Agnarsmáir jepplingar frá Hyundai og Kia Finnur Thorlacius skrifar 13. febrúar 2019 10:00 Hyundai Kona, en til stendur að smíða enn minni jeppling. Ráðgera að bæta við enn minni jepplingum en Hyundai Kona og Kia Stonic fyrir Evrópumarkað. Jepplingaæðið ætlar engan endi að taka og sífellt fjölgar í flóru þeirra. Nýjasta æðið er ef til vill fólgið í agnarsmáum jepplingum sem virðast eiga mikið upp á pallborðið hjá bílkaupendum. Á þann vagn ætla systurfyrirtækin suðurkóresku Hyundai og Kia að stökkva þó svo talsvert framboð sé hjá báðum fyrirtækjunum á jepplingum fyrir. Nú stendur þar til að bæta agnarsmáum jepplingi við sem væri talsvert minni en núverandi Kona og Stonic jepplingar fyrirtækjanna sem seint mundu teljast stórir. Endanleg ákvörðun um smíði þessara bíla hefur ekki enn verið tekin en ef af slíku verður, sem talið er harla líklegt, verður þessum smáu jepplingum helst beint að Evrópumarkaði. Hugsanlega yrðu bílarnir byggðir á sama undirvagni og smábílarnir Hyundai i10 og Kia Picanto og yrðu þá eingöngu í boði framhjóladrifnir.Óslökkvandi jepplingaþorsti Víst er að þessir smáu bílar Hyundai og Kia yrðu undir fjórum metrum að lengd, en til samanburðar má nefna að Suzuki Jimny er 364,5 cm. Það eru fleiri bílaframleiðendur sem áhuga hafa á að bjóða smávaxna jepplinga en Jeep íhugar einnig að bjóða talsvert minni jeppling en Renegade. Volkswagen hyggst einnig smíða jeppling sem yrði minni en T-Roc og fengi hann líklega nafnið T-Track og gæti hann komið strax á markað í byrjun næsta árs. Á hinum endanum á jeppa/jepplingaflórunni hafa Hyundai og Kia nýlega slegið út nýju spili í formi Palisade og Telluride jeppanna sem eru stærstu jeppar sem bæði fyrirtækin hafa smíðað og er þessum bílum stefnt mest að Bandaríkjamarkaði. Að auki ætlar Kia að koma fram með „crossover“-útgáfu af Ceed bíl sínum fyrir Evrópumarkað og heyrst hefur að hann muni fá nafnið Tusker. Birtist í Fréttablaðinu Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent
Ráðgera að bæta við enn minni jepplingum en Hyundai Kona og Kia Stonic fyrir Evrópumarkað. Jepplingaæðið ætlar engan endi að taka og sífellt fjölgar í flóru þeirra. Nýjasta æðið er ef til vill fólgið í agnarsmáum jepplingum sem virðast eiga mikið upp á pallborðið hjá bílkaupendum. Á þann vagn ætla systurfyrirtækin suðurkóresku Hyundai og Kia að stökkva þó svo talsvert framboð sé hjá báðum fyrirtækjunum á jepplingum fyrir. Nú stendur þar til að bæta agnarsmáum jepplingi við sem væri talsvert minni en núverandi Kona og Stonic jepplingar fyrirtækjanna sem seint mundu teljast stórir. Endanleg ákvörðun um smíði þessara bíla hefur ekki enn verið tekin en ef af slíku verður, sem talið er harla líklegt, verður þessum smáu jepplingum helst beint að Evrópumarkaði. Hugsanlega yrðu bílarnir byggðir á sama undirvagni og smábílarnir Hyundai i10 og Kia Picanto og yrðu þá eingöngu í boði framhjóladrifnir.Óslökkvandi jepplingaþorsti Víst er að þessir smáu bílar Hyundai og Kia yrðu undir fjórum metrum að lengd, en til samanburðar má nefna að Suzuki Jimny er 364,5 cm. Það eru fleiri bílaframleiðendur sem áhuga hafa á að bjóða smávaxna jepplinga en Jeep íhugar einnig að bjóða talsvert minni jeppling en Renegade. Volkswagen hyggst einnig smíða jeppling sem yrði minni en T-Roc og fengi hann líklega nafnið T-Track og gæti hann komið strax á markað í byrjun næsta árs. Á hinum endanum á jeppa/jepplingaflórunni hafa Hyundai og Kia nýlega slegið út nýju spili í formi Palisade og Telluride jeppanna sem eru stærstu jeppar sem bæði fyrirtækin hafa smíðað og er þessum bílum stefnt mest að Bandaríkjamarkaði. Að auki ætlar Kia að koma fram með „crossover“-útgáfu af Ceed bíl sínum fyrir Evrópumarkað og heyrst hefur að hann muni fá nafnið Tusker.
Birtist í Fréttablaðinu Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent