Íslenskt viðskiptalíf í 68. sæti Rakel Sveinsdóttir skrifar 17. febrúar 2020 15:15 Nöfnurnar Katrín Olga Jóhannesdóttir fyrrum formaður Viðskiptaráðs Íslands og Katrín Jakobsdóttir forsætisráðherra voru samstíga í því að gera jafnréttismálin að umtalsefni sínu í ræðum á Viðskiptaþinginu sem haldið var í Hörpu þann 13.febrúar sl. Myndbandið Shesgotthis, eða Hún er með'etta vakti verðskuldaða athygli gesta. Vísir/Vilhelm Þótt loftlagsmálin hafi verið í brennidepli á Viðskiptaþinginu sem haldið var í Hörpu síðastliðinn fimmtudag, gerðu nöfnurnar Katrín Olga Jóhannesdóttir, fyrrum formaður Viðskiptaráðs Íslands, og Katrín Jakobsdóttir, forsætisráðherra jafnréttismálin að umtalsefni í ræðum sínum. Báðar vilja þær sjá hraðari breytingar í atvinnulífinu en á alþjóðlegum mælikvarða mælist íslenskt viðskiptalíf í 68. sæti þegar kemur að jafnrétti kynja. Katrín Olga Jóhannesdóttir gerði upp formannstíman sinn í ræðu sinni og sagðist margt hafa áunnist á þeim fjórum árum sem hún hefði verið formaður. Hún sagðist því ganga stolt frá borði. Sömuleiðis sagðist hún stolt af því að í 11 ár hefði Ísland mælst í efsta sæti í jafnréttisvísitölu World Economic Forum. Katrín Olga sagðist þó vera vonsvikin með stöðu jafnréttismála í íslensku viðskiptalífi og jafnvel upplifa það að henni hefði mistekist þar sem formaður Viðskiptaráðs í fjögur ár. „En ég hef jafnframt sagt að það er ekki íslensku viðskiptalífi að þakka að við vermum það sæti – þar erum við miklir eftirbátar og erum í 68 sæti. Þarna ætla ég að játa fyrir ykkur að mér finnst mér hafa mistekist á þessum fjórum árum mínum sem formanni Viðskiptaráðs að breyta þessari stöðu.“ Katrín Olga hvatti gesti salarins til að taka þátt í að bæta úr þessu og bað þá fundargesti að standa upp sem væru tilbúnir til að vera partur af lausninni. Samkvæmt heimildum Vísis gerði salurinn það svo til í heild sinni. Tveir karlmenn hið minnsta sátu þó sem fastast. Þá sýndi Katrín Olga myndbandið Shesgotthis, eða Hún er með'etta, sem hún sagði lýsandi fyrir það hvernig við værum mögulega öll hluti af vandanum. Ari Fenger tók við af Katrínu Olgu sem formaður Viðskiptaráðs. Katrín Olga óskaði honum velfarnaðar í nýju hlutverki og sagðist sannfærð um að hann myndi fylgja jafnréttismálunum vel eftir. Erfitt að gefa eftir sín forréttindi Í ræðu Katrínar Olgu kom fram að í 400 stærstu fyrirtækjunum væru nú 10% þeirra undir forystu kvenstjórnanda. Þetta væri óásættanleg þróun enda þýddi þetta aðeins 2% fjölgun á síðustu fjórum árum. Þá benti hún á að engin kona er forstjóri fyrirtækis skráð í Kauphöllinni. Katrín Jakobsdóttir forsætisráðherra tók í sama streng. Hún sagði nýjustu tölur um stjórnir fyrirtækja vera frá árinu 2018. Þær sýndu að konur væru 33,5% stjórnarmanna. Katrín sagði það sæta furðu að þegar tölurnar voru birtar þóttu þær „jákvæð“ tíðindi því þetta væri í fyrsta sinn sem konur væru að mælast meira þriðjungur stjórnarmanna. Það þætti henni furðuleg túlkun í ljósi þess að konur væru jafnmargar og karlmenn og samkvæmt kynjakvótalögunum ætti þetta hlutfall að vera 40%. Katrín velti þeirri spurningu fyrir sér hvort vandinn fælist mögulega í því að karlmenn ættu erfitt með að víkja úr sínum sætum fyrir konur. „Það er erfitt að gefa eftir sín forréttindi,“ sagði Katrín. Katrín sagði stjórnvöld líta jafnréttismálin alvarlegum augum og benti á að það væri margsannað að ávinningur jafnréttis fælist í betri rekstri og meiri hagnaði fyrir fyrirtæki. „Það er mannauðssóun sem felst í því að ekki eru fleiri konur stjórnendur í íslensku atvinnulífi“ sagði Katrín og hlaut mikið lófaklapp fyrir. Hér má sjá myndbandið Shesgotthis. Mest lesið „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Fasteignakaup fjárfesta vísbending um að fasteignaverð haldi áfram að hækka Viðskipti innlent Ævintýralegt líf: Fjárfestirinn bankaði á gluggann á garðkofanum þar sem hann bjó Atvinnulíf Dýr smjörvi á Egilsstöðum vekur mikla athygli Neytendur Ólöglegt bleikiefni í hveitinu Neytendur Annað tilboð borist í Skagann 3X Viðskipti innlent Níu holu golfvöllur á gamalli landnámsjörð Samstarf Greiðsluáskorun Samstarf Skúli í Subway reisir glæsihótel við Jökulsárlón Viðskipti innlent Fleiri fréttir Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira
Þótt loftlagsmálin hafi verið í brennidepli á Viðskiptaþinginu sem haldið var í Hörpu síðastliðinn fimmtudag, gerðu nöfnurnar Katrín Olga Jóhannesdóttir, fyrrum formaður Viðskiptaráðs Íslands, og Katrín Jakobsdóttir, forsætisráðherra jafnréttismálin að umtalsefni í ræðum sínum. Báðar vilja þær sjá hraðari breytingar í atvinnulífinu en á alþjóðlegum mælikvarða mælist íslenskt viðskiptalíf í 68. sæti þegar kemur að jafnrétti kynja. Katrín Olga Jóhannesdóttir gerði upp formannstíman sinn í ræðu sinni og sagðist margt hafa áunnist á þeim fjórum árum sem hún hefði verið formaður. Hún sagðist því ganga stolt frá borði. Sömuleiðis sagðist hún stolt af því að í 11 ár hefði Ísland mælst í efsta sæti í jafnréttisvísitölu World Economic Forum. Katrín Olga sagðist þó vera vonsvikin með stöðu jafnréttismála í íslensku viðskiptalífi og jafnvel upplifa það að henni hefði mistekist þar sem formaður Viðskiptaráðs í fjögur ár. „En ég hef jafnframt sagt að það er ekki íslensku viðskiptalífi að þakka að við vermum það sæti – þar erum við miklir eftirbátar og erum í 68 sæti. Þarna ætla ég að játa fyrir ykkur að mér finnst mér hafa mistekist á þessum fjórum árum mínum sem formanni Viðskiptaráðs að breyta þessari stöðu.“ Katrín Olga hvatti gesti salarins til að taka þátt í að bæta úr þessu og bað þá fundargesti að standa upp sem væru tilbúnir til að vera partur af lausninni. Samkvæmt heimildum Vísis gerði salurinn það svo til í heild sinni. Tveir karlmenn hið minnsta sátu þó sem fastast. Þá sýndi Katrín Olga myndbandið Shesgotthis, eða Hún er með'etta, sem hún sagði lýsandi fyrir það hvernig við værum mögulega öll hluti af vandanum. Ari Fenger tók við af Katrínu Olgu sem formaður Viðskiptaráðs. Katrín Olga óskaði honum velfarnaðar í nýju hlutverki og sagðist sannfærð um að hann myndi fylgja jafnréttismálunum vel eftir. Erfitt að gefa eftir sín forréttindi Í ræðu Katrínar Olgu kom fram að í 400 stærstu fyrirtækjunum væru nú 10% þeirra undir forystu kvenstjórnanda. Þetta væri óásættanleg þróun enda þýddi þetta aðeins 2% fjölgun á síðustu fjórum árum. Þá benti hún á að engin kona er forstjóri fyrirtækis skráð í Kauphöllinni. Katrín Jakobsdóttir forsætisráðherra tók í sama streng. Hún sagði nýjustu tölur um stjórnir fyrirtækja vera frá árinu 2018. Þær sýndu að konur væru 33,5% stjórnarmanna. Katrín sagði það sæta furðu að þegar tölurnar voru birtar þóttu þær „jákvæð“ tíðindi því þetta væri í fyrsta sinn sem konur væru að mælast meira þriðjungur stjórnarmanna. Það þætti henni furðuleg túlkun í ljósi þess að konur væru jafnmargar og karlmenn og samkvæmt kynjakvótalögunum ætti þetta hlutfall að vera 40%. Katrín velti þeirri spurningu fyrir sér hvort vandinn fælist mögulega í því að karlmenn ættu erfitt með að víkja úr sínum sætum fyrir konur. „Það er erfitt að gefa eftir sín forréttindi,“ sagði Katrín. Katrín sagði stjórnvöld líta jafnréttismálin alvarlegum augum og benti á að það væri margsannað að ávinningur jafnréttis fælist í betri rekstri og meiri hagnaði fyrir fyrirtæki. „Það er mannauðssóun sem felst í því að ekki eru fleiri konur stjórnendur í íslensku atvinnulífi“ sagði Katrín og hlaut mikið lófaklapp fyrir. Hér má sjá myndbandið Shesgotthis.
Mest lesið „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Fasteignakaup fjárfesta vísbending um að fasteignaverð haldi áfram að hækka Viðskipti innlent Ævintýralegt líf: Fjárfestirinn bankaði á gluggann á garðkofanum þar sem hann bjó Atvinnulíf Dýr smjörvi á Egilsstöðum vekur mikla athygli Neytendur Ólöglegt bleikiefni í hveitinu Neytendur Annað tilboð borist í Skagann 3X Viðskipti innlent Níu holu golfvöllur á gamalli landnámsjörð Samstarf Greiðsluáskorun Samstarf Skúli í Subway reisir glæsihótel við Jökulsárlón Viðskipti innlent Fleiri fréttir Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira