Liðið tók stór skref fram á við Hjörvar Ólafsson skrifar 9. febrúar 2019 10:00 Guðmundur Þórður Guðmundsson, þjálfari íslenska karlalandsliðsins í handbolta, gefur lærisveinum sínum skipanir af hliðarlínunni í leik liðsins á heimsmeistaramótinu sem fram fór í janúar síðstliðnum. Nordicphotos/Getty „Heilt yfir er ég sáttur, bæði við frammistöðuna og árangurinn. Það voru sjö leikmenn í leikmannahópnum sem voru að leika á sínu fyrsta stórmóti og þeir komust vel frá verkefninu. Það þarf hins vegar fleiri leiki undir beltið til þess að geta gert sig gildandi á alþjóðlegum vettvangi. Það má segja að liðið okkar sé fimm til sex árum á eftir Noregi sem vann silfurverðlaun á mótinu í þróunarferli sínu og átta til tíu á eftir Danmörku sem vann mótið,“ segir Guðmundur Guðmundsson landsliðsþjálfari um upplifun sína af HM. „Ég er mjög ánægður með hvernig við spiluðum fyrstu sex leikina. Það vantaði ekki mikið upp á að okkur tækist að vinna Króata. Þar vorum við 14-11 yfir undir lok fyrri hálfleiks og leiddum þegar um það bil tíu mínútur voru eftir af leiknum. Þar kom hins vegar berlega í ljós reynsluleysið í liðinu á lokakafla leiksins eins og eðlilegt er miðað við efni og aðstæður,“ segir þessi farsæli þjálfari um spilamennsku íslenska liðsins.Sýndu mikinn þroska „Leikurinn gegn Spánverjum var svo bara fínn, en það var vitað fyrir fram að það yrði við ramman reip að draga í þeim leik. Mér fannst við svo klára leikina gegn Barein og Japan fagmannlega og náðum að setja upp úrslitaleik við Makedóníu um sæti í milliriðlum eins og stefnt var að. Leikurinn við Makedóníu var svo afbragðs góður af okkar hálfu. Við sýndum þar mikinn þroska, einkum og sér í lagi sé litið til aldurs og reynslu þeirra leikmanna sem voru í burðarhlutverkum í þeim leik,“ segir hann enn fremur um frammistöðu liðsins. „Þar lékum við varnarleikinn fanta vel gegn því liði sem hefur útfært sóknarleikinn 7 á 6 hvað best af liðum heims. Við stóðumst svo prófið þegar mest á reyndi sem sýndi hversu langt ungir og efnilegir leikmenn í okkar liði eru komnir sem er ánægjulegt. Það skipti sköpum að þetta lið fengi að reyna sig við bestu lið heims í milliriðlinum og það var góð reynsla að komast þangað í fyrsta skipti á stórmóti í fimm ár,“ segir þjálfarinn.Fækka brottvísunum „Varnarleikurinn á mótinu var á löngum köflum mjög góður og við héldum mörgum sterkum liðum í kringum 25 mörk sem er bara mjög vel af sér vikið. Þjóðverjar skoruðu til að mynda einungis 24 mörk á móti okkur í milliriðlinum sem var mjög jákvætt. Það sem við þurfum aðallega að bæta er að fækka óþarfa brottvísunum sem við vorum allt of gjarnir að fá dæmdar á okkur í þessu móti. Til að mynda að sleppa þegar við erum búnir að missa leikmenn frá okkur og vera agaðri í okkar varnaraðgerðum. Það reyndist okkur afar dýrkeypt að leika á of löngum köflum einum leikmanni færri gegn sterkum liðum sem eru góð að nýta sér yfirtölu,“ sagði Guðmundur um varnarleik liðsins.Leystu 5-1 varnir vel „Hvað uppstillta sóknarleikinn varðar verður að líta til þess að það voru nokkrir leikmenn að stíga sín fyrstu skref á stærsta sviðinu. Af þeim sökum gerðum við okkur ansi oft seka um að velja vitlaus skot, troða boltanum á erfiðan hátt inn á línu þegar færi til þess var ekki