Flaug út úr líkamanum og horfði á sjálfan sig syngja Kristín Ólafsdóttir skrifar 4. mars 2018 13:00 Ari Ólafsson söng sig inn í hug og hjörtu íslensku þjóðarinnar í gærkvöldi. RÚV Ari Ólafsson mun keppa fyrir Íslands hönd í Söngvakeppni evrópskra sjónvarpsstöðva í maí næstkomandi með lag sitt Our Choice. Ari segir sigurinn hafa komið sér gríðarlega á óvart og að tilfinningarnar hafi nær borið hann ofurliði í gærkvöldi. Hann hlakkar þó til að takast á við eina stærstu áskorun lífs síns innan fárra mánaða en sem barn grínaðist Ari oft með að taka þátt í Eurovision – og sigra.Sjá einnig: Ari Ólafsson vann Söngvakeppnina Þegar blaðamaður náði tali af Ara nú rétt fyrir hádegi í dag lá hann enn uppi í rúmi eftir kærkominn og verðskuldaðan nætursvefn. Hann segist enn vera að ná sér niður eftir sigurinn í gærkvöldi. „Þetta er ótrúlega gaman. Ég fór inn í þessa keppni með það markmið að komast í úrslitin. Það er hægt að segja að úrslitin hafi verið mjög spennandi vegna þess að Dagur var náttúrulega með mjög mikið forskot. Ég hafði engar væntingar í rauninni,“ segir Ari sem ber keppinaut sínum, Degi Sigurðssyni, vel söguna. Dagur fékk 20.183 stig frá dómurum keppninnar, sem voru sjö talsins, og Ari 17.453 atkvæði. Frá áhorfendum fékk Dagur 24.547 atkvæði í fyrri umferðinni en Ari 18.408 atkvæði. Enn er ekki vitað hvernig atkvæðin skiptust í einvíginu.Varð alveg stjarfur Ari segir úrslitakvöldið hafa verið ótrúlegur tilfinningarússíbani. Hann nefnir sérstaklega augnablikið þegar Jón Jónsson, annar kynna kvöldsins, las „Our choice“ upp úr vinningsumslaginu. „Ég veit ekki hvort þú hefur séð myndirnar en ég varð bara stjarfur. Ég stirðnaði upp og trúði ekki mínum eigin eyrum,“ segir Ari og ítrekar að hann hafi alls ekki búist við sigrinum. „Svo var ég líka búinn að gráta svo mikið að ég gat ekki grátið lengur og fór eiginlega í trans. Ég var á sjálfvirkri stillingu. Þessa síðustu klukktíma, þegar ég var uppi á sviði í bæði skiptin, þá flaug ég út úr líkamanum og horfði á sjálfan mig syngja. Ég var ekkert við stýrið.“ Ari söng lag sitt aftur eftir að úrslit voru gerð kunn. Hann segir flutninginn hafa verið auðveldari í seinna skiptið en eins og mörgum er kunnugt um er Ari mjög reyndur söngvari, aðeins 19 ára gamall. „Þetta var í raun ekkert rosalegt mál, bara fyrst og fremst ofboðslega gaman. Þarna gat maður fyrst notið sín og hætt að vera stressaður.“Ari stirðnaði upp þegar úrslitin voru tilkynnt í Laugardalshöll í gærkvöldi.Skjáskot/RúvFagnaði á Ölveri en hélt svo heim í faðm fjölskyldunnarAri segist óendanlega þakklátur fjölskyldu sinni, vinum og Our choice-liðinu fyrir stuðninginn. Þá hefur Þórunn Erna Clausen, höfundur lags og texta, staðið þétt við bakið á sínum manni í gegnum allt ferlið. „Öll fjölskyldan mín var þarna og liðið mitt. Þau eru náttúrulega bara einstaklega góðar manneskjur og hafa hvatt mig svo mikið áfram og hafa óbilandi trú á mér,“ segir Ari sem hélt upp á sigurinn með fólkinu sínu í gær. Förinni var heitið á Ölver en Ari hélt svo sjálfur heim til fjölskyldunnar þar sem hann fékk sér loksins að borða. „Og svo fékk ég mér góðan lúr. Ég rotaðist á núll einni.“Ætlar að nýta tækifærið Aðspurður segist Ari aðeins byrjaður að kynna sér framlög annarra landa, og þykir franska lagið flott, en hann er mikill Eurovision-aðdáandi. Keppnin skipar auk þess stóran sess í hjörtum fjölskyldunnar. „Við erum þrjár fjölskyldur sem hittumst oftast og horfum saman á Eurovision. Þegar ég var 12 eða 13 ára var ég alltaf að djóka með það, þegar við komumst ekki áfram í öll þessi skipti, að ég myndi fara næst og þá myndum við kannski vinna loksins.“ Nú gæti því farið svo að brandarinn verði að veruleika í Lissabon í maí. „Nú er tækifærið og maður verður að nýta það,“ segir Ari sposkur.Flutning Ara á Our Choice, framlagi Íslands í Eurovision 2018, má sjá og hlýða á í spilaranum að neðan. Eurovision Tengdar fréttir Þjóðin klofin í afstöðu sinni til úrslita Söngvakeppninnar Ari Ólafsson bar sigurorð af Degi Sigurðssyni í lokaeinvígi Söngvakeppni Sjónvarpsins sem haldin var í Laugardalshöll í gærkvöldi. Ari flutti lagið Our Choice en Dagur flutti lagið Í stormi. 4. mars 2018 10:50 Dagur Sig og Ari Ólafs í einvíginu Berjast um að verða fulltrúi Íslands í Eurovision. 3. mars 2018 21:45 Ari Ólafsson vann Söngvakeppnina Verður fulltrúi Íslendinga í Eurovision. 3. mars 2018 22:32 Mest lesið Bjarni Ben lét sig ekki vanta á Fjallabak Menning Rekur heimili fyrir unglingsmæður í Kenía fyrir hálfa milljón á mánuði Lífið Vörur sem flugfreyjur kaupa í Bandaríkjunum Lífið Steldu stílnum af heimili Svönu Lovísu Lífið Adolescence: Börn ekki lengur örugg ein inni í herbergi Lífið Í skýjunum með að vera fyrstir Tónlist Stjörnulífið: Eddan, rauðar blúndur og afmæli í París Lífið Stefán Einar og Sara Lind selja parhúsið Lífið Hollt veisluhlaðborð sem er lygilega bragðgott og girnilegt Lífið VÆB-bræður fyrstir á svið í Eurovision Lífið Fleiri fréttir Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Áhrifavaldar og þingmenn ræddu kærleikann „Þetta má ekki vera feimnismál“ „Ástarsorg er best í heimi“ Fréttatía vikunnar: Eddan, rektorskjör og mannanafnanefnd Fólk spyrji um veganisma af forvitni frekar en til að vera með leiðindi Fimm tíma morgunrútínan sem allir eru að tala um Eiginkona rafrettukóngs keypti eitt dýrasta einbýlishús Garðabæjar Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Bitin Bachelor stjarna Svara auknum fordómum og fáfræði með jákvæðni og list „Ég kalla mig alltaf flugfreyju þó að ég sé strákur“ Tíu skref í átt að nýju starti í svefnherberginu Fjallvegir á Vestfjörðum fengu hjartað til að slá hratt Ástfangin í sextán ár Sjá meira
Ari Ólafsson mun keppa fyrir Íslands hönd í Söngvakeppni evrópskra sjónvarpsstöðva í maí næstkomandi með lag sitt Our Choice. Ari segir sigurinn hafa komið sér gríðarlega á óvart og að tilfinningarnar hafi nær borið hann ofurliði í gærkvöldi. Hann hlakkar þó til að takast á við eina stærstu áskorun lífs síns innan fárra mánaða en sem barn grínaðist Ari oft með að taka þátt í Eurovision – og sigra.Sjá einnig: Ari Ólafsson vann Söngvakeppnina Þegar blaðamaður náði tali af Ara nú rétt fyrir hádegi í dag lá hann enn uppi í rúmi eftir kærkominn og verðskuldaðan nætursvefn. Hann segist enn vera að ná sér niður eftir sigurinn í gærkvöldi. „Þetta er ótrúlega gaman. Ég fór inn í þessa keppni með það markmið að komast í úrslitin. Það er hægt að segja að úrslitin hafi verið mjög spennandi vegna þess að Dagur var náttúrulega með mjög mikið forskot. Ég hafði engar væntingar í rauninni,“ segir Ari sem ber keppinaut sínum, Degi Sigurðssyni, vel söguna. Dagur fékk 20.183 stig frá dómurum keppninnar, sem voru sjö talsins, og Ari 17.453 atkvæði. Frá áhorfendum fékk Dagur 24.547 atkvæði í fyrri umferðinni en Ari 18.408 atkvæði. Enn er ekki vitað hvernig atkvæðin skiptust í einvíginu.Varð alveg stjarfur Ari segir úrslitakvöldið hafa verið ótrúlegur tilfinningarússíbani. Hann nefnir sérstaklega augnablikið þegar Jón Jónsson, annar kynna kvöldsins, las „Our choice“ upp úr vinningsumslaginu. „Ég veit ekki hvort þú hefur séð myndirnar en ég varð bara stjarfur. Ég stirðnaði upp og trúði ekki mínum eigin eyrum,“ segir Ari og ítrekar að hann hafi alls ekki búist við sigrinum. „Svo var ég líka búinn að gráta svo mikið að ég gat ekki grátið lengur og fór eiginlega í trans. Ég var á sjálfvirkri stillingu. Þessa síðustu klukktíma, þegar ég var uppi á sviði í bæði skiptin, þá flaug ég út úr líkamanum og horfði á sjálfan mig syngja. Ég var ekkert við stýrið.“ Ari söng lag sitt aftur eftir að úrslit voru gerð kunn. Hann segir flutninginn hafa verið auðveldari í seinna skiptið en eins og mörgum er kunnugt um er Ari mjög reyndur söngvari, aðeins 19 ára gamall. „Þetta var í raun ekkert rosalegt mál, bara fyrst og fremst ofboðslega gaman. Þarna gat maður fyrst notið sín og hætt að vera stressaður.“Ari stirðnaði upp þegar úrslitin voru tilkynnt í Laugardalshöll í gærkvöldi.Skjáskot/RúvFagnaði á Ölveri en hélt svo heim í faðm fjölskyldunnarAri segist óendanlega þakklátur fjölskyldu sinni, vinum og Our choice-liðinu fyrir stuðninginn. Þá hefur Þórunn Erna Clausen, höfundur lags og texta, staðið þétt við bakið á sínum manni í gegnum allt ferlið. „Öll fjölskyldan mín var þarna og liðið mitt. Þau eru náttúrulega bara einstaklega góðar manneskjur og hafa hvatt mig svo mikið áfram og hafa óbilandi trú á mér,“ segir Ari sem hélt upp á sigurinn með fólkinu sínu í gær. Förinni var heitið á Ölver en Ari hélt svo sjálfur heim til fjölskyldunnar þar sem hann fékk sér loksins að borða. „Og svo fékk ég mér góðan lúr. Ég rotaðist á núll einni.“Ætlar að nýta tækifærið Aðspurður segist Ari aðeins byrjaður að kynna sér framlög annarra landa, og þykir franska lagið flott, en hann er mikill Eurovision-aðdáandi. Keppnin skipar auk þess stóran sess í hjörtum fjölskyldunnar. „Við erum þrjár fjölskyldur sem hittumst oftast og horfum saman á Eurovision. Þegar ég var 12 eða 13 ára var ég alltaf að djóka með það, þegar við komumst ekki áfram í öll þessi skipti, að ég myndi fara næst og þá myndum við kannski vinna loksins.“ Nú gæti því farið svo að brandarinn verði að veruleika í Lissabon í maí. „Nú er tækifærið og maður verður að nýta það,“ segir Ari sposkur.Flutning Ara á Our Choice, framlagi Íslands í Eurovision 2018, má sjá og hlýða á í spilaranum að neðan.
Eurovision Tengdar fréttir Þjóðin klofin í afstöðu sinni til úrslita Söngvakeppninnar Ari Ólafsson bar sigurorð af Degi Sigurðssyni í lokaeinvígi Söngvakeppni Sjónvarpsins sem haldin var í Laugardalshöll í gærkvöldi. Ari flutti lagið Our Choice en Dagur flutti lagið Í stormi. 4. mars 2018 10:50 Dagur Sig og Ari Ólafs í einvíginu Berjast um að verða fulltrúi Íslands í Eurovision. 3. mars 2018 21:45 Ari Ólafsson vann Söngvakeppnina Verður fulltrúi Íslendinga í Eurovision. 3. mars 2018 22:32 Mest lesið Bjarni Ben lét sig ekki vanta á Fjallabak Menning Rekur heimili fyrir unglingsmæður í Kenía fyrir hálfa milljón á mánuði Lífið Vörur sem flugfreyjur kaupa í Bandaríkjunum Lífið Steldu stílnum af heimili Svönu Lovísu Lífið Adolescence: Börn ekki lengur örugg ein inni í herbergi Lífið Í skýjunum með að vera fyrstir Tónlist Stjörnulífið: Eddan, rauðar blúndur og afmæli í París Lífið Stefán Einar og Sara Lind selja parhúsið Lífið Hollt veisluhlaðborð sem er lygilega bragðgott og girnilegt Lífið VÆB-bræður fyrstir á svið í Eurovision Lífið Fleiri fréttir Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Áhrifavaldar og þingmenn ræddu kærleikann „Þetta má ekki vera feimnismál“ „Ástarsorg er best í heimi“ Fréttatía vikunnar: Eddan, rektorskjör og mannanafnanefnd Fólk spyrji um veganisma af forvitni frekar en til að vera með leiðindi Fimm tíma morgunrútínan sem allir eru að tala um Eiginkona rafrettukóngs keypti eitt dýrasta einbýlishús Garðabæjar Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Bitin Bachelor stjarna Svara auknum fordómum og fáfræði með jákvæðni og list „Ég kalla mig alltaf flugfreyju þó að ég sé strákur“ Tíu skref í átt að nýju starti í svefnherberginu Fjallvegir á Vestfjörðum fengu hjartað til að slá hratt Ástfangin í sextán ár Sjá meira
Þjóðin klofin í afstöðu sinni til úrslita Söngvakeppninnar Ari Ólafsson bar sigurorð af Degi Sigurðssyni í lokaeinvígi Söngvakeppni Sjónvarpsins sem haldin var í Laugardalshöll í gærkvöldi. Ari flutti lagið Our Choice en Dagur flutti lagið Í stormi. 4. mars 2018 10:50
Dagur Sig og Ari Ólafs í einvíginu Berjast um að verða fulltrúi Íslands í Eurovision. 3. mars 2018 21:45