Húsdraumar lifna við í snjallsíma 23. maí 2012 13:00 Óskar R. Harðarson í Mikluborg með snjallsímann sinn á lofti, en nú er hægt að skoða ítarlegt söluyfirlit fasteigna með myndum, leiðarlýsingum og fleiru í gegnum snjallsíma. mynd/gva Fasteignasalan Miklaborg er fyrst íslenskra fasteignasala til að bjóða fasteignaleit í snjallsíma. „Við verðum þess vör að flestir í fasteignahugleiðingum eru með hugann við íbúðaleit sína daginn út og daginn inn. Þeir keyra um hverfi og bæjarfélög til að sjá hvar þeir helst vilja búa og því sjálfsögð þjónusta okkar að auðvelda leitina með því að kynna eignir til sölu beint í snjallsíma,“ segir Óskar R. Harðarson héraðsdómslögmaður, löggiltur fasteignasali og annar eigenda Mikluborgar. „Fasteignaleit í snjallsíma hefur verið við lýði á fasteignamörkuðum erlendis um hríð en er nú kærkomin nýjung fyrir íslenska fasteignaleitendur og gerir þeim kleift að nálgast söluyfirlit fasteigna hvenær sem er og hvar sem þeir eru staddir,“ útskýrir Óskar. Hann tekur dæmi um fólk sem heillast af hverfi í Hafnarfirði þegar það er í heimsókn hjá vinafólki. „Þá getur það umsvifalaust farið í eignayfirlit Mikluborgar í snjallsíma sínum, valið staðsetninguna, séð hvort hentugar eignir séu til sölu í næsta nágrenni og fengið allar upplýsingar strax,“ segir Óskar. Hann nefnir annan sniðugan kost í fasteignaleit snjallsímans. „Í góðra vina hópi í Grímsnesinu getur kviknað löngun til að eignast eigin sumarbústað. Þá er þægilegt að geta strax flett upp sölulista yfir sumarhús í nærsveitum, fá upp stærð þeirra, verð og leiðarlýsingu. Flestir snjallsímar búa svo yfir GPS-hnitum og auðvelt að láta símann vísa veginn að eigninni sem um ræðir,“ segir Óskar. Allt viðmót er auðvelt í fasteignaleit snjallsíma. Þegar áhugaverð eign er fundin er leikur einn að skoða hana betur á korti, skoða leiðarlýsingu og allar myndir í góðri upplausn. „Flestir eru áhugasamir um að sjá hvernig umhorfs er innanhúss í eignum en finnst ekki síður mikilvægt að sjá hvernig gatan lítur út og hvernig hverfið er uppbyggt með tilliti til skóla, verslunar, þjónustu og útivistarmöguleika. Þá er hentugt að vera staddur í hverfinu sem heillar og geta strax skoðað allt með berum augum í stað þess að þurfa heim í tölvuna til að leita og láta sig dreyma.“ Til að komast í fasteignaleit Mikluborgar í snjallsíma er slegin inn vefslóðin m.miklaborg.is. „Það er gaman að prófa sig áfram og kynnast þessari nýjung, enda mikill tímasparnaður og að auki stórskemmtilegt. Þjónustan stóreykur líkur seljenda á sölu eigna og að kaupendur finni það sem þeir leita að,“ segir Óskar sem er rétt að byrja í þjónustu við viðskiptavini í gegnum snjallsíma. „Snjallsíminn á eftir að koma fasteignaleitendum í góðar þarfir og er þetta rétt byrjunin á því sem koma skal. Við munum fljótlega bæta við enn fleiri upplýsingum um eignir og staðhætti sem munu gera fasteignaleitina enn léttari, skemmtilegri og árangursríkari.“Fasteignasalan Miklaborg er í Síðumúla 13. Sími 5697000. Sjá nánar á miklaborg.is og m.miklaborg.is. Mest lesið 96 sagt upp í hópuppsögnum í júní Viðskipti innlent Í áfalli yfir dýrari dekkjum og Hlöllabát Neytendur Stærsti Hiab krani í heimi á sumarsýningu Veltis Samstarf Helmingaði kostnaðinn við matarinnkaup Neytendur Selja fyrsta bjórinn ekki fyrr en í ágúst Viðskipti innlent Ómar fær fyrir ferðina Neytendur Verðskrá Lufthansa hækkar vegna nýs umhverfisgjalds Neytendur Sjálfbærniskólinn: Mörg fyrirtæki að gera geggjað góða hluti án þess að átta sig á því Atvinnulíf Betra en ekki að viðurkenna mistökin Atvinnulíf Biðin eftir vaxtalækkun gæti lengst enn frekar Viðskipti innlent Fleiri fréttir Stærsti Hiab krani í heimi á sumarsýningu Veltis Áhersla á öryggi viðskiptavina Eftirvagnar breyta aksturseigileikum bílsins Tæknin tekur yfir leigubílamarkaðinn Hægt að tilkynna holur á vegum á vegbót.is – FÍB er alltaf á vaktinni Brimborg lækkar verð á rafbílnum Volvo EX30 Nýr Peugeot E-3008 rafbíll frumsýndur í Brimborg Bílaumboðið Una skrifar undir samning við XPENG Skelltu þér í sólina í sumar Nýjungar á Hótel Grímsborgum Ánægðari börn, foreldrar og starfsfólk og öflugt fagstarf Brimborg lækkar verð á Polestar Iðnaðarmaður ársins 2024 er fundinn Ofursmart heilsárshús Glæsilegar íbúðir með frábæru útsýni Ný leið fyrir fyrirtæki til að rafvæða bílaflotann Toyota fagnar sumrinu á laugardag Þú þarft ekki að óttast rigninguna Eitt glæsilegasta byggingarsvæði höfuðborgarsvæðisins Sjá meira
