Kalla inn töfrasprota frá Cuisinart

Halldór Jónsson ehf. hefur kallað inn töfrasprota frá Cuisinart sem seldur var á Íslandi á árunum 2011 og 2012.

Í tilkynningu segir að um sé að ræða Cuisinart töfrasprota af tegundinni CSB800E.

„Mannvirkjastofnun sem sér um markaðseftirlit með rafföngum á íslandi barst tilkynning frá framleiðenda vörunnar í gegnum Rapex, sem er evrópskt tilkynningarkerfi.

Í tilkynningu frá framleiðanda kemur fram að eftir því sem viðkomandi raffang eldist (slitni) geti verið hætta á slysum af þeirra völdum. Í ákveðnum aðstæðum getur hnífur sprotans brotnað.

Viðskiptavinir er beðnir að hafa samband við Halldór Jónsson ehf. vegna innköllunarinnar.“