Manchester City er með pálmann í höndunum eftir 3-1 sigur á grönnum sínum í United í fyrri leik liðanna í undanúrslitaleik deildarbikarsins.
Liðin mættust á Old Trafford í kvöld en rétt rúmlega mánuður er síðan United hafði betur gegn City á Etihad leikvanginum.
Það var þó allt annað uppi á teningnum í kvöld. Bernardo Silva kom City yfir á 17. mínútu með frábæru marki. Hann lék boltanum inn á völlinn og lét vaða fyrir utan teig. Boltinn söng í horninu og óverjandi fyrir David de Gea.
Riyad Mahrez tvöfaldaði forystuna á 33. mínútu. Bernardo Silva fékk boltann á miðjunni og stakk honum inn fyrir vörnina á Mahrez sem lék á De Gea og skoraði.
Veislu City var ekki lokið í fyrri hálfleik því á 39. mínútu kom þriðja markið. Kevin De Bruyne for þá illa með Phil Jones en De Gea varði frá honum skotið. Hann varði það þó beint í Andreas Pereira og í netið.
3 - Manchester United have conceded three first half goals in a match at Old Trafford for the first time since May 1997 against Middlesbrough. Overwhelmed. #CarabaoCuppic.twitter.com/vJiGiqH3ar
— OptaJoe (@OptaJoe) January 7, 2020
3-0 í hálfleik og algjör einstefna hjá gestunum sem hefðu getað verið meira en þremur mörkum yfir í hálfleik.
Leikurinn róaðist aðeins í síðari hálfleik og United náði að minnka muninn með marki frá Marcus Rashford eftir laglega skyndisókn. Lokatölur 3-1.
Liðin mætast aftur í næstu viku, þá á heimavelli City, en liðið sem fer í úrslitaleikinn mætir annað hvort Leicester eða Aston Villa í úrslitaleiknum.
Full time.
— BBC Sport (@BBCSport) January 7, 2020
Man City's three first half goals are enough to beat Man United in the first leg of the semi-final in the League Cup.
LIVE https://t.co/f2KQu9dotX #bbcfootball#MUNMCIpic.twitter.com/OrNRu6kcSk
