Lét drauminn rætast Sigríður Inga Sigurðardóttir skrifar 21. ágúst 2018 05:30 Karen segir alþjóðlega stemningu hjá Dóttir Hot Yoga Studio. Rúm vika er síðan Dóttir Hot Yoga Studio var opnað formlega í Sydhavn í Kaupmannahöfn en þar kennir eigandinn, Karen Halldórsdóttir, jóga í 35 gráðu heitum sal, útbýr lífræna heilsudjúsa og sinnir almennum rekstri. „Mig langaði að breyta til og prófa eitthvað nýtt og ákvað því að flytja til Kaupmannahafnar með dætur mínar fyrir um einu og hálfu ári. Ég pakkaði búslóðinni okkar niður, kom henni í gám og svo flugum við út. Ég var ekki með neitt sérstakt plan heldur var þetta skyndiákvörðun sem átti sér þó nokkurn aðdraganda. Í raun var ég búin að leggja drög að því að flytja til Kaupmannahafnar árið 2009 en sló þeim áformum á frest því ég varð ófrísk að eldri dóttur minni og fannst ekki henta að flytja út með ungbarn. Yngri dóttir mín fæddist svo þremur árum seinna. Kaupmannahöfn hefur alltaf heillað mig og því lá beint við að flytja þangað,“ segir Karen glaðlega en þeim mæðgum líkar afar vel að búa í Danmörku. „Okkur hefur gengið ágætlega að aðlagast dönsku samfélagi. Dætur mínar hafa náð góðum tökum á tungumálinu og tala núorðið meiri dönsku en íslensku. Sú yngri er fimm ára og sú eldri átta ára. Sjálf er ég enn að læra málið, ég skil dönskuna vel og læri eitthvað nýtt á hverjum degi.“Skellti sér í jógakennaranám Þegar Karen hafði komið þeim mæðgum vel fyrir í Kaupmannahöfn skráði hún sig í 200 tíma jógakennaranám og lauk því fyrr á þessu ári. „Ég ákvað í beinu framhaldi af því að opna mitt eigið stúdíó með áherslu á hot yoga. Ég hef alltaf verið jógi í mér og verið á mottunni minni síðustu sex árin og það hefur ekkert dregið úr því eftir að ég kláraði námið. Ég er mjög hrifin af hot yoga og veit fátt betra en að æfa í hita. Það er góð leið til að hreinsa líkama og sál og komast í tengingu við sjálfan sig upp á nýtt. Ég kenni hot yoga í tvo tíma á dag og æfi í tvo tíma hjá öðrum kennurum og fæ jafnframt innblástur frá þeim,“ segir Karen brosandi.Djús fyrir daginn, stútfullur af orku og vítamínum.Hún segir muninn á hot yoga og hefðbundnu jóga helst felast í því að í hot yoga fara tímarnir fram í heitum sal. „Ég kenni í um 35 gráðu heitum sal sem er hitaður upp með innrauðum geislum. Ég kýs að hafa þetta hitastig svo það sé ekki hærra en eðlilegur líkamshiti. Hitinn er talinn hafa marga kosti hvað varðar heilsuna, svo sem að draga úr bólgum í líkamanum og liðverkjum. Elsti viðskiptavinurinn er 67 ára og kemur til mín í djúpar teygjur og slökun.“ Innt eftir því hvernig hafi gengið að setja á stofn sitt eigið fyrirtæki í Danmörku segir Karen það hafa gengið vel. „Það gekk vonum framar og er sennilega svipað og á Íslandi. Það kom mér á óvart hversu aðgengilegt allt var. Foreldrar mínir hafa verið mér innan handar en þau hafa verið í rekstri meira og minna alla sína tíð, og rekið veitingahús og skemmtistað í miðbæ Reykjavíkur. Mig hafði lengi langað til að fara út í minn eigin rekstur og þegar þetta tækifæri gafst ákvað ég að hella mér út í þetta verkefni,“ greinir Karen frá. Hún segist hafa fengið mjög góðar viðtökur við Dóttir Hot Yoga Studio. „Djúsbarinn var opnaður fyrir rúmri viku en jógastúdíóið þann 16. júní. Ég er eingöngu með lífrænt ræktað hráefni og legg áherslu á sjálfbærni og endurvinnslu. Bollarnir eru t.d. endurunnir úr kaffikorgi og viðskiptavinirnir geta komið með sínar eigin áfyllingarflöskur. Þetta er hugmyndafræðin sem ég vinn eftir,“ segir Karen og bætir við að Dóttir Hot Yoga Studio sé eitt af fáum jógastúdíóum í Kaupmannahöfn þar sem allir tímarnir fari fram á ensku og þar af leiðandi séu viðskiptavinirnir frá öllum heimsins hornum. „Stemningin er mjög alþjóðleg og svo bætast sífellt fleiri Íslendingar í hópinn, auk þess sem fjöldi Dana kemur til mín í tíma,“ segir Karen ánægð.BEET IT DANCER 3 sellerístilkar 2 græn epli 2 rauðrófur Handfylli af hindberjum Engifer að smekkPressið saman sellerí, epli, rauðrófur og engifer. Setjið í blandara, ásamt hindberjum og blandið vel saman. Berið fram. Birtist í Fréttablaðinu Heilsa Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Ekki búið spil Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Ekki búið spil Randy er litríkasti gaurinn í hinni geggjuðu Pittsburgh Byrjaði í smábrotum en vatt svo upp á sig Fréttatía vikunnar: Vindmyllur, tannlæknar og fegurðardrottningar Heitustu hinsegin pör landsins Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Sjá meira
