Síðasta lag fyrir fréttir Jónas Sen skrifar 20. desember 2017 11:00 Geisladiskur Söngveisla. Ólafur Vignir Albertsson og 43 söngvarar. MBV ehf Álfakóngurinn eftir Schubert, fyrir rödd og píanó, er eitthvert svínslegasta verkefni sem nokkur píanóleikari getur lent í. Lagið krefst gríðarlegrar tækni og mikils undirbúnings. Píanóleikarinn þarf að spila endurteknar nótur með þumli og litla fingri sömu handar á ógnarlegum hraða og beita henni á alveg sérstakan hátt til að þreytast ekki. Það er ekki á hvers manns færi. Ólafur Vignir Albertsson virðist þó ekki hafa mikið fyrir því á fjórföldum geisladiski sem ber heitið Söngvaveisla. Þar leikur hann lagið með Sigurði Demetz tenór og bókstaflega hristir það fram úr erminni. Það er vægast sagt aðdáunarvert. Á geisladiskunum fjórum hefja upp raust sína hvorki meira né minna en 43 söngvarar. Þar á meðal er listafólk sem staðið hefur í framlínu íslensks tónlistarlífs, hvort heldur sem einsöngvarar eða kennarar. Með þeim öllum leikur Ólafur Vignir og gerir það með afburðum vel. Túlkun hans er ávallt í anda hvers tónskálds, skapmikil, ljóðræn og innileg. Sagnfræðilegt gildi þessarar útgáfu er óumdeilanlegt. Þarna er að finna upptökur með mögnuðum söngvurum á borð við Sigríði Ellu Magnúsdóttur, Guðmund Jónsson, Elínu Ósk Óskarsdóttur og fleiri. Kristján Jóhannsson er í essinu sínu á hátindi ferils síns og upptaka með honum og Dorriet Kavanna, fyrri eiginkonu hans, er dásamleg, en hún lést langt fyrir aldur fram. Þegar um heildarútgáfu er að ræða er auðvitað ekki allt frábært. Upptökur með Maríu Markan gefa t.d. ranga mynd af henni, enda gerðar töluvert seint, þegar hún var ekki lengur upp á sitt besta. Ólafur Kjartan Sigurðarson er þarna blautur á bak við eyrun, sem og Kristinn Sigmundsson og Hrólfur Sæmundsson, báðir fremur óreyndir. Forvitnilegt er hins vegar að heyra Júlíus Vífil Ingvarsson, sem var greinilega ágætur söngvari. Og Sigurlaug Rósinkranz, sem var svo sannarlega umdeild óperusöngkona á sínum tíma, stendur sig vel í tveimur lögum eftir Kurt Wiklander. Gaman er líka að Guðrúnu Á. Símonar, sem syngur þrjú lög eftir Sigvalda Kaldalóns af fítonskrafti og óskeikulli raddfegurð. Kristinn Hallsson er einnig glæsilegur og Sigurður Demetz er flottur, þótt hann sé kominn á aldur. Þannig mætti lengi telja. Lögin voru tekin upp af Ríkisútvarpinu á löngu tímabili, og því eru gæði upptakanna mjög mismunandi. Oft vantar alla endurómun; upptökurnar eru steindauðar. Vissulega er ekkert við því að gera, en þó er hvimleitt hve hljóðstyrkurinn á lögunum er stundum ójafn. Maður þarf sífellt að vera að hækka og lækka í græjunum. Var ekki hægt að stilla það til? Burtséð frá annmörkum er þetta áhugaverð útgáfa, margar af upptökunum eru fjársjóður og mega ekki glatast. Jónas SenNiðurstaða:Merkileg útgáfa með glæsilegum píanista og framvörðum íslenskrar sönglistar. Tónlistargagnrýni Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira
Geisladiskur Söngveisla. Ólafur Vignir Albertsson og 43 söngvarar. MBV ehf Álfakóngurinn eftir Schubert, fyrir rödd og píanó, er eitthvert svínslegasta verkefni sem nokkur píanóleikari getur lent í. Lagið krefst gríðarlegrar tækni og mikils undirbúnings. Píanóleikarinn þarf að spila endurteknar nótur með þumli og litla fingri sömu handar á ógnarlegum hraða og beita henni á alveg sérstakan hátt til að þreytast ekki. Það er ekki á hvers manns færi. Ólafur Vignir Albertsson virðist þó ekki hafa mikið fyrir því á fjórföldum geisladiski sem ber heitið Söngvaveisla. Þar leikur hann lagið með Sigurði Demetz tenór og bókstaflega hristir það fram úr erminni. Það er vægast sagt aðdáunarvert. Á geisladiskunum fjórum hefja upp raust sína hvorki meira né minna en 43 söngvarar. Þar á meðal er listafólk sem staðið hefur í framlínu íslensks tónlistarlífs, hvort heldur sem einsöngvarar eða kennarar. Með þeim öllum leikur Ólafur Vignir og gerir það með afburðum vel. Túlkun hans er ávallt í anda hvers tónskálds, skapmikil, ljóðræn og innileg. Sagnfræðilegt gildi þessarar útgáfu er óumdeilanlegt. Þarna er að finna upptökur með mögnuðum söngvurum á borð við Sigríði Ellu Magnúsdóttur, Guðmund Jónsson, Elínu Ósk Óskarsdóttur og fleiri. Kristján Jóhannsson er í essinu sínu á hátindi ferils síns og upptaka með honum og Dorriet Kavanna, fyrri eiginkonu hans, er dásamleg, en hún lést langt fyrir aldur fram. Þegar um heildarútgáfu er að ræða er auðvitað ekki allt frábært. Upptökur með Maríu Markan gefa t.d. ranga mynd af henni, enda gerðar töluvert seint, þegar hún var ekki lengur upp á sitt besta. Ólafur Kjartan Sigurðarson er þarna blautur á bak við eyrun, sem og Kristinn Sigmundsson og Hrólfur Sæmundsson, báðir fremur óreyndir. Forvitnilegt er hins vegar að heyra Júlíus Vífil Ingvarsson, sem var greinilega ágætur söngvari. Og Sigurlaug Rósinkranz, sem var svo sannarlega umdeild óperusöngkona á sínum tíma, stendur sig vel í tveimur lögum eftir Kurt Wiklander. Gaman er líka að Guðrúnu Á. Símonar, sem syngur þrjú lög eftir Sigvalda Kaldalóns af fítonskrafti og óskeikulli raddfegurð. Kristinn Hallsson er einnig glæsilegur og Sigurður Demetz er flottur, þótt hann sé kominn á aldur. Þannig mætti lengi telja. Lögin voru tekin upp af Ríkisútvarpinu á löngu tímabili, og því eru gæði upptakanna mjög mismunandi. Oft vantar alla endurómun; upptökurnar eru steindauðar. Vissulega er ekkert við því að gera, en þó er hvimleitt hve hljóðstyrkurinn á lögunum er stundum ójafn. Maður þarf sífellt að vera að hækka og lækka í græjunum. Var ekki hægt að stilla það til? Burtséð frá annmörkum er þetta áhugaverð útgáfa, margar af upptökunum eru fjársjóður og mega ekki glatast. Jónas SenNiðurstaða:Merkileg útgáfa með glæsilegum píanista og framvörðum íslenskrar sönglistar.
Tónlistargagnrýni Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira