Rafbíll frá Nissan frumsýndur í Tókýó Njáll Gunnlaugsson skrifar 3. október 2019 07:30 Kassalaga útlit Nissan IMk minnir helst á útlit japönsku "kei“-bílanna svokölluðu sem hannaðir eru til notkunar í stórborgum. Mynd/Nissannews.com Nissan hefur gefið út að nýr rafknúinn tilraunabíll verði frumsýndur á Tokyo Motor Show síðar í þessum mánuði. Bíllinn sem kallast einfaldlega IMk er á nýjum undirvagni sérstaklega hönnuðum fyrir rafbílalínu Nissan. Útlit hans minnir talsvert á kassalaga útlit „kei“-bílanna svokölluðu sem hannaðir eru með notkun í stórborgum í huga. Telja má líklegt að við munum sjá framleiðsluútgáfu af þessum bíl í náinni framtíð og þá ekki einungis fyrir Japansmarkað heldur með alþjóðlegan markað í huga. Nissan, sem framleiðir einnig hinn vinsæla Leaf, er líka með rafjeppling á döfinni sem byggir á IMq-tilraunabílnum og frumsýndur verður á næsta ári. Bíll byggður á IMk-tilraunabílnum yrði líklega ódýrari en Nissan Leaf og keppir við bíla eins og hinn nýja Honda E, sem er með svipað útlit að sumu leyti. IMk er styttri og mjórri en Nissan Micra en aðeins hærri, en þau hlutföll gætu breyst í framleiðsluútgáfu. Mælaborðið í tilraunaútgáfunni er ansi sérstakt og að mestu leyti í þrívídd og minnir helst á það sem við höfum séð í vísindaskáldsögum á hvíta tjaldinu. Hægt verður að segja bílnum að finna bílastæði og leggja sér sjálfur og einnig að kalla hann til sín þaðan. Birtist í Fréttablaðinu Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Kerlingadráttur í 120 ára afmælisveislu í Borgarnesi Innlent
Nissan hefur gefið út að nýr rafknúinn tilraunabíll verði frumsýndur á Tokyo Motor Show síðar í þessum mánuði. Bíllinn sem kallast einfaldlega IMk er á nýjum undirvagni sérstaklega hönnuðum fyrir rafbílalínu Nissan. Útlit hans minnir talsvert á kassalaga útlit „kei“-bílanna svokölluðu sem hannaðir eru með notkun í stórborgum í huga. Telja má líklegt að við munum sjá framleiðsluútgáfu af þessum bíl í náinni framtíð og þá ekki einungis fyrir Japansmarkað heldur með alþjóðlegan markað í huga. Nissan, sem framleiðir einnig hinn vinsæla Leaf, er líka með rafjeppling á döfinni sem byggir á IMq-tilraunabílnum og frumsýndur verður á næsta ári. Bíll byggður á IMk-tilraunabílnum yrði líklega ódýrari en Nissan Leaf og keppir við bíla eins og hinn nýja Honda E, sem er með svipað útlit að sumu leyti. IMk er styttri og mjórri en Nissan Micra en aðeins hærri, en þau hlutföll gætu breyst í framleiðsluútgáfu. Mælaborðið í tilraunaútgáfunni er ansi sérstakt og að mestu leyti í þrívídd og minnir helst á það sem við höfum séð í vísindaskáldsögum á hvíta tjaldinu. Hægt verður að segja bílnum að finna bílastæði og leggja sér sjálfur og einnig að kalla hann til sín þaðan.
Birtist í Fréttablaðinu Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Kerlingadráttur í 120 ára afmælisveislu í Borgarnesi Innlent