Fréttir af fyrstu vöktum laxveiðiánna Karl Lúðvíksson skrifar 21. júní 2020 10:56 Laxinn er mættur og hann er í stuði. Nú eru laxveiðiárnar að opna hver af annari og fyrstu fréttir af flestum stöðum eru góðar sem vekur upp vonir um gott veiðisumar þetta árið. Langá opnaði með ágætum og þar er töluverður kraftur í göngunum en um 80 laxar eru þegar gengnir í gegnum teljarann við Skugga. Hafa laxar verið að veiðast víða um ánna í þessu fyrsta holli og þar af einn við Hrafnseyri sem er veiðistaður nr. 58. Víðidalsá opnaði með ágætum og þar af kom einn 101 sm lax á land í gær sem er eftir því sem við best vitum stærsti laxinn í sumar en þetta tröll veiddist í Harðeyrarstreng.. Það hafa veiðst laxar í Fitjá og lax sést víða í Víðidalsá, mest vænn tveggja ára lax. Hítará opnaði líka í vikunni og þar voru komnir 10 laxar á land strax fyrsta daginn og töluvert líf á neðri svæðunum sem vonandi eru merki þess að áin eigi eftir að jafna sig á því tjóni sem skriðan olli. Vatnsdalsá opnaði þann 20. júní og þar eru komnir einhverjir laxar á land en við höfum ekki staðfesta tölu. Það er mikið vatn í henni eins og öðrum ám á norðurlandi þannig að laxinn er ekki mikið að sýna sig. Það var heldur rólegt í Ytri Rangá en samt voru laxar að sýna sig við DJúpós og á Rangárflúðum. Nú er stórstreymt þann 24. júní og þá á vonandi eftir að koma kippur í göngurnar í árnar og veiðitölurnar fara þá hækkandi eftir því. Stangveiði Mest lesið Tölfræðin í Eystri Rangá eftir sumarið Veiði 1.004 fiska vika í Veiðivötnum Veiði 50% afsláttur í Ytri Rangá Veiði Sá stærsti sem hefur veiðst í sumar Veiði 106 sm lax úr Haukadalsá Veiði Vikulegar veiðitölur segja ekki allt Veiði Laxá í Aðaldal stefnir í sitt lélegasta sumar Veiði Ný veiðibók frá Sigga Haug Veiði Fanta sjóbirtingsveiði í Tungufljóti Veiði Fleiri lokatölur í nýjum vikulegum veiðitölum Veiði
Nú eru laxveiðiárnar að opna hver af annari og fyrstu fréttir af flestum stöðum eru góðar sem vekur upp vonir um gott veiðisumar þetta árið. Langá opnaði með ágætum og þar er töluverður kraftur í göngunum en um 80 laxar eru þegar gengnir í gegnum teljarann við Skugga. Hafa laxar verið að veiðast víða um ánna í þessu fyrsta holli og þar af einn við Hrafnseyri sem er veiðistaður nr. 58. Víðidalsá opnaði með ágætum og þar af kom einn 101 sm lax á land í gær sem er eftir því sem við best vitum stærsti laxinn í sumar en þetta tröll veiddist í Harðeyrarstreng.. Það hafa veiðst laxar í Fitjá og lax sést víða í Víðidalsá, mest vænn tveggja ára lax. Hítará opnaði líka í vikunni og þar voru komnir 10 laxar á land strax fyrsta daginn og töluvert líf á neðri svæðunum sem vonandi eru merki þess að áin eigi eftir að jafna sig á því tjóni sem skriðan olli. Vatnsdalsá opnaði þann 20. júní og þar eru komnir einhverjir laxar á land en við höfum ekki staðfesta tölu. Það er mikið vatn í henni eins og öðrum ám á norðurlandi þannig að laxinn er ekki mikið að sýna sig. Það var heldur rólegt í Ytri Rangá en samt voru laxar að sýna sig við DJúpós og á Rangárflúðum. Nú er stórstreymt þann 24. júní og þá á vonandi eftir að koma kippur í göngurnar í árnar og veiðitölurnar fara þá hækkandi eftir því.
Stangveiði Mest lesið Tölfræðin í Eystri Rangá eftir sumarið Veiði 1.004 fiska vika í Veiðivötnum Veiði 50% afsláttur í Ytri Rangá Veiði Sá stærsti sem hefur veiðst í sumar Veiði 106 sm lax úr Haukadalsá Veiði Vikulegar veiðitölur segja ekki allt Veiði Laxá í Aðaldal stefnir í sitt lélegasta sumar Veiði Ný veiðibók frá Sigga Haug Veiði Fanta sjóbirtingsveiði í Tungufljóti Veiði Fleiri lokatölur í nýjum vikulegum veiðitölum Veiði