Gylfi byrjaði á bekknum í tapi Everton

Landsliðsmaðurinn Gylfi Þór Sigurðsson byrjaðu á bekknum í liði Everton er liðið tapaði gegn Brighton á útivelli í ensku úrvalsdeildinni.



Allt var markalaust þegar flautað var til hálfleiks.



Það dró svo til tíðinda eftir tæplega klukkutímaleik þegar Jurgen Locadia kom boltanum fram hjá Jordan Pickford í marki Everton eftir hornspyrnu.



Gylfi kom inn á skömmu síðar en náði ekki að setja mark sitt á leikinn. Sterkur sigur Brighton á heimavelli staðreynd.



Brigthon er í 13. sæti deildarinnar eftir sigurinn, og er komið með þægilegt forskot á neðstu sjö lið deildarinnar.



Everton er í tíunda sæti deildarinnar.