Fasteignasalan Miklaborg er fyrst íslenskra fasteignasala til að bjóða fasteignaleit í snjallsíma. „Við verðum þess vör að flestir í fasteignahugleiðingum eru með hugann við íbúðaleit sína daginn út og daginn inn. Þeir keyra um hverfi og bæjarfélög til að sjá hvar þeir helst vilja búa og því sjálfsögð þjónusta okkar að auðvelda leitina með því að kynna eignir til sölu beint í snjallsíma,“ segir Óskar R. Harðarson héraðsdómslögmaður, löggiltur fasteignasali og annar eigenda Mikluborgar. „Fasteignaleit í snjallsíma hefur verið við lýði á fasteignamörkuðum erlendis um hríð en er nú kærkomin nýjung fyrir íslenska fasteignaleitendur og gerir þeim kleift að nálgast söluyfirlit fasteigna hvenær sem er og hvar sem þeir eru staddir,“ útskýrir Óskar. Hann tekur dæmi um fólk sem heillast af hverfi í Hafnarfirði þegar það er í heimsókn hjá vinafólki. „Þá getur það umsvifalaust farið í eignayfirlit Mikluborgar í snjallsíma sínum, valið staðsetninguna, séð hvort hentugar eignir séu til sölu í næsta nágrenni og fengið allar upplýsingar strax,“ segir Óskar. Hann nefnir annan sniðugan kost í fasteignaleit snjallsímans. „Í góðra vina hópi í Grímsnesinu getur kviknað löngun til að eignast eigin sumarbústað. Þá er þægilegt að geta strax flett upp sölulista yfir sumarhús í nærsveitum, fá upp stærð þeirra, verð og leiðarlýsingu. Flestir snjallsímar búa svo yfir GPS-hnitum og auðvelt að láta símann vísa veginn að eigninni sem um ræðir,“ segir Óskar. Allt viðmót er auðvelt í fasteignaleit snjallsíma. Þegar áhugaverð eign er fundin er leikur einn að skoða hana betur á korti, skoða leiðarlýsingu og allar myndir í góðri upplausn. „Flestir eru áhugasamir um að sjá hvernig umhorfs er innanhúss í eignum en finnst ekki síður mikilvægt að sjá hvernig gatan lítur út og hvernig hverfið er uppbyggt með tilliti til skóla, verslunar, þjónustu og útivistarmöguleika. Þá er hentugt að vera staddur í hverfinu sem heillar og geta strax skoðað allt með berum augum í stað þess að þurfa heim í tölvuna til að leita og láta sig dreyma.“ Til að komast í fasteignaleit Mikluborgar í snjallsíma er slegin inn vefslóðin m.miklaborg.is. „Það er gaman að prófa sig áfram og kynnast þessari nýjung, enda mikill tímasparnaður og að auki stórskemmtilegt. Þjónustan stóreykur líkur seljenda á sölu eigna og að kaupendur finni það sem þeir leita að,“ segir Óskar sem er rétt að byrja í þjónustu við viðskiptavini í gegnum snjallsíma. „Snjallsíminn á eftir að koma fasteignaleitendum í góðar þarfir og er þetta rétt byrjunin á því sem koma skal. Við munum fljótlega bæta við enn fleiri upplýsingum um eignir og staðhætti sem munu gera fasteignaleitina enn léttari, skemmtilegri og árangursríkari.“Fasteignasalan Miklaborg er í Síðumúla 13. Sími 5697000. Sjá nánar á miklaborg.is og m.miklaborg.is.
Mest lesið 96 sagt upp í hópuppsögnum í júní Viðskipti innlent Í áfalli yfir dýrari dekkjum og Hlöllabát Neytendur Stærsti Hiab krani í heimi á sumarsýningu Veltis Samstarf Helmingaði kostnaðinn við matarinnkaup Neytendur Selja fyrsta bjórinn ekki fyrr en í ágúst Viðskipti innlent Ómar fær fyrir ferðina Neytendur Verðskrá Lufthansa hækkar vegna nýs umhverfisgjalds Neytendur Sjálfbærniskólinn: Mörg fyrirtæki að gera geggjað góða hluti án þess að átta sig á því Atvinnulíf Betra en ekki að viðurkenna mistökin Atvinnulíf Biðin eftir vaxtalækkun gæti lengst enn frekar Viðskipti innlent Fleiri fréttir Stærsti Hiab krani í heimi á sumarsýningu Veltis Áhersla á öryggi viðskiptavina Eftirvagnar breyta aksturseigileikum bílsins Tæknin tekur yfir leigubílamarkaðinn Hægt að tilkynna holur á vegum á vegbót.is – FÍB er alltaf á vaktinni Brimborg lækkar verð á rafbílnum Volvo EX30 Nýr Peugeot E-3008 rafbíll frumsýndur í Brimborg Bílaumboðið Una skrifar undir samning við XPENG Skelltu þér í sólina í sumar Nýjungar á Hótel Grímsborgum Ánægðari börn, foreldrar og starfsfólk og öflugt fagstarf Brimborg lækkar verð á Polestar Iðnaðarmaður ársins 2024 er fundinn Ofursmart heilsárshús Glæsilegar íbúðir með frábæru útsýni Ný leið fyrir fyrirtæki til að rafvæða bílaflotann Toyota fagnar sumrinu á laugardag Þú þarft ekki að óttast rigninguna Eitt glæsilegasta byggingarsvæði höfuðborgarsvæðisins Sjá meira