Varnartröll Stjörnunnar, Bjarki Már Gunnarsson, var frábær í vörn Stjörnunnar í nýliðinni bikarhelgi. Það gladdi marga að sjá hann loksins aftur á vellinum.
„Þetta var frábært og rosalega gaman að geta tekið þátt og ég er þakklátur fyrir það,“ segir Bjarki Már en hann hefur verið að glíma við mjög erfið hnémeiðsli í vetur. „Ég beit bara á jaxlinn um helgina og fékk smá verkjatöflur með.“
Fyrir helgina hafði Bjarki Már aðeins tekið þátt í einum bikarleik í vetur og er því búinn að spila þrjá leiki í heildina. Hann fór í aðgerð síðasta sumar vegna meiðslanna en batinn hefur ekki verið eins góður og vonir stóðu til.
„Hnéð hefur verið að trufla mig síðan 2018 og ég spilaði þjáður í því. Ég fór svo í aðgerðina síðasta sumar og þetta hefur því miður ekki gengið nógu vel,“ segir fyrrum landsliðsmaðurinn.
„Ég þoli bara ákveðið mikið álag en er að vinna í þessu á fullu. Ég ætla ekki að láta þetta skemma allt fyrir mér. Markmiðið er að geta spilað með liðinu í úrslitakeppninni en þangað stefnum við.“
Varnartröllið hefur nánast ekkert getað æft með liðinu í vetur heldur er hann sjálfur í styrktaræfingum ásamt því að hjóla og synda.
„Þetta hefur eðlilega tekið mikið á en ég er að reyna að hugsa ekki of langt fram í tímann. Ég tek bara eina æfingu í einu og vona það besta.“
Bjarki Már: Stefni á að spila í úrslitakeppninni
Henry Birgir Gunnarsson skrifar

Mest lesið

Kvartar undan Man. City við Evrópusambandið
Enski boltinn

Gera grín að Jürgen Klopp
Fótbolti

Tryggvi þarf að taka sig á í skólanum
Körfubolti

Víkingar skipta um gír
Íslenski boltinn






Tvær tillögur um að fjölga karlaleikjum
Körfubolti