Benjamin Ingrosso vann Melodifestivalen í Svíþjóð í kvöld.Skjáskot/Youtube
Svíar hafa nú valið sitt framlag í Eurovision, Söngvakeppni evrópskra sjónvarpsstöðva. Sá sem mun stíga á svið fyrir hönd Svíþjóðar í maí er Benjamin Ingrosso og mun hann flytja lagið Dance you off. Benjamin er fæddur árið 1997 og vann hann Melodifestivalen keppnina í Svíþjóð en úrslitin fóru fram í kvöld.
Benjamin var efstur í símakosningunni og fékk einnig flest stig frá dómnefndinni sem var alþjóðleg. Felix Bergsson Eurovision-sérfræðingur var í dómnefndinni fyrir hönd Íslands.
