Stelpurnar tuskuðu Bjössa til

Björn Leifsson, eigandi World Class, tók heldur betur á því í ræktinni í gær en hann er þekktur fyrir að halda sér í góðu formi, enda eigandi stærstu líkamsræktarstöðvar landsins.

Stelpurnar í RVKfit tóku Bjössi heldur betur í gegn í Laugum í gær en um er að ræða hóp af stelpum sem æfa saman og gefa góð ráð. Þær eru virkar á Snapchat (rvkfit) og þar er hægt að fylgjast með þeim.

Inni á World Class snappinu (worldclassice) í gær fékk Bjössi að kynnast því hvernig er að æfa með stelpunum og gera sömu æfingar. Það gekk oft á tíðum mjög vel hjá gamla kallinum, en stundum komst Björn í hann krappann eins og sjá má hér að neðan. 

Ein af þeim sem sá um æfinguna var Birgitta Líf Björnsdóttir, dóttir Bjössa, og gaf hún ekkert eftir.