Bleika slaufan Jóhann Óli Eiðsson skrifar 11. desember 2017 07:00 Flest þekkjum við einhvern sem þjáist af órökréttri, og oft ofsafenginni, hræðslu eða kvíða í garð hinna undarlegustu hluta. Trúðar, köngulær, föstudagurinn þrettándi, hræðsla, blöðrur. Allt eru þetta algengir fóbíuvaldar. Sjálfur glími ég við trypofóbíu í mínu daglega lífi. Trypofóbía er hræðsla eða fælni við ákveðin mynstur, form eða þyrpingar sem verða á vegi manns í hinu daglega lífi. Verði ég fyrir slíku áreiti rennur mér kalt vatn milli skinns og hörunds og líkami minn berst við löngunina til að selja upp. Þetta gerðist nú síðast í gær þegar óforskömmuð vinkona mín birti mynd af froðukenndum lattebolla á Facebook. Ég þurfti að beita mig hörðu til að veina ekki. Aðrir algengir hlutir sem framkalla þessi viðbrögð eru sólblóm, götóttir ostar, þyrpingar fílapensla og Súmötru kartan, sem blessunarlega þrífst ekki á Íslandi. Sá allra algengasti er hins vegar Bleika slaufa ársins 2016. Hönnuði hennar vil ég biðja fyrirfram afsökunar. Frá því í október á síðasta ári hefur þetta ástand varað. Maður veit aldrei hvenær þetta gerist, það gæti verið í fjölskylduboði, í vinnunni, í biðröð eftir afgreiðslu, í raun hvar sem er. Í hvert skipti líður mér jafn kjánalega þegar ég þarf að biðja viðkomandi um að hylja slaufuna til að forða því að líkami minn grípi til fýlslegra viðbragða. Þrátt fyrir að nú sé desember 2017, og ný Bleik slaufa hafi komið út fyrir tveimur mánuðum, eru enn einhverjir sem skarta fyrirrennara hennar. Óvísindalegar og ónákvæmar mælingar á þessari óviðurkenndu fælni benda til þess að um einn af hverjum tíu þjáist af honum. Ég held ég tali fyrir hönd allra Íslendinga sem þjást af þessu þegar ég biðla til fólks að kaupa endilega hina Bleiku slaufu ársins 2017. Viltu birta grein á Vísi? Sendu okkur póst. Senda grein Jóhann Óli Eiðsson Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Lægjum öldurnar Halla Hrund Logadóttir Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Horfumst í augu Kristín Thoroddsen Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Er aldur bara tala? Teitur Guðmundsson Skoðun
Flest þekkjum við einhvern sem þjáist af órökréttri, og oft ofsafenginni, hræðslu eða kvíða í garð hinna undarlegustu hluta. Trúðar, köngulær, föstudagurinn þrettándi, hræðsla, blöðrur. Allt eru þetta algengir fóbíuvaldar. Sjálfur glími ég við trypofóbíu í mínu daglega lífi. Trypofóbía er hræðsla eða fælni við ákveðin mynstur, form eða þyrpingar sem verða á vegi manns í hinu daglega lífi. Verði ég fyrir slíku áreiti rennur mér kalt vatn milli skinns og hörunds og líkami minn berst við löngunina til að selja upp. Þetta gerðist nú síðast í gær þegar óforskömmuð vinkona mín birti mynd af froðukenndum lattebolla á Facebook. Ég þurfti að beita mig hörðu til að veina ekki. Aðrir algengir hlutir sem framkalla þessi viðbrögð eru sólblóm, götóttir ostar, þyrpingar fílapensla og Súmötru kartan, sem blessunarlega þrífst ekki á Íslandi. Sá allra algengasti er hins vegar Bleika slaufa ársins 2016. Hönnuði hennar vil ég biðja fyrirfram afsökunar. Frá því í október á síðasta ári hefur þetta ástand varað. Maður veit aldrei hvenær þetta gerist, það gæti verið í fjölskylduboði, í vinnunni, í biðröð eftir afgreiðslu, í raun hvar sem er. Í hvert skipti líður mér jafn kjánalega þegar ég þarf að biðja viðkomandi um að hylja slaufuna til að forða því að líkami minn grípi til fýlslegra viðbragða. Þrátt fyrir að nú sé desember 2017, og ný Bleik slaufa hafi komið út fyrir tveimur mánuðum, eru enn einhverjir sem skarta fyrirrennara hennar. Óvísindalegar og ónákvæmar mælingar á þessari óviðurkenndu fælni benda til þess að um einn af hverjum tíu þjáist af honum. Ég held ég tali fyrir hönd allra Íslendinga sem þjást af þessu þegar ég biðla til fólks að kaupa endilega hina Bleiku slaufu ársins 2017.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun