Brighton náði í stig gegn Tottenham Ástrós Ýr Eggertsdóttir skrifar 17. apríl 2018 20:45 Harry Kane bætti við markatölu sína í kvöld vísir/getty Brighton og Tottenham skildu jöfn á Amex vellinum í Brighton í kvöld, 1-1. Harry Kane kom Tottenham yfir strax í upphafi seinni hálfleiks eftir mistök Gaetan Bong í vörn Brighton. Serge Aurier náði að ræna af honum boltanum, koma boltanum á Son Heung-min sem lagði upp mark Kane. Aðeins örfáum mínútum seinna braut svo Aurier af sér innan eigin vítateigs og Pascal Gross jafnaði úr vítaspyrnu. Fleiri urðu mörkin ekki og liðin deila með sér sitt hvoru stiginu. Tottenham er því tveimur stigum á eftir Liverpool í fjórða sæti úrvalsdeildarinnar, átta stigum á undan Chelsea. Brighton er í nokkuð þægilegri stöðu í 13. sæti, átta stigum frá fallsæti þegar liðið á eftir fjóra leiki. Enski boltinn
Brighton og Tottenham skildu jöfn á Amex vellinum í Brighton í kvöld, 1-1. Harry Kane kom Tottenham yfir strax í upphafi seinni hálfleiks eftir mistök Gaetan Bong í vörn Brighton. Serge Aurier náði að ræna af honum boltanum, koma boltanum á Son Heung-min sem lagði upp mark Kane. Aðeins örfáum mínútum seinna braut svo Aurier af sér innan eigin vítateigs og Pascal Gross jafnaði úr vítaspyrnu. Fleiri urðu mörkin ekki og liðin deila með sér sitt hvoru stiginu. Tottenham er því tveimur stigum á eftir Liverpool í fjórða sæti úrvalsdeildarinnar, átta stigum á undan Chelsea. Brighton er í nokkuð þægilegri stöðu í 13. sæti, átta stigum frá fallsæti þegar liðið á eftir fjóra leiki.