Lífið gjörbreyttist eftir að Íris missti sjötíu kíló Stefán Árni Pálsson skrifar 2. maí 2019 14:00 Íris gekkst undir undir aðgerð og missti í kjölfarið sjötíu kíló. Íris Valgeirsdóttir var orðin rúmlega 140 kíló þegar hún uppgötvaði að lífernið sem hún lifði væri hægt og bítandi að draga hana í gröfina. Hún vildi breyta um stefnu og öðlast bætt lífsgæði með betri heilsu. Árangurinn er ótrúlegur en á einungis einu og hálfu ári hefur Íris misst rúmlega 70 kíló og segir líf sitt vera gjörbreytt. Hún hafi alla tíð upplifað fordóma gagnvart þyngdinni en í hart nær þrjátíu ár reyndi Íris að bæta heilsuna og loksins tókst það. „Ég varð ólétt mjög snemma þegar ég var sautján ára og bjó þá á Laugum þar sem ég var í framhaldsskóla og þyngdist strax þá og hef verið að eiga við þyngdina síðan ég var sautján ára,“ segir Íris í Íslandi í dag á þriðjudagskvöldið á Stöð 2. Fljótlega upp frá því hafi hún misst tökin á þyngdinni og heilsunni um leið. „Ég var búin að reyna bókstaflega allt undir sólinni til að létta mig. Ég hef reyndar ekki farið á hvítvínskúrinn. Ég er búinn að reyna allt og þetta er bara ekki leti eða eitthvað svoleiðis, ég bara náði þessu ekki.“ Segja má að vendipunkturinn í lífi Írisar hafi orðið þegar hún upplifði atvik sem vakti hana til umhugsunar um lífið og eigin heilsu. „Ég var heima hjá mömmu og fékk alveg rosalega verki inni í mér og fannst eins og ég væri að fá hjartaáfall. Þá var ég „bara“ með magabólgur og bakflæði, sem betur fer. Þetta var svolítil vakning fyrir mig. Ég var þarna yfir 140 kíló og taldi mér í trú um það að ég væri ekkert veik og þetta skipti engu máli. Ég veit það núna þegar ég er orðin svona að það var ekki rétt.“Íris með fjölskyldunni þegar hún var sem þyngst.Vanlíðanin sem fylgdi heilsuleysinu var að stórum hluta líkamleg en ekki síður andleg. „Maður er rosalega þunglyndur og þetta er bara ekki gaman. Ég er reyndar þannig týpa að ég er alltaf glöð og ég fel mig svolítið á bakvið það. Fólk sé ekkert endilega á mér hvernig mér leið.“ Þegar Íris átti ekki roð í áttræðan tengdaföður sinn þegar verið var að stika gönguleiðir á hálendi Íslands rann það endanlega upp fyrir henni að svona gæti þetta ekki gengið. Íris segir aukna hreyfingu hafa haft sitt að segja en hún naut aðstoðar þjálfara hjá Hraust sem útbjuggu sérsniðið æfingakerfi sem hefur reynst henni afar vel. „Ég fór í svokallaða mini magahjáveitu. Það var mitt lukkuskref í lífinu,“ segir Íris sem fór eftir það að hreyfa sig mikið og kílóin fuku af henni. Nú styttist í að tvö ár verði liðin frá aðgerðinni sem Íris gekkst undir en rannsóknir hafa sýnt að lífsstíll margra færist þá gjarnan til fyrra horfs. „Aðgerðin hjálpar í tvö ár og svo tekur hausinn við. Þá er það bara viljastyrkurinn og ég er ekki hrædd. Ég veit alveg að ég ætla ekki að verða aftur eins og ég var.“ Nánar er hægt að fræðast um lífsstílsbreytingu Írisar og ferlið í heild á heimasíðunni irisv.blog. Heilsa Ísland í dag Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira
Íris Valgeirsdóttir var orðin rúmlega 140 kíló þegar hún uppgötvaði að lífernið sem hún lifði væri hægt og bítandi að draga hana í gröfina. Hún vildi breyta um stefnu og öðlast bætt lífsgæði með betri heilsu. Árangurinn er ótrúlegur en á einungis einu og hálfu ári hefur Íris misst rúmlega 70 kíló og segir líf sitt vera gjörbreytt. Hún hafi alla tíð upplifað fordóma gagnvart þyngdinni en í hart nær þrjátíu ár reyndi Íris að bæta heilsuna og loksins tókst það. „Ég varð ólétt mjög snemma þegar ég var sautján ára og bjó þá á Laugum þar sem ég var í framhaldsskóla og þyngdist strax þá og hef verið að eiga við þyngdina síðan ég var sautján ára,“ segir Íris í Íslandi í dag á þriðjudagskvöldið á Stöð 2. Fljótlega upp frá því hafi hún misst tökin á þyngdinni og heilsunni um leið. „Ég var búin að reyna bókstaflega allt undir sólinni til að létta mig. Ég hef reyndar ekki farið á hvítvínskúrinn. Ég er búinn að reyna allt og þetta er bara ekki leti eða eitthvað svoleiðis, ég bara náði þessu ekki.“ Segja má að vendipunkturinn í lífi Írisar hafi orðið þegar hún upplifði atvik sem vakti hana til umhugsunar um lífið og eigin heilsu. „Ég var heima hjá mömmu og fékk alveg rosalega verki inni í mér og fannst eins og ég væri að fá hjartaáfall. Þá var ég „bara“ með magabólgur og bakflæði, sem betur fer. Þetta var svolítil vakning fyrir mig. Ég var þarna yfir 140 kíló og taldi mér í trú um það að ég væri ekkert veik og þetta skipti engu máli. Ég veit það núna þegar ég er orðin svona að það var ekki rétt.“Íris með fjölskyldunni þegar hún var sem þyngst.Vanlíðanin sem fylgdi heilsuleysinu var að stórum hluta líkamleg en ekki síður andleg. „Maður er rosalega þunglyndur og þetta er bara ekki gaman. Ég er reyndar þannig týpa að ég er alltaf glöð og ég fel mig svolítið á bakvið það. Fólk sé ekkert endilega á mér hvernig mér leið.“ Þegar Íris átti ekki roð í áttræðan tengdaföður sinn þegar verið var að stika gönguleiðir á hálendi Íslands rann það endanlega upp fyrir henni að svona gæti þetta ekki gengið. Íris segir aukna hreyfingu hafa haft sitt að segja en hún naut aðstoðar þjálfara hjá Hraust sem útbjuggu sérsniðið æfingakerfi sem hefur reynst henni afar vel. „Ég fór í svokallaða mini magahjáveitu. Það var mitt lukkuskref í lífinu,“ segir Íris sem fór eftir það að hreyfa sig mikið og kílóin fuku af henni. Nú styttist í að tvö ár verði liðin frá aðgerðinni sem Íris gekkst undir en rannsóknir hafa sýnt að lífsstíll margra færist þá gjarnan til fyrra horfs. „Aðgerðin hjálpar í tvö ár og svo tekur hausinn við. Þá er það bara viljastyrkurinn og ég er ekki hrædd. Ég veit alveg að ég ætla ekki að verða aftur eins og ég var.“ Nánar er hægt að fræðast um lífsstílsbreytingu Írisar og ferlið í heild á heimasíðunni irisv.blog.
Heilsa Ísland í dag Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira