Meirhluti hefur ákveðið að fyrirgefa framhjáhaldið

Þegar framhjáhald kemur upp í sambandi tekur við sú stóra áskorun að ákveða framhaldið. Hvað svo? Á að fyrirgefa eða á ekki fyrirgefa? 

Makamál spurðu lesendur Vísis hvort að þeir hafi ákveðið að fyrirgefa framhjáhald en tæplega þrjúþúsund manns tóku þátt í könnuninni. Spurningunni var beint til fólks sem hefur upplifað það að maki þeirra hafi haldið framhjá. 

Athygli vakti að meirihluti lesenda sagðist hafa ákveðið að fyrirgefa framhjáhaldið eða tæplega 60%. Þó var stór hluti þeirra, sem ákváðu að fyrirgefa, sem sögðu það ekki hafa tekist. 

Hægt er að sjá nákvæmari niðurstöður hér fyrir neðan.

Hefur þú ákveðið að fyrirgefa framhjáhald? 

Já, mér tókst að fyrirgefa - 33%

Já, en mér tókst ekki að fyrirgefa - 26%

Nei, ég vildi ekki fyrirgefa - 41%

Makamál mættu í Brennsluna á FM957 á föstudagsmorgunn og ræddu niðurstöðurnar. Einnig var kynnt til leiks ný Spurning vikunnar. Hægt er að hlusta á líflegar umræður hér fyrir neðan.

*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.