Það verður bið á endurkomu Karenar Knútsdóttur í Olísdeild kvenna en hún meiddist í leik Fram og Stjörnunnar í Meistarakeppni HSÍ í gær.
Karen haltraði af velli undir lok fyrri hálfleiks en í hádeginu kom í ljós að hásin er slitin að hluta.
„Ég veit enn ekki hversu mikið hún er slitin og ég á eftir að hitta fleiri lækna,“ sagði hún í samtali við Vísi í dag. „En ég slepp við gips.“
Hún segir líklegt að hún verði frá í minnst tvo mánuði en að það eigi eftir að koma betur í ljós. Tímabilið í Olísdeild kvenna hefst um helgina en Fram, sem er ríkjandi Íslandsmeistari, er spáð titlinum.
„Ég er mjög ánægð með að vera komin heim. Þetta er flottur hópur eins og sást í leiknum í gær. Það er gaman að vera komin aftur heim í Fram,“ sagði hún.
Karen líklega frá í tvo mánuði
Tengdar fréttir
Sjáðu nær fullkomna frammistöðu Sigurbjargar | Myndband
Sigurbjörg Jóhannsdóttir tók yfir Meistaraleik HSÍ á móti Stjörnunni í gærkvöldi.
Umfjöllun, viðtöl og myndir: Fram - Stjarnan 30-27 | Sigurbjörg fór fyrir Íslandsmeisturunum
Karen Knútsdóttir og Þórey Rósa Stefánsdóttir sneru aftur í lið Fram í kvöld en það var Sigurbjörg Jóhannsdóttir sem stal senunni.
ÍBV og Fram spáð titlinum
Fram verður Íslandsmeistari kvenna annað árið í röð en Eyjamenn hreppa hnossið í ár, samkvæmt spá fyrirliða og forráðamanna.
