Umrót á alþjóðamörkuðum og spáð örlitlum samdrætti Heimsljós kynnir 10. janúar 2019 15:15 Á leið á markað í Tete, Mósambík. gunnisal Landsframleiðsla á heimsvísu kemur til með að aukast um 2,9% á þessu ári sem er örlítill samdráttur frá nýliðnu ári. Hlutfallið mun verða 2,8% næstu tvö árin. Þetta kemur fram í spá Alþjóðabankans sem gaf í gær út árlega skýrslu um efnahagshorfur í heiminum. Spá bankans er eilítið svartsýnni en áður og skiptir þar mestu að aukinnar svartsýni gætir varðandi hagvöxt í nýmarkaðsríkjum. Tölurnar segja þó ekki alla söguna og markaðir hafa á síðustu mánuðum einkennst af aukinni óreiðu og alþjóðlegum viðskiptadeilum. Efnahagshorfur eru þessari óvissu háðar og því gerir bankinn þann vara á forspám að neikvæð áhrif þessara þátta geti verið umtalsverð á árinu. Horfur fyrir Afríku sunnan Sahara hafa versnað frá fyrri spám sem einkenndust af bjartsýni en nú er talið hæpið að umtalsverður árangur náist í baráttunni við fátækt á árinu. Umhverfisvá, átök innan landa, stjórnmálalegt umrót, og slæleg stjórnun opinberra fjármála er meðal þeirra áhættuþátta sem munu hafa hamlandi áhrif á þróun innan Afríku. Skýrslan fjallar einnig um óformlega hagkerfið en stórt, óformlegt hagkerfi er að mati skýrsluhöfunda dragbítur fyrir almenna framleiðni og dregur jafnframt úr tekjum fyrir ríkiskassann. Það telst nú vera þriðjungur af landsframleiðslu í nýmarkaðsríkjum. Góðu fréttirnar eru hins vegar þær að bjartsýni gætir varðandi viðvarandi hagvöxt upp á allt að sex prósentustig meðal allra fátækustu landanna, þó jafnframt sé varað við aukinni skuldasöfnun þeirra á meðal.Ísland í forystuhlutverkiHlutverk Íslands innan bankans mun á næstunni vaxa verulega, en Ísland tekur virkan þátt í fjölþjóðastarfi Alþjóðabankans í gegnum kjördæmi Norðurlandanna og Eystrasaltsríkjanna. Kjördæmið og þar með ríkin átta, deila stjórnarsæti í bankanum. Um mitt ár tekur Ísland við forystuhlutverki og leiðir kjördæmisstarfið til tveggja ára. Í því felst annars vegar að Ísland mun eiga aðalfulltrúa í stjórn Alþjóðabankans, sem gegnir starfinu fyrir hönd kjördæmisins, og mun hins vegar leiða samræmingu málefnastarfs kjördæmisins.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið „Þetta eru í rauninni mjög sorglegar niðurstöður“ Innlent Joe Biden með Covid Erlent Sautján milljóna króna greiðslan vekur hneykslan Innlent Hinn látni í Suðursveit ungur pólskur maður Innlent Hefja viðgerðir þó það gæti gosið á næstu dögum eða vikum Innlent Þrettán þúsund krónur fyrir nótt í tjaldi Innlent Dósent við HÍ „óskaði þess að árásarmaðurinn hefði hitt“ Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Samfélagið þurfi á börnum að halda Innlent Dvaldi lengi í Engey áður en hún synti til baka í flasið á hvalaskoðunarskipi Innlent
Landsframleiðsla á heimsvísu kemur til með að aukast um 2,9% á þessu ári sem er örlítill samdráttur frá nýliðnu ári. Hlutfallið mun verða 2,8% næstu tvö árin. Þetta kemur fram í spá Alþjóðabankans sem gaf í gær út árlega skýrslu um efnahagshorfur í heiminum. Spá bankans er eilítið svartsýnni en áður og skiptir þar mestu að aukinnar svartsýni gætir varðandi hagvöxt í nýmarkaðsríkjum. Tölurnar segja þó ekki alla söguna og markaðir hafa á síðustu mánuðum einkennst af aukinni óreiðu og alþjóðlegum viðskiptadeilum. Efnahagshorfur eru þessari óvissu háðar og því gerir bankinn þann vara á forspám að neikvæð áhrif þessara þátta geti verið umtalsverð á árinu. Horfur fyrir Afríku sunnan Sahara hafa versnað frá fyrri spám sem einkenndust af bjartsýni en nú er talið hæpið að umtalsverður árangur náist í baráttunni við fátækt á árinu. Umhverfisvá, átök innan landa, stjórnmálalegt umrót, og slæleg stjórnun opinberra fjármála er meðal þeirra áhættuþátta sem munu hafa hamlandi áhrif á þróun innan Afríku. Skýrslan fjallar einnig um óformlega hagkerfið en stórt, óformlegt hagkerfi er að mati skýrsluhöfunda dragbítur fyrir almenna framleiðni og dregur jafnframt úr tekjum fyrir ríkiskassann. Það telst nú vera þriðjungur af landsframleiðslu í nýmarkaðsríkjum. Góðu fréttirnar eru hins vegar þær að bjartsýni gætir varðandi viðvarandi hagvöxt upp á allt að sex prósentustig meðal allra fátækustu landanna, þó jafnframt sé varað við aukinni skuldasöfnun þeirra á meðal.Ísland í forystuhlutverkiHlutverk Íslands innan bankans mun á næstunni vaxa verulega, en Ísland tekur virkan þátt í fjölþjóðastarfi Alþjóðabankans í gegnum kjördæmi Norðurlandanna og Eystrasaltsríkjanna. Kjördæmið og þar með ríkin átta, deila stjórnarsæti í bankanum. Um mitt ár tekur Ísland við forystuhlutverki og leiðir kjördæmisstarfið til tveggja ára. Í því felst annars vegar að Ísland mun eiga aðalfulltrúa í stjórn Alþjóðabankans, sem gegnir starfinu fyrir hönd kjördæmisins, og mun hins vegar leiða samræmingu málefnastarfs kjördæmisins.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið „Þetta eru í rauninni mjög sorglegar niðurstöður“ Innlent Joe Biden með Covid Erlent Sautján milljóna króna greiðslan vekur hneykslan Innlent Hinn látni í Suðursveit ungur pólskur maður Innlent Hefja viðgerðir þó það gæti gosið á næstu dögum eða vikum Innlent Þrettán þúsund krónur fyrir nótt í tjaldi Innlent Dósent við HÍ „óskaði þess að árásarmaðurinn hefði hitt“ Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Samfélagið þurfi á börnum að halda Innlent Dvaldi lengi í Engey áður en hún synti til baka í flasið á hvalaskoðunarskipi Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent