Ísland veitir yfir 20 milljónir í mannúðaraðstoð til flóttafólks frá Venesúela Heimsljós kynnir 29. janúar 2019 10:00 Ragnar Schram, framkvæmdastjóri SOS Barnaþorpanna á Íslandi og Ágúst Már Ágústsson, sérfræðingur hjá utanríkisráðuneytinu, undirrituðu samning vegna styrksins í gær. SOS Barnaþorpin á Íslandi hafa með stuðningi utanríkisráðuneytisins ákveðið að aðstoða flóttafjölskyldur frá Venesúela í Kólumbíu. Ráðuneytið styrkir mannúðarverkefni SOS um tæpa 19 og hálfa milljón króna og er mótframlag SOS rúm ein milljón króna. Um þrjár milljónir Venesúelamanna hafa flúið heimalandið þar sem óstjórn ríkir og óðaverðbólga gerir það að verkum að fólk á ekki fyrir lífsnauðsynjum. Frá þessu er greint á vefsíðu SOS Barnaþorpa á Íslandi. „Meingölluð hugmyndafræði og óstjórn hafa grafið undan lífskjörum fólksins í landinu og hafa yfir þrjár milljónir manna flúið til nágrannaríkjanna. Við höfum kallað eftir því að rödd fólksins fái að heyrast og lýðræði verði komið á aftur eins fljótt og verða má,“ sagði Guðlaugur Þór Þórðarson, utanríkisráðherra. „Þangað til er ljóst að fjöldi fólks þarf á aðstoð að halda og það er mikilvægt að við getum lagt af mörkum í samstarfi við SOS Barnaþorp.“ Ísland er nú í hópi Evrópulanda á borð við Spán, Noreg, Danmörku og Lúxemborg sem veita mannúðaraðstoð í gegnum SOS Barnaþorp til flóttafólksins sem streymir til Kólumbíu, Brasilíu og annarra landa. Neyðarástand ríkir við landamærin í Kólumbíu og stýra SOS Barnaþorpin í Kólumbíu aðgerðum á svæðinu. Þetta tiltekna verkefni nær til yfir tíu þúsund manna í um 2.500 fjölskyldum á tíu mánaða tímabili. Í aðstoðinni felst meðal annars vernd, matvælaöryggi og uppsetning öruggra svæða fyrir fjölskyldur þar sem þær fá aðstoð og ráðgjöf, ásamt því sem börnin fá tækifæri til leikja og menntunar.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Vill koma upp mótttöku flóttamanna við Kaffi Vest Innlent Myndband með jólalagi lykilsönnunargagn í fíkniefnamáli Innlent Ráðherra segir fyrirkomulag borgaraþjónustunnar á Spáni ósjálfbært Innlent „Ég þekki líka kolruglaða menn og ég læt drepa þig“ Innlent Komu sér af vettvangi eftir árás á fjóra á veitingastað Innlent „Klæðingin er engin skítaredding“ Innlent Þaulskipulagt af hagsmunaaðilum og þeirra fulltrúum á þingi Innlent Everest fullt af rusli sem mun taka fleiri ár að hreinsa Erlent Afstaða Sjálfstæðismanna á skjön við lýðheilsustefnu stjórnvalda Innlent Hillir loks undir framkvæmdir í Vesturbugt eftir sjö ára töf Innlent
SOS Barnaþorpin á Íslandi hafa með stuðningi utanríkisráðuneytisins ákveðið að aðstoða flóttafjölskyldur frá Venesúela í Kólumbíu. Ráðuneytið styrkir mannúðarverkefni SOS um tæpa 19 og hálfa milljón króna og er mótframlag SOS rúm ein milljón króna. Um þrjár milljónir Venesúelamanna hafa flúið heimalandið þar sem óstjórn ríkir og óðaverðbólga gerir það að verkum að fólk á ekki fyrir lífsnauðsynjum. Frá þessu er greint á vefsíðu SOS Barnaþorpa á Íslandi. „Meingölluð hugmyndafræði og óstjórn hafa grafið undan lífskjörum fólksins í landinu og hafa yfir þrjár milljónir manna flúið til nágrannaríkjanna. Við höfum kallað eftir því að rödd fólksins fái að heyrast og lýðræði verði komið á aftur eins fljótt og verða má,“ sagði Guðlaugur Þór Þórðarson, utanríkisráðherra. „Þangað til er ljóst að fjöldi fólks þarf á aðstoð að halda og það er mikilvægt að við getum lagt af mörkum í samstarfi við SOS Barnaþorp.“ Ísland er nú í hópi Evrópulanda á borð við Spán, Noreg, Danmörku og Lúxemborg sem veita mannúðaraðstoð í gegnum SOS Barnaþorp til flóttafólksins sem streymir til Kólumbíu, Brasilíu og annarra landa. Neyðarástand ríkir við landamærin í Kólumbíu og stýra SOS Barnaþorpin í Kólumbíu aðgerðum á svæðinu. Þetta tiltekna verkefni nær til yfir tíu þúsund manna í um 2.500 fjölskyldum á tíu mánaða tímabili. Í aðstoðinni felst meðal annars vernd, matvælaöryggi og uppsetning öruggra svæða fyrir fjölskyldur þar sem þær fá aðstoð og ráðgjöf, ásamt því sem börnin fá tækifæri til leikja og menntunar.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Vill koma upp mótttöku flóttamanna við Kaffi Vest Innlent Myndband með jólalagi lykilsönnunargagn í fíkniefnamáli Innlent Ráðherra segir fyrirkomulag borgaraþjónustunnar á Spáni ósjálfbært Innlent „Ég þekki líka kolruglaða menn og ég læt drepa þig“ Innlent Komu sér af vettvangi eftir árás á fjóra á veitingastað Innlent „Klæðingin er engin skítaredding“ Innlent Þaulskipulagt af hagsmunaaðilum og þeirra fulltrúum á þingi Innlent Everest fullt af rusli sem mun taka fleiri ár að hreinsa Erlent Afstaða Sjálfstæðismanna á skjön við lýðheilsustefnu stjórnvalda Innlent Hillir loks undir framkvæmdir í Vesturbugt eftir sjö ára töf Innlent