Kalli mætti og tók Kára Stefáns: „Veit ekki einu sinni hvort ég hafi verið að tala eða hann“

Tónlistarmaðurinn og eftirherman Karl Örvarsson mætti í Bítið á Stöð 2, Vísi og Bylgjunni í morgun en hann er mjög þekktur fyrir að herma eftir Kára Stefánssyni, forstjóra Íslenskrar erfðagreiningar.

Kári Stefánsson mætti sjálfur í þáttinn og grínuðust þeir saman með hæfileika Kalla Örvars.

„Ég veit ekki einu sinni hvort ég hafi verið að tala eða hann,“ sagði Kári sjálfur meðal annars í viðtalinu.

Karl nær Kára í raun lygilega vel eins og sjá má hér að neðan.