nógu gott. Þegar þú spilar gegn jafn sterkum þjóðum og við vorum að etja kappi við er þér refsað fyrir öll mistök. Við verðum að læra af því. Ég var hins vegar ánægður með hvernig við leystum 5-1 vörnina sem mörg lið beittu gegn okkur. Við vorum með kerfi með innleysingum sem gengu afskaplega vel upp,“ segir Guðmundur. „Þeir ungu leikmenn sem fengu mikla ábyrgð á sínar herðar á þessu móti stóðu sig vel og tóku stórt skref í þroskaferli sínu sem handboltamenn í hæsta gæðaflokki. Elvar Örn [Jónsson] spilaði einkar vel á báðum endum vallarins og sýndi mikinn þroska í sínum leik. Hann var áræðinn í aðgerðum sínum í sóknarleiknum og spilaði hörkuvörn. Arnar Freyr [Arnarsson] fékk stórt hlutverk bæði í vörn og sókn og sinnti því vel. Hann hefur bætt sig bæði í varnar- og sóknarleiknum en á ýmislegt eftir ólært þar. Sama á við um Ými Örn Gíslason sem fékk sínar fyrstu mínútur á stórmóti," segir hann. „Það var gulls ígildi að geta gefið Hauki [Þrastarsyni] mínútur gegn jafn sterku liði og Frakklandi og þar fékk hann ómetanlega reynslu. Að mínu viti ætti hann að halda kyrru fyrir á Selfossi á næsta keppnistímabili og halda áfram að þróa sinn leik þar. Hann er í aðalhlutverki í góðu umhverfi og fær leiki þar sem mikið er undir hér heima og í Evrópukeppni. Gísli Þorgeir [Kristjánsson] sýndi svo á þessu móti að hann býr yfir eiginleikum sem munu reynast liðinu afar vel í framtíðinni. Hann er óhræddur, mjög góður í stöðunni maður á móti manni og stýrir leiknum afbragðs vel,“ segir Guðmundur um hina afar spennandi leikstjórnendur íslenska liðsins.Vilja vinna riðilinn „Fram undan eru mjög mikilvægir leikir gegn Makedóníu í undankeppni EM 2020. Hagstæð úrslit í þeim leikjum koma okkur í afar góða stöðu hvað það varðar að enda í efsta sæti riðilsins sem er klárlega markmiðið. Við förum fullir bjartsýnir í þá leiki og tökum með okkur jákvæða frammistöðu á HM. Þar tók þetta unga og efnilega lið sem ætti að vera komið nálægt átta bestu liðum heims eftir tvö ár nokkuð stórt stökk fram á við og sýndi hvers það er megnugt,“ segir Guðmundur um framhaldið. Birtist í Fréttablaðinu HM 2019 í Þýskalandi og Danmörku Mest lesið Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Frakkar í mál og vesen hjá Chelsea vegna rasískra söngva Argentínumanna Enski boltinn Como viðurkennir að leikmaður liðsins hafi kallað Hwang Jackie Chan Enski boltinn Neville vill enskan þjálfara fyrir landsliðið Enski boltinn McIlroy hunsaði Tiger óvart í mánuð Sport Miklar væntingarnar til íslenska landsliðsins réttlætanlegar Handbolti Hefur áhyggjur af stöðu KR: „Get ekki séð að þetta sé að skána á nokkurn hátt“ Fótbolti Fleiri fréttir Miklar væntingarnar til íslenska landsliðsins réttlætanlegar HK endurheimtir tvo leikmenn sem urðu Íslandsmeistarar með liðinu Sveinbjörn fyrsti íslenski handboltamaðurinn til að spila í Ísrael Íslensku strákarnir með bakið upp við vegg Valsmenn fá Króata í heimsókn Haukar mæta Hönunum frá Finnlandi Valskonur fara til Litháen og Haukar til Belgíu Sonur Söndru og Daníels kominn í heiminn Mögnuð endurkoma tryggði íslensku strákunum stig Norðmenn tryggðu Íslandi sæti í 8-liða úrslitum Svíarnir of sterkir fyrir íslensku strákana Össur með tólf mörk í öðrum sigri strákanna í Slóveníu Tuttuguogsjö marka stórsigur í fyrsta leik á EM Hans syrgir pabba sinn en fer 42 ára á ÓL Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Sjá meira
