni eða með vinum með piparkökuöskju, gráðaost og kryddsultu.“ Hún segir það mismunandi eftir árum hvar áherslan liggur. „Það er ekkert svona þema heldur bara hvað er til hverju sinni.“ Hún viðurkennir samt að fólk leggi stundum inn pantanir. „Fólk á sitt uppáhald, sumir vilja sultu og aðrir eru til í að fá skrúbbinn góða.“ Jólin láta fyrst á sér kræla hjá Nílsínu þegar mandarínurnar birtast. „Svo fæ ég alltaf greniafskurð frá vinkonu minni sem býr í Kjósinni og þá finnst mér jólin vera komin.“ Nílsína kannast ekki við jólastress. „Það er svo fyndið að þegar allir fara í asa kringum jólin þá er ég meira svona inn á við, er bara heima að hafa það notalegt og dunda mér við að skreyta eða gera sultur og skrúbba. Það kemur með jólin til mín.“ Ekki var hægt að sleppa Nílsínu án þess að fá uppskrift að einhverju góðgæti.Kryddaða bláberjajóladjammið inniheldur m.a. bláber, stjörnuanís og kanil.Kryddað vegan bláberjajóladjamm 750 g bláber Safi úr einni sítrónu 100 ml af vatni 500 g sykur 1 kanilstöng 2 stjörnuanís 6 negulnaglar (má sleppa) ½ múskathneta Hleypir 2 msk. agar-agar (eða sama magn af gelatíni en þá er uppskriftin ekki vegan) 100 ml af vatni 1. Sjóðið bláberin, sítrónusafann og sykurinn niður. 2. Þegar sykurinn er bráðinn og ber farin að leysast upp þá má raspa ½ múskathnetu út í, bæta við kanilstöng, anísstjörnum og negulnöglum og sjóða í svona 35-40 mínútur. 3. Takið kanilstöngina og stjörnuanísinn (og negulnaglana) upp úr. 4. Hrærið agar-agar dufti og köldu vatni saman í skál og bleytið upp í öllu duftinu. Gott er að hræra vel áður en því er svo bætt út í pottinn. Sjóða í svona 7-10 mínútur til viðbótar. 5. Færið yfir á fallegar krukkur. Ég nota gjarnan krukkur sem falla til á heimilinu og endurnýti þær fyrir sultugerðina. Svo skreyti ég þær til dæmis með rauðum borða og einni kanilstöng. Eins er hægt að setja efnisbút yfir lokið og festa með grófu bandi. Úr þessari uppskrift fást 4-5 krukkur en það fer eftir stærð þeirra. Njótið með góðu súrdeigsbrauði eða piparkökum með gráðaosti.
Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Stefnumótunarferð Fossa með mökum í Prag Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Sjá meira