Fréttaskýring: Var símtal Árna dýrasti misskilningur Íslandssögunnar? Friðrik Indriðason skrifar: skrifar 8. desember 2008 15:49 Það er athyglisvert að hvorki Árni Mathiesen fjármálaráðherra eða Björgvin G. Sigurðsson bankamálaráðherra eiga til minnismiða í fórum sínum um Icesave fundi sína og samtöl við breska ráðamenn. Vitað er að bresk stjórnvöld höfðu mikinn áhuga á að setja Icesave inn í breskt dótturfélag í haust þegar vitað var að hverju stefndi með íslenska bankakerfið. Icesave-klúðrið mun kosta okkur að minnsta kosti 250 milljarða kr. að mati Alþjóðagjaldeyrissjóðsins og er þá tekið tillit til þess fjármagns sem fæst af væntanlegri sölu eigna Landsbankans í náinni framtíð. Sumir segja að lokareikningurinn gæti orðið allt að 400 milljarðar kr.. Það má því segja að Icesave sé stærsta einstaka klúðrið sem komið hefur íslensku þjóðinni í þá skítastöðu sem hún er í núna. Bæði hvað varðar mikla skuldsetingu ríkissjóðs sem og orðspor landsins í heild á erlendum vettvangi. En ráðherrarnir eiga enga minnismiða af samskiptum sínum við bresk stjórnvöld um Icesave sem er næstum glæpsamlegt þegar umfang málsins er haft í huga. Nú síðast svaraði Árni Mathiesen fjármálaráðherra fyrirspurn um málið á alþingi frá Siv Friðleifsdóttur þingmanns Framsóknarflokksins. Svar hans er tvíþætt. Í fyrsta lagi segir ráðherrann að hann hafi ekki haft hugmynd um tilboð breska fjármálaeftirlitsins (FSA) um að stofnunin væri tilbúin að standa að flýtimeðferð á Icesave inn í breskt dótturfélag gegn 200 milljón punda greiðslu inn á Tryggingarsjóð innistæðueigenda í Bretlandi. Hinsvegar var Árni spurður um hvað ráðherra væri að vísa í með eftirfarandi tilsvari í símtali við Alistair Darling fjármálatráðherra Breta: Darling: „Ég tek því þá sem svo að loforðið sem Landsbankinn gaf okkur um að hann fengi 200 milljónir punda í reiðufé sé einnig fyrir bí?" Ráðherra: „Já, þeir fengu ekki það fé." „Óskað er eftir því að ráðherra birti í svarinu minnisblöð sem tengjast þessu tilsvari.Fjármálaráðherra taldi að fjármálaráðherra Breta væri að vísa til fyrirgreiðslu sem Landsbankinn hefði farið fram á í Seðlabanka Íslands en ekki fengið.Ráðherra hefur engin minnisblöð um það mál," segir í svari Árna við fyrispurn Sifjar. Áður hefur komið fram að megninefni fundar Björgvins G. Sigurðssonar viðskiptaráðherra og Alistair Darling þann 2. september s.l. var að æskilegt væri að færa Icesave-innistæðureikninga Landsbankans í London í breskt dótturfélag. Þetta kom fram í annari fyrirspurn Sivjar til viðskiptaráðherra í síðasta mánuði. Í frétt á visir.is þann 24. nóvember segir að í svari Björgvins komi fram að hann hafi ekki tekið saman formlegt minnisblað um fundinn. Báðir þessir ráðherra eru alls ekki starfi sínu vaxnir ef þeir halda ekki til haga öllum atriðum sem koma upp á fundum og eða samtölum við erlenda ráðherra og ráðamenn. Og þá sérstaklega í mikilvægum málum eins og Icesave. Ásgeir Friðrgeirsson blaðafulltrúi þeirra Björgólfsfeðga segir að til séu alveg skotheldar upplýsingar um að bresk stjórnvöld lögðu fram tilboð um að koma Icesave í breskt dótturfélag í september s.l. gegn því að greiddar yrðu 200 milljónir punda, eða um 40 milljarðar kr. inn á Tryggingareikninginn í Bretlandi. Ásgeir segir ennfremur að Landsbankamenn hafi komið þessum skilaboðum til réttra aðila innan íslenska stjórnkerfisins. Réttir aðilar hafi verið upplýstir um málið en ekkert gerðist. Og þá vaknar spurningin, hvaða ráðherrar aðrir hafa ekki minnismiða um tilboð bresku stjórnarinnar í fórum sínum? Svo má segja að athyglisverður vinkill sé á samtali Árna og Alistairs Darling. Hann er sá að Árni hafi ekki skilið hvað Darling var að fara í fyrrgreindu samtali því á sama tíma var Björgólfur Thor að falast eftir neyðarláni til Landsbankans upp á 200 milljónir evra hér heima. Getur það verið að Árni hafi talið að Darling væri að ræða það mál. Og ekki kveikt á perunni þegar Darling spyr hann síðar í samtalinu hvort hann geri sér grein fyrir hvað þetta þýði mikinn álitishnekki fyrir Ísland. Ef svo er mun þetta samtal fara í sögubækurnar sem dýrustu mistök fyrr og síðar á Íslandi. Mest lesið Blekking við neytendur eða leið til að halda „þægilegri verðpunkti“? Neytendur Óttast að raforkuverð fjórfaldist án inngrips Neytendur Eiginkonan kvartar undan fíflagangi á morgnana Atvinnulíf Að ná til baka tilfinningunni: Það er gaman í vinnunni Atvinnulíf Réttur og öryggi leigjenda aukast á sunnudaginn Neytendur Á mannamáli: „Ég er bara einhver „nobody,“ við erum ekki með nein gögn“ Atvinnulíf Þessari rafmagnsflugvél er ætlað að flytja 90 farþega Viðskipti erlent Zuckerberg harmar að hafa látið undan þrýstingi Bidens Viðskipti erlent Gjaldþrot olíuleitarfélags upp á 12 milljarða Viðskipti innlent Pálmasynir selja IKEA-starfsemina í Eystrasaltslöndunum Viðskipti innlent Fleiri fréttir Ráðinn hönnunarstjóri Aton Gjaldþrot olíuleitarfélags upp á 12 milljarða Pálmasynir selja IKEA-starfsemina í Eystrasaltslöndunum Costco innkallar makkarónukökur vegna salmonellu Tapaði 1,2 milljörðum á fyrri hluta ársins Innáskipting hjá Kviku „Prísáhrif“ í verðbólgutölum Verður meðal stærstu hluthafa og tekur við stjórnarformennsku Verð á matvöru lækkar í fyrsta sinn í þrjú ár Tilboð berast í eignir þrotabúsins: „Alltaf með símann opinn ef menn hafa áhuga“ Rekstrarhagnaður Sýnar nam 169 milljónum Hagnaður Skaga fyrstu sex mánuði ársins 273 milljónir Krefur Eimskip og Samskip um þrjá milljarða króna í skaðabætur Hreyfill gerir sátt við Samkeppniseftirlitið eftir kvörtun Hopp Lýsir ófremdarástandi í skilum ársreikninga Play fjölgar áfangastöðum í Portúgal Hundrað og fimmtíu missa vinnuna hjá Controlant Samstarfi um milljarðauppbyggingu slitið Skipaður deildarforseti viðskipta- og hagfræðideildar HR Kaupa allt hlutafé í Promennt Skúli í Subway boðar hópmálsókn gegn Sveini Andra Gervigreindin planaði sumarfrí fjölskyldunnar Gildistími tilboðsins framlengdur Kveður Marel og verður aðstoðarforstjóri Kapp Helga Hrund í hóp meðeiganda Maven Ráðinn forstöðumaður Fyrirtækjaráðgjafar Landsbankans New York Times og BBC segja Íslendinga furða sig á stöðu gúrkunnar Vilja verða hverfisbarinn við Snorrabraut Segir DNA-tal ráðherra fráleita skýringu á verðbólgu Mata-systkinin gera yfirtökutilboð í fasteignafélagið Eik Sjá meira
Það er athyglisvert að hvorki Árni Mathiesen fjármálaráðherra eða Björgvin G. Sigurðsson bankamálaráðherra eiga til minnismiða í fórum sínum um Icesave fundi sína og samtöl við breska ráðamenn. Vitað er að bresk stjórnvöld höfðu mikinn áhuga á að setja Icesave inn í breskt dótturfélag í haust þegar vitað var að hverju stefndi með íslenska bankakerfið. Icesave-klúðrið mun kosta okkur að minnsta kosti 250 milljarða kr. að mati Alþjóðagjaldeyrissjóðsins og er þá tekið tillit til þess fjármagns sem fæst af væntanlegri sölu eigna Landsbankans í náinni framtíð. Sumir segja að lokareikningurinn gæti orðið allt að 400 milljarðar kr.. Það má því segja að Icesave sé stærsta einstaka klúðrið sem komið hefur íslensku þjóðinni í þá skítastöðu sem hún er í núna. Bæði hvað varðar mikla skuldsetingu ríkissjóðs sem og orðspor landsins í heild á erlendum vettvangi. En ráðherrarnir eiga enga minnismiða af samskiptum sínum við bresk stjórnvöld um Icesave sem er næstum glæpsamlegt þegar umfang málsins er haft í huga. Nú síðast svaraði Árni Mathiesen fjármálaráðherra fyrirspurn um málið á alþingi frá Siv Friðleifsdóttur þingmanns Framsóknarflokksins. Svar hans er tvíþætt. Í fyrsta lagi segir ráðherrann að hann hafi ekki haft hugmynd um tilboð breska fjármálaeftirlitsins (FSA) um að stofnunin væri tilbúin að standa að flýtimeðferð á Icesave inn í breskt dótturfélag gegn 200 milljón punda greiðslu inn á Tryggingarsjóð innistæðueigenda í Bretlandi. Hinsvegar var Árni spurður um hvað ráðherra væri að vísa í með eftirfarandi tilsvari í símtali við Alistair Darling fjármálatráðherra Breta: Darling: „Ég tek því þá sem svo að loforðið sem Landsbankinn gaf okkur um að hann fengi 200 milljónir punda í reiðufé sé einnig fyrir bí?" Ráðherra: „Já, þeir fengu ekki það fé." „Óskað er eftir því að ráðherra birti í svarinu minnisblöð sem tengjast þessu tilsvari.Fjármálaráðherra taldi að fjármálaráðherra Breta væri að vísa til fyrirgreiðslu sem Landsbankinn hefði farið fram á í Seðlabanka Íslands en ekki fengið.Ráðherra hefur engin minnisblöð um það mál," segir í svari Árna við fyrispurn Sifjar. Áður hefur komið fram að megninefni fundar Björgvins G. Sigurðssonar viðskiptaráðherra og Alistair Darling þann 2. september s.l. var að æskilegt væri að færa Icesave-innistæðureikninga Landsbankans í London í breskt dótturfélag. Þetta kom fram í annari fyrirspurn Sivjar til viðskiptaráðherra í síðasta mánuði. Í frétt á visir.is þann 24. nóvember segir að í svari Björgvins komi fram að hann hafi ekki tekið saman formlegt minnisblað um fundinn. Báðir þessir ráðherra eru alls ekki starfi sínu vaxnir ef þeir halda ekki til haga öllum atriðum sem koma upp á fundum og eða samtölum við erlenda ráðherra og ráðamenn. Og þá sérstaklega í mikilvægum málum eins og Icesave. Ásgeir Friðrgeirsson blaðafulltrúi þeirra Björgólfsfeðga segir að til séu alveg skotheldar upplýsingar um að bresk stjórnvöld lögðu fram tilboð um að koma Icesave í breskt dótturfélag í september s.l. gegn því að greiddar yrðu 200 milljónir punda, eða um 