„Heilt yfir er ég sáttur, bæði við frammistöðuna og árangurinn. Það voru sjö leikmenn í leikmannahópnum sem voru að leika á sínu fyrsta stórmóti og þeir komust vel frá verkefninu. Það þarf hins vegar fleiri leiki undir beltið til þess að geta gert sig gildandi á alþjóðlegum vettvangi. Það má segja að liðið okkar sé fimm til sex árum á eftir Noregi sem vann silfurverðlaun á mótinu í þróunarferli sínu og átta til tíu á eftir Danmörku sem vann mótið,“ segir Guðmundur Guðmundsson landsliðsþjálfari um upplifun sína af HM. „Ég er mjög ánægður með hvernig við spiluðum fyrstu sex leikina. Það vantaði ekki mikið upp á að okkur tækist að vinna Króata. Þar vorum við 14-11 yfir undir lok fyrri hálfleiks og leiddum þegar um það bil tíu mínútur voru eftir af leiknum. Þar kom hins vegar berlega í ljós reynsluleysið í liðinu á lokakafla leiksins eins og eðlilegt er miðað við efni og aðstæður,“ segir þessi farsæli þjálfari um spilamennsku íslenska liðsins.Sýndu mikinn þroska „Leikurinn gegn Spánverjum var svo bara fínn, en það var vitað fyrir fram að það yrði við ramman reip að draga í þeim leik. Mér fannst við svo klára leikina gegn Barein og Japan fagmannlega og náðum að setja upp úrslitaleik við Makedóníu um sæti í milliriðlum eins og stefnt var að. Leikurinn við Makedóníu var svo afbragðs góður af okkar hálfu. Við sýndum þar mikinn þroska, einkum og sér í lagi sé litið til aldurs og reynslu þeirra leikmanna sem voru í burðarhlutverkum í þeim leik,“ segir hann enn fremur um frammistöðu liðsins. „Þar lékum við varnarleikinn fanta vel gegn því liði sem hefur útfært sóknarleikinn 7 á 6 hvað best af liðum heims. Við stóðumst svo prófið þegar mest á reyndi sem sýndi hversu langt ungir og efnilegir leikmenn í okkar liði eru komnir sem er ánægjulegt. Það skipti sköpum að þetta lið fengi að reyna sig við bestu lið heims í milliriðlinum og það var góð reynsla að komast þangað í fyrsta skipti á stórmóti í fimm ár,“ segir þjálfarinn.Fækka brottvísunum „Varnarleikurinn á mótinu var á löngum köflum mjög góður og við héldum mörgum sterkum liðum í kringum 25 mörk sem er bara mjög vel af sér vikið. Þjóðverjar skoruðu til að mynda einungis 24 mörk á móti okkur í milliriðlinum sem var mjög jákvætt. Það sem við þurfum aðallega að bæta er að fækka óþarfa brottvísunum sem við vorum allt of gjarnir að fá dæmdar á okkur í þessu móti. Til að mynda að sleppa þegar við erum búnir að missa leikmenn frá okkur og vera agaðri í okkar varnaraðgerðum. Það reyndist okkur afar dýrkeypt að leika á of löngum köflum einum leikmanni færri gegn sterkum liðum sem eru góð að nýta sér yfirtölu,“ sagði Guðmundur um varnarleik liðsins.Leystu 5-1 varnir vel „Hvað uppstillta sóknarleikinn varðar verður að líta til þess að það voru nokkrir leikmenn að stíga sín fyrstu skref á stærsta sviðinu. Af þeim sökum gerðum við okkur ansi oft seka um að velja vitlaus skot, troða boltanum á erfiðan hátt inn á línu þegar færi til þess var ekki nógu gott. Þegar þú spilar gegn jafn sterkum þjóðum og við vorum að etja kappi við er þér refsað fyrir öll mistök. Við verðum að læra af því. Ég var