Sigurður Víðisson stýrir Breiðabliki í 3. umferð Pepsi-deildar karla þegar liðið mætir Stjörnunni í nágrannaslag á sunnudaginn. Þetta kemur fram á vef RÚV.
Sigurður var aðstoðarmaður Arnars Grétarssonar sem var rekinn á þriðjudaginn en Sigurður tók við aðstoðarþjálfarastarfinu af Kristófer Skúla Sigurgeirssyni síðasta haust.
Sjá einnig:Arnar í einkaviðtali: „Kannski er ég kjáni en ég trúði ekki að þetta væri að gerast“
Blikar vonuðust til þess að ráða danska þjálfarann Allan Kuhn til starfa en eins og Vísir greindi frá í dag hafnaði hann tilboð Kópavogsliðsins. Þjálfaraleit stendur því áfram yfir hjá Blikunum.
Sigurður verður með þá Úlfar Hinriksson og Pál Einarsson sér til aðstoðar í leiknum á sunnudaginn en þeir munu sjá um þjálfa Breiðabliks þar til nýr þjálfari finnst.
Breiðablik er án stiga eftir fyrstu tvær umferðir Pepsi-deildar karla.
Aðstoðarmaður Arnars stýrir Blikum í stórleiknum
Tengdar fréttir
Allan Kuhn hafnar Blikum: „Heiður að vera boðið starfið“
Daninn sem gerði Malmö að Svíþjóðarmeisturum tekur ekki við Breiðabliki.
Ekki ljóst hver stýrir Blikunum á móti Stjörnunni á sunnudaginn
Pepsi-deildarlið Breiðabliks er enn þjálfaralaust eftir að Arnar Grétarsson var í gær rekinn sem þjálfari liðsins eftir aðeins tvær umferðir.
Arnar í einkaviðtali við Gumma Ben: „Kannski er ég kjáni en ég trúði ekki að þetta væri að gerast“
Arnar Grétarsson ræðir uppsögnina í einkaviðtali við Guðmund Benediktsson í 1á1 á föstudagskvöldið en hér má sjá smá brot úr þættinum.
