Ford F-150 seldist í 896.764 eintökum í Bandaríkjunum Finnur Thorlacius skrifar 5. janúar 2018 10:03 Ford F-150 pallbíllinn var söluhæstur vestanhafs 41. árið í röð. Vinsældir pallbíla í Bandaríkjunum ætlar engan endi að taka og sá allra vinsælasti þeirra, Ford F-150 mokaðist hreinlega út á síðasta ári. Hann seldist í hvorki fleiri né færri eintökum en 896.764 eingöngu í heimalandinu Bandaríkjunum. Árið í fyrra markar 41. árið í röð sem Ford F-150 er mest seldi bíllinn í Bandaríkjunum. Sala bílsins jókst um 9,3% á milli ára. Næst mest selda bílgerðin í Bandaríkjunum á nýliðnu ári var einnig pallbíll, eða Chevrolet Silverado, en hann seldist í 585.864 eintökum og sala hans jókst um 1,9% á milli ára. Í þriðja sætinu var einnig pallbíll og kórónar það pallbílaæði Bandaríkjamanna, en Ram Trucks seldust í 500.723 eintökum í fyrra. Jókst sala þeirra um 2,0% frá fyrra ári. Það eru svo tveir jepplingar sem sitja í næstu tveimur sætum, en Toyota RAV4 seldist í 407.549 eintökum og Nissan Qashqai í 403.465. Sala RAV4 jókst um 16,1% og Qashqai um heil 22,1%. Það er svo ekki fyrr en í sjötta sætinu sem finna má fólksbíl, en Toyota Camry seldist í 387.081 eintökum og minnkaði sala hans um 0,1% á milli ára. Í sjöunda sætinu kom svo enn einn jepplingurinn, en Honda CR-V seldist í 377.895 eintökum og jókst sala hans um 6,1%. Mest lesið Kvikugangur frá Krýsuvík gæti náð inn í Heiðmörk Innlent Belgískum prins synjað um félagslegar bætur Erlent Lýsa eftir Svövu Lydiu Innlent Tíðir Esjufarar hryggir vegna örlaga Steins Innlent Stjórnarandstaðan gekk á dyr: Tekist á um þingskjalið í beinni Innlent Segist afhjúpa sannleikann í „tengdamömmumálinu“ Innlent Kominn tími til að rapparar og áhrifavaldar axli ábyrgð Innlent Aflýstu blaðamannafundi skyndilega Erlent Mikilvægur fundur með Íran framundan Erlent Tvímennir fangaklefar og frekara húsnæði til skoðunar til að leysa plássleysi Innlent
Vinsældir pallbíla í Bandaríkjunum ætlar engan endi að taka og sá allra vinsælasti þeirra, Ford F-150 mokaðist hreinlega út á síðasta ári. Hann seldist í hvorki fleiri né færri eintökum en 896.764 eingöngu í heimalandinu Bandaríkjunum. Árið í fyrra markar 41. árið í röð sem Ford F-150 er mest seldi bíllinn í Bandaríkjunum. Sala bílsins jókst um 9,3% á milli ára. Næst mest selda bílgerðin í Bandaríkjunum á nýliðnu ári var einnig pallbíll, eða Chevrolet Silverado, en hann seldist í 585.864 eintökum og sala hans jókst um 1,9% á milli ára. Í þriðja sætinu var einnig pallbíll og kórónar það pallbílaæði Bandaríkjamanna, en Ram Trucks seldust í 500.723 eintökum í fyrra. Jókst sala þeirra um 2,0% frá fyrra ári. Það eru svo tveir jepplingar sem sitja í næstu tveimur sætum, en Toyota RAV4 seldist í 407.549 eintökum og Nissan Qashqai í 403.465. Sala RAV4 jókst um 16,1% og Qashqai um heil 22,1%. Það er svo ekki fyrr en í sjötta sætinu sem finna má fólksbíl, en Toyota Camry seldist í 387.081 eintökum og minnkaði sala hans um 0,1% á milli ára. Í sjöunda sætinu kom svo enn einn jepplingurinn, en Honda CR-V seldist í 377.895 eintökum og jókst sala hans um 6,1%.
Mest lesið Kvikugangur frá Krýsuvík gæti náð inn í Heiðmörk Innlent Belgískum prins synjað um félagslegar bætur Erlent Lýsa eftir Svövu Lydiu Innlent Tíðir Esjufarar hryggir vegna örlaga Steins Innlent Stjórnarandstaðan gekk á dyr: Tekist á um þingskjalið í beinni Innlent Segist afhjúpa sannleikann í „tengdamömmumálinu“ Innlent Kominn tími til að rapparar og áhrifavaldar axli ábyrgð Innlent Aflýstu blaðamannafundi skyndilega Erlent Mikilvægur fundur með Íran framundan Erlent Tvímennir fangaklefar og frekara húsnæði til skoðunar til að leysa plássleysi Innlent