hins vegar ánægður með hvernig við leystum 5-1 vörnina sem mörg lið beittu gegn okkur. Við vorum með kerfi með innleysingum sem gengu afskaplega vel upp,“ segir Guðmundur. „Þeir ungu leikmenn sem fengu mikla ábyrgð á sínar herðar á þessu móti stóðu sig vel og tóku stórt skref í þroskaferli sínu sem handboltamenn í hæsta gæðaflokki. Elvar Örn [Jónsson] spilaði einkar vel á báðum endum vallarins og sýndi mikinn þroska í sínum leik. Hann var áræðinn í aðgerðum sínum í sóknarleiknum og spilaði hörkuvörn. Arnar Freyr [Arnarsson] fékk stórt hlutverk bæði í vörn og sókn og sinnti því vel. Hann hefur bætt sig bæði í varnar- og sóknarleiknum en á ýmislegt eftir ólært þar. Sama á við um Ými Örn Gíslason sem fékk sínar fyrstu mínútur á stórmóti," segir hann. „Það var gulls ígildi að geta gefið Hauki [Þrastarsyni] mínútur gegn jafn sterku liði og Frakklandi og þar fékk hann ómetanlega reynslu. Að mínu viti ætti hann að halda kyrru fyrir á Selfossi á næsta keppnistímabili og halda áfram að þróa sinn leik þar. Hann er í aðalhlutverki í góðu umhverfi og fær leiki þar sem mikið er undir hér heima og í Evrópukeppni. Gísli Þorgeir [Kristjánsson] sýndi svo á þessu móti að hann býr yfir eiginleikum sem munu reynast liðinu afar vel í framtíðinni. Hann er óhræddur, mjög góður í stöðunni maður á móti manni og stýrir leiknum afbragðs vel,“ segir Guðmundur um hina afar spennandi leikstjórnendur íslenska liðsins.Vilja vinna riðilinn „Fram undan eru mjög mikilvægir leikir gegn Makedóníu í undankeppni EM 2020. Hagstæð úrslit í þeim leikjum koma okkur í afar góða stöðu hvað það varðar að enda í efsta sæti riðilsins sem er klárlega markmiðið. Við förum fullir bjartsýnir í þá leiki og tökum með okkur jákvæða frammistöðu á HM. Þar tók þetta unga og efnilega lið sem ætti að vera komið nálægt átta bestu liðum heims eftir tvö ár nokkuð stórt stökk fram á við og sýndi hvers það er megnugt,“ segir Guðmundur um framhaldið.
Birtist í Fréttablaðinu HM 2019 í Þýskalandi og Danmörku Mest lesið Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Frakkar í mál og vesen hjá Chelsea vegna rasískra söngva Argentínumanna Enski boltinn Como viðurkennir að leikmaður liðsins hafi kallað Hwang Jackie Chan Enski boltinn Neville vill enskan þjálfara fyrir landsliðið Enski boltinn McIlroy hunsaði Tiger óvart í mánuð Sport Miklar væntingarnar til íslenska landsliðsins réttlætanlegar Handbolti Hefur áhyggjur af stöðu KR: „Get ekki séð að þetta sé að skána á nokkurn hátt“ Fótbolti Fleiri fréttir Miklar væntingarnar til íslenska landsliðsins réttlætanlegar HK endurheimtir tvo leikmenn sem urðu Íslandsmeistarar með liðinu Sveinbjörn fyrsti íslenski handboltamaðurinn til að spila í Ísrael Íslensku strákarnir með bakið upp við vegg Valsmenn fá Króata í heimsókn Haukar mæta Hönunum frá Finnlandi Valskonur fara til Litháen og Haukar til Belgíu Sonur Söndru og Daníels kominn í heiminn Mögnuð endurkoma tryggði íslensku strákunum stig Norðmenn tryggðu Íslandi sæti í 8-liða úrslitum Svíarnir of sterkir fyrir íslensku strákana Össur með tólf mörk í öðrum sigri strákanna í Slóveníu Tuttuguogsjö marka stórsigur í fyrsta leik á EM Hans syrgir pabba sinn en fer 42 ára á ÓL Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Sjá meira