40 milljarðar kr. inn á Tryggingareikninginn í Bretlandi. Ásgeir segir ennfremur að Landsbankamenn hafi komið þessum skilaboðum til réttra aðila innan íslenska stjórnkerfisins. Réttir aðilar hafi verið upplýstir um málið en ekkert gerðist. Og þá vaknar spurningin, hvaða ráðherrar aðrir hafa ekki minnismiða um tilboð bresku stjórnarinnar í fórum sínum? Svo má segja að athyglisverður vinkill sé á samtali Árna og Alistairs Darling. Hann er sá að Árni hafi ekki skilið hvað Darling var að fara í fyrrgreindu samtali því á sama tíma var Björgólfur Thor að falast eftir neyðarláni til Landsbankans upp á 200 milljónir evra hér heima. Getur það verið að Árni hafi talið að Darling væri að ræða það mál. Og ekki kveikt á perunni þegar Darling spyr hann síðar í samtalinu hvort hann geri sér grein fyrir hvað þetta þýði mikinn álitishnekki fyrir Ísland. Ef svo er mun þetta samtal fara í sögubækurnar sem dýrustu mistök fyrr og síðar á Íslandi.
Mest lesið Blekking við neytendur eða leið til að halda „þægilegri verðpunkti“? Neytendur Óttast að raforkuverð fjórfaldist án inngrips Neytendur Eiginkonan kvartar undan fíflagangi á morgnana Atvinnulíf Að ná til baka tilfinningunni: Það er gaman í vinnunni Atvinnulíf Réttur og öryggi leigjenda aukast á sunnudaginn Neytendur Á mannamáli: „Ég er bara einhver „nobody,“ við erum ekki með nein gögn“ Atvinnulíf Þessari rafmagnsflugvél er ætlað að flytja 90 farþega Viðskipti erlent Zuckerberg harmar að hafa látið undan þrýstingi Bidens Viðskipti erlent Gjaldþrot olíuleitarfélags upp á 12 milljarða Viðskipti innlent Pálmasynir selja IKEA-starfsemina í Eystrasaltslöndunum Viðskipti innlent Fleiri fréttir Ráðinn hönnunarstjóri Aton Gjaldþrot olíuleitarfélags upp á 12 milljarða Pálmasynir selja IKEA-starfsemina í Eystrasaltslöndunum Costco innkallar makkarónukökur vegna salmonellu Tapaði 1,2 milljörðum á fyrri hluta ársins Innáskipting hjá Kviku „Prísáhrif“ í verðbólgutölum Verður meðal stærstu hluthafa og tekur við stjórnarformennsku Verð á matvöru lækkar í fyrsta sinn í þrjú ár Tilboð berast í eignir þrotabúsins: „Alltaf með símann opinn ef menn hafa áhuga“ Rekstrarhagnaður Sýnar nam 169 milljónum Hagnaður Skaga fyrstu sex mánuði ársins 273 milljónir Krefur Eimskip og Samskip um þrjá milljarða króna í skaðabætur Hreyfill gerir sátt við Samkeppniseftirlitið eftir kvörtun Hopp Lýsir ófremdarástandi í skilum ársreikninga Play fjölgar áfangastöðum í Portúgal Hundrað og fimmtíu missa vinnuna hjá Controlant Samstarfi um milljarðauppbyggingu slitið Skipaður deildarforseti viðskipta- og hagfræðideildar HR Kaupa allt hlutafé í Promennt Skúli í Subway boðar hópmálsókn gegn Sveini Andra Gervigreindin planaði sumarfrí fjölskyldunnar Gildistími tilboðsins framlengdur Kveður Marel og verður aðstoðarforstjóri Kapp Helga Hrund í hóp meðeiganda Maven Ráðinn forstöðumaður Fyrirtækjaráðgjafar Landsbankans New York Times og BBC segja Íslendinga furða sig á stöðu gúrkunnar Vilja verða hverfisbarinn við Snorrabraut Segir DNA-tal ráðherra fráleita skýringu á verðbólgu Mata-systkinin gera yfirtökutilboð í fasteignafélagið Eik Sjá meira