Rúm vika er síðan Dóttir Hot Yoga Studio var opnað formlega í Sydhavn í Kaupmannahöfn en þar kennir eigandinn, Karen Halldórsdóttir, jóga í 35 gráðu heitum sal, útbýr lífræna heilsudjúsa og sinnir almennum rekstri. „Mig langaði að breyta til og prófa eitthvað nýtt og ákvað því að flytja til Kaupmannahafnar með dætur mínar fyrir um einu og hálfu ári. Ég pakkaði búslóðinni okkar niður, kom henni í gám og svo flugum við út. Ég var ekki með neitt sérstakt plan heldur var þetta skyndiákvörðun sem átti sér þó nokkurn aðdraganda. Í raun var ég búin að leggja drög að því að flytja til Kaupmannahafnar árið 2009 en sló þeim áformum á frest því ég varð ófrísk að eldri dóttur minni og fannst ekki henta að flytja út með ungbarn. Yngri dóttir mín fæddist svo þremur árum seinna. Kaupmannahöfn hefur alltaf heillað mig og því lá beint við að flytja þangað,“ segir Karen glaðlega en þeim mæðgum líkar afar vel að búa í Danmörku. „Okkur hefur gengið ágætlega að aðlagast dönsku samfélagi. Dætur mínar hafa náð góðum tökum á tungumálinu og tala núorðið meiri dönsku en íslensku. Sú yngri er fimm ára og sú eldri átta ára. Sjálf er ég enn að læra málið, ég skil dönskuna vel og læri eitthvað nýtt á hverjum degi.“Skellti sér í jógakennaranám Þegar Karen hafði komið þeim mæðgum vel fyrir í Kaupmannahöfn skráði hún sig í 200 tíma jógakennaranám og lauk því fyrr á þessu ári. „Ég ákvað í beinu framhaldi af því að opna mitt eigið stúdíó með áherslu á hot yoga. Ég hef alltaf verið jógi í mér og verið á mottunni minni síðustu sex árin og það hefur ekkert dregið úr því eftir að ég kláraði námið. Ég er mjög hrifin af hot yoga og veit fátt betra en að æfa í hita. Það er góð leið til að hreinsa líkama og sál og komast í tengingu við sjálfan sig upp á nýtt. Ég kenni hot yoga í tvo tíma á dag og æfi í tvo tíma hjá öðrum kennurum og fæ jafnframt innblástur frá þeim,“ segir Karen brosandi.Djús fyrir daginn, stútfullur af orku og vítamínum.Hún segir muninn á hot yoga og hefðbundnu jóga helst felast í því að í hot yoga fara tímarnir fram í heitum sal. „Ég kenni í um 35 gráðu heitum sal sem er hitaður upp með innrauðum geislum. Ég kýs að hafa þetta hitastig svo það sé ekki hærra en eðlilegur líkamshiti. Hitinn er talinn hafa marga kosti hvað varðar heilsuna, svo sem að draga úr bólgum í líkamanum og liðverkjum. Elsti viðskiptavinurinn er 67 ára og kemur til mín í djúpar teygjur og slökun.“ Innt eftir því hvernig hafi gengið að setja á stofn sitt eigið fyrirtæki í Danmörku segir Karen það hafa gengið vel. „Það gekk vonum framar og er sennilega svipað og á Íslandi. Það kom mér á óvart hversu aðgengilegt allt var. Foreldrar mínir hafa verið mér innan handar en þau hafa verið í rekstri meira og minna alla sína tíð, og rekið veitingahús og skemmtistað í miðbæ Reykjavíkur. Mig hafði lengi langað til að fara út í minn eigin rekstur og þegar þetta tækifæri gafst ákvað ég að hella mér út í þetta verkefni,“ greinir Karen frá. Hún segist hafa fengið mjög góðar viðtökur við Dóttir Hot Yoga Studio. „Djúsbarinn var opnaður fyrir rúmri viku en jógastúdíóið þann 16. júní. Ég er eingöngu með lífrænt ræktað hráefni og legg áherslu á sjálfbærni og endurvinnslu. Bollarnir eru t.d. endurunnir úr kaffikorgi og viðskiptavinirnir geta komið með sínar eigin áfyllingarflöskur. Þetta er hugmyndafræðin sem ég vinn eftir,“ segir Karen og bætir við að Dóttir Hot Yoga Studio sé eitt af fáum jógastúdíóum í Kaupmannahöfn þar sem allir tímarnir fari fram á ensku og þar af leiðandi séu viðskiptavinirnir frá öllum heimsins hornum. „Stemningin er mjög alþjóðleg og svo bætast sífellt fleiri Íslendingar í hópinn, auk þess sem fjöldi Dana kemur til mín í tíma,“ segir Karen ánægð.BEET IT DANCER 3 sellerístilkar 2 græn epli 2 rauðrófur Handfylli af hindberjum Engifer að smekkPressið saman sellerí, epli, rauðrófur og engifer. Setjið í blandara, ásamt hindberjum og blandið vel saman. Berið fram.
Birtist í Fréttablaðinu Heilsa Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Ekki búið spil Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Ekki búið spil Randy er litríkasti gaurinn í hinni geggjuðu Pittsburgh Byrjaði í smábrotum en vatt svo upp á sig Fréttatía vikunnar: Vindmyllur, tannlæknar og fegurðardrottningar Heitustu hinsegin pör landsins Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Sjá meira