Bankar líti ekki á fjártækni sem ógn Kristinn Ingi Jónsson skrifar 8. febrúar 2018 07:00 Fríða Jónsdóttir, ráðgjafi hjá Deloitte í Lundúnum Fríða Jónsdóttir, ráðgjafi hjá Deloitte í Lundúnum, segir að bankar eigi ekki að horfa á þær breytingar sem ný reglugerð Evrópusambandsins um greiðsluþjónustu, sem jafnan er kennd við PSD2, mun hafa í för með sér sem ógn. Þeir verði þess í stað að nýta tækifærið og reyna að vinna með stóru tæknirisunum. „Bankar munu alltaf bjóða upp á fjármálavörur sem tæknifyrirtækin geta ekki og vilja ekki bjóða upp á, því það er ekki hagkvæmt fyrir þau.“ Ráð sé fyrir banka að leita eftir samstarfi við tæknifyrirtækin, sem séu í betra sambandi við viðskiptavininn, og nýta sér það til þess að koma sínum vörum á framfæri. Fríða mun halda erindi á fundi Fjármálaeftirlitsins um þróun og framtíð fjártækni (e. fintech) á föstudag. Innleiðing umræddrar reglugerðar í íslenskan rétt samhliða örri þróun stafrænnar tækni er talin munu gerbreyta umhverfi íslensks fjármálamarkaðar og leiða til byltingar í fjármálaþjónustu áður en langt um líður. Fríða segir að á síðustu árum hafi fjölmörg nýsköpunarfyrirtæki á sviði fjártækni sprottið upp sem geta boðið upp á að mörgu leyti skilvirkari og hagkvæmari fjármálaþjónustu en bankar hafa hingað til gert. „Þessi fyrirtæki eru að breyta viðhorfi almennings til fjármálamarkaða en þau hafa samt ekki tekið til sín stóra markaðshlutdeild. Það er erfitt fyrir lítið fyrirtæki að ætla að hrifsa til sín stóran hluta markaðarins, sérstaklega þegar kemur að fjármálakerfinu, enda er fólk að jafnaði mjög tregt til þess að skipta um banka.Með tilkomu nýrra fjártæknilausna og Evrópureglugerðar er talið að bankastarfsemi muni gerbreytast á næstu árum.Vísir/AntonEn ef við lítum til stórra tæknifyrirtækja á borð við Amazon, Apple, Facebook og Google, þá er ljóst að þessi fyrirtæki búa yfir gríðarmiklum upplýsingum um notendur sína, miklu meiri upplýsingum en bankar búa yfir um sína viðskiptavini. Fólk virðist vera meira til í að veita þessum fyrirtækjum upplýsingar um sjálft sig heldur en til dæmis bönkum, sérstaklega eftir fjármálakreppuna. Þessi tæknifyrirtæki þekkja okkur þannig mjög vel, eru risastór, mjög fjársterk og hafa sum hver fengið bankaleyfi. Þegar þau fá síðan – í gegnum PSD2-reglugerðina – aðgengi að innlánsreikningum viðskiptavina banka geta þau sótt fram og farið að veita fólki þá þjónustu sem bankar hafa vanalega veitt.“ Ólíkt nýsköpunarfyrirtækjunum séu stóru tæknifyrirtækin í aðstöðu til að taka til sín stóra sneið af markaðinum og í raun breyta hefðbundnu viðskiptamódeli fjármálafyrirtækja. Aðspurð segir Fríða að stjórnvöldum sé ákveðinn vandi á höndum. Annars vegar þurfi þau að skapa frjótt umhverfi sem hvetur til nýsköpunar í geiranum en hins vegar verði þau að gæta þess að fjártæknibyltingin leiði ekki til aukinnar hættu fyrir neytendur. „Aðalhlutverk stjórnvalda er að passa upp á að hagsmuna neytenda sé gætt. Nýsköpun og aukin samkeppni á fjármálamörkuðum stuðlar auðvitað að því að neytendur fái bestu mögulegu þjónustu en stjórnvöld þurfi þó að gæta þess að nýsköpunin beri ekki öryggið ofurliði. Það þarf að vera ákveðið jafnvægi þarna á milli. Bresk stjórnvöld hafa verið mjög framsækin í þessum efnum og voru til dæmis fljót að koma á fót sérstöku „sandkassaumhverfi“ fyrir fjártæknifyrirtæki þar sem þau geta prófað sig áfram og séð hvað virkar. Öll vinna stjórnvalda hefur miðað að því að auka gagnsæi og samkeppni í fjármálakerfinu þannig að neytandinn geti fengið betra verð og betri vörur.“ Á sama tíma verði stjórnvöld að hafa í huga þá hættu sem fjártæknilausnir geti haft í för með sér. Afleiðingarnar geti orðið afdrifaríkar ef illa fer. Birtist í Fréttablaðinu Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Sjá meira
Fríða Jónsdóttir, ráðgjafi hjá Deloitte í Lundúnum, segir að bankar eigi ekki að horfa á þær breytingar sem ný reglugerð Evrópusambandsins um greiðsluþjónustu, sem jafnan er kennd við PSD2, mun hafa í för með sér sem ógn. Þeir verði þess í stað að nýta tækifærið og reyna að vinna með stóru tæknirisunum. „Bankar munu alltaf bjóða upp á fjármálavörur sem tæknifyrirtækin geta ekki og vilja ekki bjóða upp á, því það er ekki hagkvæmt fyrir þau.“ Ráð sé fyrir banka að leita eftir samstarfi við tæknifyrirtækin, sem séu í betra sambandi við viðskiptavininn, og nýta sér það til þess að koma sínum vörum á framfæri. Fríða mun halda erindi á fundi Fjármálaeftirlitsins um þróun og framtíð fjártækni (e. fintech) á föstudag. Innleiðing umræddrar reglugerðar í íslenskan rétt samhliða örri þróun stafrænnar tækni er talin munu gerbreyta umhverfi íslensks fjármálamarkaðar og leiða til byltingar í fjármálaþjónustu áður en langt um líður. Fríða segir að á síðustu árum hafi fjölmörg nýsköpunarfyrirtæki á sviði fjártækni sprottið upp sem geta boðið upp á að mörgu leyti skilvirkari og hagkvæmari fjármálaþjónustu en bankar hafa hingað til gert. „Þessi fyrirtæki eru að breyta viðhorfi almennings til fjármálamarkaða en þau hafa samt ekki tekið til sín stóra markaðshlutdeild. Það er erfitt fyrir lítið fyrirtæki að ætla að hrifsa til sín stóran hluta markaðarins, sérstaklega þegar kemur að fjármálakerfinu, enda er fólk að jafnaði mjög tregt til þess að skipta um banka.Með tilkomu nýrra fjártæknilausna og Evrópureglugerðar er talið að bankastarfsemi muni gerbreytast á næstu árum.Vísir/AntonEn ef við lítum til stórra tæknifyrirtækja á borð við Amazon, Apple, Facebook og Google, þá er ljóst að þessi fyrirtæki búa yfir gríðarmiklum upplýsingum um notendur sína, miklu meiri upplýsingum en bankar búa yfir um sína viðskiptavini. Fólk virðist vera meira til í að veita þessum fyrirtækjum upplýsingar um sjálft sig heldur en til dæmis bönkum, sérstaklega eftir fjármálakreppuna. Þessi tæknifyrirtæki þekkja okkur þannig mjög vel, eru risastór, mjög fjársterk og hafa sum hver fengið bankaleyfi. Þegar þau fá síðan – í gegnum PSD2-reglugerðina – aðgengi að innlánsreikningum viðskiptavina banka geta þau sótt fram og farið að veita fólki þá þjónustu sem bankar hafa vanalega veitt.“ Ólíkt nýsköpunarfyrirtækjunum séu stóru tæknifyrirtækin í aðstöðu til að taka til sín stóra sneið af markaðinum og í raun breyta hefðbundnu viðskiptamódeli fjármálafyrirtækja. Aðspurð segir Fríða að stjórnvöldum sé ákveðinn vandi á höndum. Annars vegar þurfi þau að skapa frjótt umhverfi sem hvetur til nýsköpunar í geiranum en hins vegar verði þau að gæta þess að fjártæknibyltingin leiði ekki til aukinnar hættu fyrir neytendur. „Aðalhlutverk stjórnvalda er að passa upp á að hagsmuna neytenda sé gætt. Nýsköpun og aukin samkeppni á fjármálamörkuðum stuðlar auðvitað að því að neytendur fái bestu mögulegu þjónustu en stjórnvöld þurfi þó að gæta þess að nýsköpunin beri ekki öryggið ofurliði. Það þarf að vera ákveðið jafnvægi þarna á milli. Bresk stjórnvöld hafa verið mjög framsækin í þessum efnum og voru til dæmis fljót að koma á fót sérstöku „sandkassaumhverfi“ fyrir fjártæknifyrirtæki þar sem þau geta prófað sig áfram og séð hvað virkar. Öll vinna stjórnvalda hefur miðað að því að auka gagnsæi og samkeppni í fjármálakerfinu þannig að neytandinn geti fengið betra verð og betri vörur.“ Á sama tíma verði stjórnvöld að hafa í huga þá hættu sem fjártæknilausnir geti haft í för með sér. Afleiðingarnar geti orðið afdrifaríkar ef illa fer.
Birtist í Fréttablaðinu Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Sjá meira