Alfa Romeo jók söluna um 62% Finnur Thorlacius skrifar 11. janúar 2018 10:24 Alfa Romeo Stelvio jeppinn er gullfallegur bíll. Nýliðið ár var hið ágætasta söluár hjá ítalska bílasmiðnum Alfa Romeo en sala fyrirtækisins jókst um 62% frá árinu 2016. Alls seldi Alfa Romeo 150.722 bíla og telst Alfa Romeo því ekki stór bílaframleiðandi og má muna fífil sinn fegurri. Árið áður seldi Alfa Romeo aðeins 93.117 bíla og markaði það ár enda á hrinu síminnkandi sölu bíla frá Alfa Romeo. Alfa Romeo tilheyrir Fiat Chrysler bílasamstæðunni og forstjóri hennar Sergio Marchionne sagði árið 2014 að Alf Romeo myndi selja 400.000 bíla árið 2018, en afar ólíklegt er að sú spá muni rætast. Í byrjun síðasta árs hafði Marchionne vonir um að Alfa Romeo myndi selja yfir 170.000 bíla, en það vantaði 20.000 bíla sölu uppá þær vonir. Sala Alfa Romeo er mjög svo bundin við Evrópu og salan í Kína er mjög lítil og fremur lítil í Bandaríkjunum líka, en 12.031 Alfa Romeo bíll seldust þar í fyrra. Flestir aðrir bílaframleiðendur reiða sig að stóru leiti á bílasölu á þessum tveimur stærstu bílamörkuðum heims, en þar á Alfa Romeo mikið verk að vinna. Þeir bílar Alfa Romeo sem áttu hvað mestan þátt í aukinni sölu á síðasta ári vori Stelvio jeppinn og Giulia fólksbíllinn. Þess má geta að umboð fyrir Alfa Romeo bíla á Íslandi er hjá Ísband í Mosfellsbæ, en þar á bæ seldust allmargir Stelvio jeppar í fyrra sem prýða nú göturnar hérlendis. Mest lesið Kvikugangur frá Krýsuvík gæti náð inn í Heiðmörk Innlent Belgískum prins synjað um félagslegar bætur Erlent Lýsa eftir Svövu Lydiu Innlent Tíðir Esjufarar hryggir vegna örlaga Steins Innlent Stjórnarandstaðan gekk á dyr: Tekist á um þingskjalið í beinni Innlent Segist afhjúpa sannleikann í „tengdamömmumálinu“ Innlent Mikilvægur fundur með Íran framundan Erlent Kominn tími til að rapparar og áhrifavaldar axli ábyrgð Innlent Aflýstu blaðamannafundi skyndilega Erlent Tvímennir fangaklefar og frekara húsnæði til skoðunar til að leysa plássleysi Innlent
Nýliðið ár var hið ágætasta söluár hjá ítalska bílasmiðnum Alfa Romeo en sala fyrirtækisins jókst um 62% frá árinu 2016. Alls seldi Alfa Romeo 150.722 bíla og telst Alfa Romeo því ekki stór bílaframleiðandi og má muna fífil sinn fegurri. Árið áður seldi Alfa Romeo aðeins 93.117 bíla og markaði það ár enda á hrinu síminnkandi sölu bíla frá Alfa Romeo. Alfa Romeo tilheyrir Fiat Chrysler bílasamstæðunni og forstjóri hennar Sergio Marchionne sagði árið 2014 að Alf Romeo myndi selja 400.000 bíla árið 2018, en afar ólíklegt er að sú spá muni rætast. Í byrjun síðasta árs hafði Marchionne vonir um að Alfa Romeo myndi selja yfir 170.000 bíla, en það vantaði 20.000 bíla sölu uppá þær vonir. Sala Alfa Romeo er mjög svo bundin við Evrópu og salan í Kína er mjög lítil og fremur lítil í Bandaríkjunum líka, en 12.031 Alfa Romeo bíll seldust þar í fyrra. Flestir aðrir bílaframleiðendur reiða sig að stóru leiti á bílasölu á þessum tveimur stærstu bílamörkuðum heims, en þar á Alfa Romeo mikið verk að vinna. Þeir bílar Alfa Romeo sem áttu hvað mestan þátt í aukinni sölu á síðasta ári vori Stelvio jeppinn og Giulia fólksbíllinn. Þess má geta að umboð fyrir Alfa Romeo bíla á Íslandi er hjá Ísband í Mosfellsbæ, en þar á bæ seldust allmargir Stelvio jeppar í fyrra sem prýða nú göturnar hérlendis.
Mest lesið Kvikugangur frá Krýsuvík gæti náð inn í Heiðmörk Innlent Belgískum prins synjað um félagslegar bætur Erlent Lýsa eftir Svövu Lydiu Innlent Tíðir Esjufarar hryggir vegna örlaga Steins Innlent Stjórnarandstaðan gekk á dyr: Tekist á um þingskjalið í beinni Innlent Segist afhjúpa sannleikann í „tengdamömmumálinu“ Innlent Mikilvægur fundur með Íran framundan Erlent Kominn tími til að rapparar og áhrifavaldar axli ábyrgð Innlent Aflýstu blaðamannafundi skyndilega Erlent Tvímennir fangaklefar og frekara húsnæði til skoðunar til að leysa plássleysi Innlent