Komnir með titlauppskriftina Ingvi Þór Sæmundsson skrifar 15. janúar 2018 06:30 Helgi Rafn Viggósson, fyrirliði Tindastóls, lyftir bikarnum hátt á loft eftir sigurinn stóra á KR í úrslitaleik Maltbikarsins á laugardaginn. vísir/hanna Ef það er hægt að spila hinn fullkomna leik þá gerði Tindastóll það gegn KR í úrslitaleik Maltbikars karla á laugardaginn. Stólarnir voru yfir allan leikinn, komust í 0-14 og 2-19 og unnu á endanum 27 stiga sigur, 69-96, og fögnuðu vel og innilega fyrsta stóra titlinum í sögu félagsins. Hungrið var mikið hjá leikmönnum Tindastóls sem voru miklu sterkari í úrslitaleiknum og léku við hvern sinn fingur. „Þetta er magnað. Ég er ánægður með að við höfum loksins stigið yfir þennan þröskuld. Við erum búnir að reka stóru tána ansi oft í hann,“ sagði Helgi Freyr Margeirsson, aldursforsetinn í liði Tindastóls.Byrjaði 14 ára Helgi hefur verið lengi að en hann spilaði sinn fyrsta leik með meistaraflokki Tindastóls aðeins 14 ára gamall. Hann hefur gengið í gegnum ýmislegt með félaginu, spilað í næstefstu deild og verið í liðum sem hafa verið nálægt því að vinna titla, m.a. árið 2012 þegar Tindastóll tapaði fyrir Keflavík í bikarúrslitum. „Við erum búnir að bíða lengi eftir þessu. Við höfum farið einu sinni áður í bikarúrslit og verið með lið til þess að fara alla leið en aldrei náð að setja saman heilsteypta leiki eins og núna,“ sagði Helgi en síðustu þrír leikir Tindastóls í Maltbikarnum voru gegn þremur efstu liðum Domino’s-deildarinnar; ÍR, Haukum og KR. Helgi segir að leikáætlun Stólanna í úrslitaleiknum á laugardaginn hafi ekki verið mjög flókin. „Við einsettum okkur að einfalda hluti hvað taktína varðar. Við vorum með einfalda taktík, bæði í vörn og sókn, en gáfum frekar meira í. Það var ekkert hik á mönnum og við fórum á fullum krafti í allt,“ sagði Helgi sem var eini leikmaður Tindastóls sem skoraði ekki í leiknum sem sýnir breiddina í liðinu. Israel Martin, þjálfari Tindastóls, notaði 11 leikmenn meðan leikurinn var jafn og aðeins einn leikmaður lék meira en 30 mínútur. Það var Pétur Rúnar Birgisson sem var valinn maður leiksins. Hann, líkt og flestir í liði Tindastóls, eru heimamenn. Aðeins Bandaríkjamennirnir tveir, Antonio Hester og Brandon Garrett, og Björgvin Hafþór Ríkharðsson eru aðkomumenn. Sá síðastnefndi er þó tengdasonur Skagafjarðar eins og Helgi segir. Þessi fjöldi heimamanna í liði Tindastóls er til vitnis um það góða starf sem er unnið í körfuboltanum á Sauðárkróki.Lögreglufylgd og flugeldasýning Helgi hrósaði stuðningnum sem Tindastóll fékk á bikarhelginni. Skagfirðingar fjölmenntu í Höllina og studdu vel við bakið á sínum mönnum. „Við unnum stórsigur í stúkunni í báðum leikjunum. Þegar við komum heim í gærkvöldi fengum við lögreglufylgd inn í bæinn, það var flugeldasýning og 1.500 manns sem biðu eftir okkur í íþróttahúsinu,“ sagði Helgi. Hann segir að Stólunum séu allir vegir færir eftir að hafa brotið þennan þykka ís, að vinna fyrsta stóra titilinn. Stefnan er sett á að vinna Íslandsmeistaratitilinn. „Fyrir tímabilið var markmiðið ekkert leyndarmál; að vinna það sem er í boði. Við erum komnir með uppskriftina. Nú er bara að fylgja þessu eftir. Það er enginn saddur, langt því frá,“ sagði Helgi sem segir liðsheildina hjá Tindastóli einstaka.Mikið bræðralag „Maður er búinn að vera í mörgum liðum í gegnum ævina en þú finnur ekki þessa liðsheild sem við erum með hérna,“ sagði Helgi. „Við erum rosalega heppnir með baklandið og það er hvergi eins öflugt og hérna. En liðið, þessi kjarni leikmanna, er svo ofboðslega mikið bræðralag. Það er svo mikið traust í hópnum. Það hafa alls konar hlutir komið upp en það koma aldrei brestir í þennan kjarna. Það er svo mikilvægt.“ Dominos-deild karla Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Enska sambandið vill Guardiola og er tilbúið að bíða Enski boltinn Segja að Alexander-Arnold sé opinn fyrir því að fara til Real Madrid Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Giannis á leið á sína fyrstu Ólympíuleika Caitlin Clark varð fyrsti nýliðinn til að ná þrefaldri tvennu LeBron fær meira borgað næstu tvö ár en Jordan fékk allan ferilinn Sjá meira
