Ég er að reyna á þanþol myrkursins 30. júlí 2018 21:00 „Ég vel mér fórnarlömb af kostgæfni,“ segir Bjargey kímin og á þar við fyrirsæturnar. Fréttablaðið/Þórsteinn Á sýningu sinni í Ramskram galleríi sýnir Bjargey Ólafsdóttir alvöru ljósmyndir sem þó liggja á mörkum skáldskapar og veruleika. Sýningin nefnist Vasaspegill. „Þetta er smá leikhús, með myndunum reyni ég að fanga andrúmsloft og búa til stemningar,“ segir Bjargey Ólafsdóttir myndlistarkona um nokkur dimm en ljóðræn ljósmyndaverk sem hún er með á sýningu sinni í Ramskram galleríi á Njálsgötu 49. Verkin eru öll unnin á vettvangi, að sögn Bjargeyjar. Hún kveðst ná hinu draumkennda yfirbragði þeirra með því að munda myndavélina í myrkri og vinna svo með lítið ljós. „Ég er að reyna á þanþol myrkursins,“ útskýrir hún. Skyldi hún kannski líka reyna á þanþol fyrirsætanna? „Já, segir hún glaðlega. „Ég vel mér fórnarlömb af kostgæfni og myndirnar eru samspil milli mín og þeirra sem sitja fyrir. Það eru tveir leikarar, einn arkitekt, tveir myndlistarmenn og kvikmyndatökukona, sem er ekki vön að vera fyrir framan linsuna.“ Bjargey kveðst ekki hafa þurft að kalla hverja fyrirsætu oft til samstarfs, heldur tekið margar myndir í senn. „Það er fjöldi mynda bak við þær sem ég vel til sýningar. Reyndar eru fleiri til inn í þessa seríu í Ramskram og kannski sýni ég þær seinna, þessar pössuðu bara inn hér.“ Oft kveðst Bjargey vinna með nokkrar seríur í einu og safna í þær þegar hún rekst á fólk eða aðstæður sem passa inn í andrúmsloft hverrar og einnar. „Ég geri tilraunir og stundum dett ég niður á eitthvað sem mér finnst virka, þá held ég áfram með það. Þessi sería er unnin á löngum tíma,“ lýsir hún. Listsköpun Bjargeyjar hefur ekki verið bundin við einn listmiðil. Hún er þekkt fyrir að segja sögur með því sem hún gerir og velja sér þann miðil sem hentar best hverju sinni. Hún fæst við kvikmyndagerð, hljóðverk, gjörninga, teiknar, málar og myndar. Í sumar er hún landvörður norðan Vatnajökuls, í Kverkfjöllum, Hvannalindum og Krepputungu og kveðst vera mikið á ferðinni þar á milli. Skyldi hún hafa tekið margar myndir í óbyggðunum. „Nei, kannski eina á dag. Ég er meira upptekin af vinnunni og bara af því að vera til.“ Sýningin Vasaspegill stendur til 25. ágúst. Birtist í Fréttablaðinu Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Margverðlaunaður garður með sólskini allan daginn Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Fundu ástina á ný eftir skilnað Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Á sýningu sinni í Ramskram galleríi sýnir Bjargey Ólafsdóttir alvöru ljósmyndir sem þó liggja á mörkum skáldskapar og veruleika. Sýningin nefnist Vasaspegill. „Þetta er smá leikhús, með myndunum reyni ég að fanga andrúmsloft og búa til stemningar,“ segir Bjargey Ólafsdóttir myndlistarkona um nokkur dimm en ljóðræn ljósmyndaverk sem hún er með á sýningu sinni í Ramskram galleríi á Njálsgötu 49. Verkin eru öll unnin á vettvangi, að sögn Bjargeyjar. Hún kveðst ná hinu draumkennda yfirbragði þeirra með því að munda myndavélina í myrkri og vinna svo með lítið ljós. „Ég er að reyna á þanþol myrkursins,“ útskýrir hún. Skyldi hún kannski líka reyna á þanþol fyrirsætanna? „Já, segir hún glaðlega. „Ég vel mér fórnarlömb af kostgæfni og myndirnar eru samspil milli mín og þeirra sem sitja fyrir. Það eru tveir leikarar, einn arkitekt, tveir myndlistarmenn og kvikmyndatökukona, sem er ekki vön að vera fyrir framan linsuna.“ Bjargey kveðst ekki hafa þurft að kalla hverja fyrirsætu oft til samstarfs, heldur tekið margar myndir í senn. „Það er fjöldi mynda bak við þær sem ég vel til sýningar. Reyndar eru fleiri til inn í þessa seríu í Ramskram og kannski sýni ég þær seinna, þessar pössuðu bara inn hér.“ Oft kveðst Bjargey vinna með nokkrar seríur í einu og safna í þær þegar hún rekst á fólk eða aðstæður sem passa inn í andrúmsloft hverrar og einnar. „Ég geri tilraunir og stundum dett ég niður á eitthvað sem mér finnst virka, þá held ég áfram með það. Þessi sería er unnin á löngum tíma,“ lýsir hún. Listsköpun Bjargeyjar hefur ekki verið bundin við einn listmiðil. Hún er þekkt fyrir að segja sögur með því sem hún gerir og velja sér þann miðil sem hentar best hverju sinni. Hún fæst við kvikmyndagerð, hljóðverk, gjörninga, teiknar, málar og myndar. Í sumar er hún landvörður norðan Vatnajökuls, í Kverkfjöllum, Hvannalindum og Krepputungu og kveðst vera mikið á ferðinni þar á milli. Skyldi hún hafa tekið margar myndir í óbyggðunum. „Nei, kannski eina á dag. Ég er meira upptekin af vinnunni og bara af því að vera til.“ Sýningin Vasaspegill stendur til 25. ágúst.
Birtist í Fréttablaðinu Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Margverðlaunaður garður með sólskini allan daginn Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Fundu ástina á ný eftir skilnað Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira