Sænska vörulínan Healthyco er heilsuvara vikunnar á Vísi. Healthyco býður upp á úrval ljúffengra gæðavara sem allar eru lausar við viðbættan sykur og eru án pálmaolíu. Með Healthyco verður auðveldara að stunda heilbrigðan lífsstíl og njóta lífrænnar vöru án þess að breyta venjum eða smekk. 

Björn Þór Sigurbjörnsson einkaþjálfari og heilsuráðgjafi segir góða næringu skipta miklu máli fyrir heilsuna og er einn þeirra sem mælir með vörunum frá Healthyco. 

Björn er með reyndustu þjálfurum landsins og heldur úti vefsíðunni likami.is og hlaðvarpinu líkami.is-hlaðvarp. Björn er einnig á Instagram.

Heilbrigt samband við mat nauðsynlegt

„Ég nota þessar vörur sjálfur, drekk rauðrófuskot daglega og kaldpressaða kókosolían frá Healthyco er algjört undur. Það skiptir gríðarlega miklu máli að næra sig vel og að eiga almennt gott samband við mat. Þessi framleiðandi er augljóslega með það í huga og þetta eru vörur sem henta flestum hópum,“ segir Björn.

Healthyco línan inniheldur allt frá súkkulaðiplötum, einföldum próteinstykkjum og búðingum, sultum, sósum og olíum upp í safa eins og kókoshnetuvatn og rauðrófusafa svo allir ættu að finna eitthvað við sitt hæfi.

Skýr stefna framleiðandans

„Svíar hafa verið mjög framarlega í þróun á fæðubótaefnum og heilsutengdum vörum. Samtök matvælaframleiðenda í Evrópu hafa beint því til framleiðenda að minnka sykurinnihald í matvörum sínum um 15% fyrir árið 2025 en Healthyco fer hins vegar fram úr þessu og notar engan viðbættan sykur í sínar vörur. Það kemur ekki niður á bragðgæðum þeirra þó síður sé,“ segir Björn.

Vinnsluaðferðir tryggja gæðin

„Olíurnar frá Healthyco eru kaldpressaðar og þannig haldast bæði fitusýrurnar og virku efnin betur í vörunni. Kaldpressun felst í því að vinna afurðina undir miklum þrýstingi án hitunar og er lengsta og flóknasta vinnsluferlið og gefur þar af leiðandi vandaðri vöru,“ segir Björn. „Það er einnig kostur að Healthyco vörurnar innihalda ekki viðbættar jurtaolíur en framleiðsluaðferðir á unnum jurtaolíum eru mjög skaðlegar heilsunni og ýtir undir bólgumyndun sem er oftar en ekki orsakavaldur ýmissa sjúkdóma,“ segir Björn.

Slekkur á nammiþörfinni með Healthyco

Sandra Helgadóttir, þjálfari hjá Absolut Training notar vörurnar frá Healthyco. Hún segir sérstaklega gott að geta slökkt á nammiþörfinni án þess að hafa áhyggjur af viðbættum sykri.

„Vörurnar frá Healthyco eru hreinar og ég get treyst innihaldinu og að unnið sé með bestu hráefnin. Ég er hrifin af olíunum, próteinella, rauðrófusafanum og kókósvatninu en ég elska súkkulaði og þess vegna eru próteinbarirnir í sérstaklega miklu uppáhaldi til þess að svala nammiþörfinni,“ segir Sandra.

Heilbrigður lífsstíll en engar öfgar

„Ég kýs að lifa heilbrigðu lífi en mig langar samt ekki að vera í neinum öfgum, hvorki í matarræði, hreyfingu né öðru. Ég trúi á jafnvægi og að fara milliveginn í þessu öllu saman. Þess vegna leyfi ég mér súkkulaði og það sem mér þykir gott og þá finnst mér frábært að geta valið kost sem ég veit að er töluvert betri en margt sem er í boði. Það er gífurlegt magn af sykri í allskyns matvælum og auðvitað í sælgæti og ég er mjög þakklát fyrir að HeilthyCo séu að framleiða frábærar vörur án viðbætts sykurs. Ég fæ mér próteinbarina með kaffinu eða seinnipartinn milli hádegismatar og kvöldmatar,” segir Sandra. Það borgi sig að sneiða hjá sykri og kolvetnum. 

„Ég hef alveg tekið tímabil þar sem ég hef ekki verið nógu dugleg að huga að næringunni og ég finn það strax bitna á orkunni á æfingum og hugafarinu líka. Þegar við erum farin að reiða okkur á sykur eða kolvetni sem okkar helsta orkugjafa, þá finnum við miklu meira fyrir orkuleysi og skapsveiflum. 

Það skiptir miklu máli að huga að því að líkaminn sé að fá nokkuð jöfn hlutföll af kolvetni, próteini og fitu. Þannig þjálfum við líkamann í því að geta notað fitu sem orkugjafa líka en ekki stóla einungis á kolvetnin. Ég mæli heilshugar með vörum HealthyCo fyrir alla. Það hafa allir gott af því að huga að heilsunni, lágmarka sykurneyslu en á sama tíma njóta lífsins og fá sér holla og góða næringu,“ segir Sandra.