Ef það er hægt að spila hinn fullkomna leik þá gerði Tindastóll það gegn KR í úrslitaleik Maltbikars karla á laugardaginn. Stólarnir voru yfir allan leikinn, komust í 0-14 og 2-19 og unnu á endanum 27 stiga sigur, 69-96, og fögnuðu vel og innilega fyrsta stóra titlinum í sögu félagsins. Hungrið var mikið hjá leikmönnum Tindastóls sem voru miklu sterkari í úrslitaleiknum og léku við hvern sinn fingur. „Þetta er magnað. Ég er ánægður með að við höfum loksins stigið yfir þennan þröskuld. Við erum búnir að reka stóru tána ansi oft í hann,“ sagði Helgi Freyr Margeirsson, aldursforsetinn í liði Tindastóls.Byrjaði 14 ára Helgi hefur verið lengi að en hann spilaði sinn fyrsta leik með meistaraflokki Tindastóls aðeins 14 ára gamall. Hann hefur gengið í gegnum ýmislegt með félaginu, spilað í næstefstu deild og verið í liðum sem hafa verið nálægt því að vinna titla, m.a. árið 2012 þegar Tindastóll tapaði fyrir Keflavík í bikarúrslitum. „Við erum búnir að bíða lengi eftir þessu. Við höfum farið einu sinni áður í bikarúrslit og verið með lið til þess að fara alla leið en aldrei náð að setja saman heilsteypta leiki eins og núna,“ sagði Helgi en síðustu þrír leikir Tindastóls í Maltbikarnum voru gegn þremur efstu liðum Domino’s-deildarinnar; ÍR, Haukum og KR. Helgi segir að leikáætlun Stólanna í úrslitaleiknum á laugardaginn hafi ekki verið mjög flókin. „Við einsettum okkur að einfalda hluti hvað taktína varðar. Við vorum með einfalda taktík, bæði í vörn og sókn, en gáfum frekar meira í. Það var ekkert hik á mönnum og við fórum á fullum krafti í allt,“ sagði Helgi sem var eini leikmaður Tindastóls sem skoraði ekki í leiknum sem sýnir breiddina í liðinu. Israel Martin, þjálfari Tindastóls, notaði 11 leikmenn meðan leikurinn var jafn og aðeins einn leikmaður lék meira en 30 mínútur. Það var Pétur Rúnar Birgisson sem var valinn maður leiksins. Hann, líkt og flestir í liði Tindastóls, eru heimamenn. Aðeins Bandaríkjamennirnir tveir, Antonio Hester og Brandon Garrett, og Björgvin Hafþór Ríkharðsson eru aðkomumenn. Sá síðastnefndi er þó tengdasonur Skagafjarðar eins og Helgi segir. Þessi fjöldi heimamanna í liði Tindastóls er til vitnis um það góða starf sem er unnið í körfuboltanum á Sauðárkróki.Lögreglufylgd og flugeldasýning Helgi hrósaði stuðningnum sem Tindastóll fékk á bikarhelginni. Skagfirðingar fjölmenntu í Höllina og studdu vel við bakið á sínum mönnum. „Við unnum stórsigur í stúkunni í báðum leikjunum. Þegar við komum heim í gærkvöldi fengum við lögreglufylgd inn í bæinn, það var flugeldasýning og 1.500 manns sem biðu eftir okkur í íþróttahúsinu,“ sagði Helgi. Hann segir að Stólunum séu allir vegir færir eftir að hafa brotið þennan þykka ís, að vinna fyrsta stóra titilinn. Stefnan er sett á að vinna Íslandsmeistaratitilinn. „Fyrir tímabilið var markmiðið ekkert leyndarmál; að vinna það sem er í boði. Við erum komnir með uppskriftina. Nú er bara að fylgja þessu eftir. Það er enginn saddur, langt því frá,“ sagði Helgi sem segir liðsheildina hjá Tindastóli einstaka.Mikið bræðralag „Maður er búinn að vera í mörgum liðum í gegnum ævina en þú finnur ekki þessa liðsheild sem við erum með hérna,“ sagði Helgi. „Við erum rosalega heppnir með baklandið og það er hvergi eins öflugt og hérna. En liðið, þessi kjarni leikmanna, er svo ofboðslega mikið bræðralag. Það er svo mikið traust í hópnum. Það hafa alls konar hlutir komið upp en það koma aldrei brestir í þennan kjarna. Það er svo mikilvægt.“
Dominos-deild karla Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Enska sambandið vill Guardiola og er tilbúið að bíða Enski boltinn Segja að Alexander-Arnold sé opinn fyrir því að fara til Real Madrid Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Giannis á leið á sína fyrstu Ólympíuleika Caitlin Clark varð fyrsti nýliðinn til að ná þrefaldri tvennu LeBron fær meira borgað næstu tvö ár en Jordan fékk allan ferilinn Sjá meira