Sögulegt faðmlag við Bjössa í World Class Stefán Árni Pálsson skrifar 19. nóvember 2020 11:30 Reynir Traustason fer um víðan völl í spjallinu við Sölva. Reynir Traustason er einn reyndasti blaðamaður Íslandssögunnar hefur ritstýrt fjölmörgum fjölmiðlum og oft komist í fréttir fyrir að lenda upp á kant við fólk vegna fréttaflutnings. Reynir er nýjasti gestur Sölva Tryggvasonar í hlaðvarpi hans. Reynir var rekinn úr Sjálfstæðisflokknum eftir fréttaflutninginn af Árna Johnsen „Ég hef oft verið flokkaður sem ólíkindatól af valdhöfum, sem mér finnst góð einkunn. En ég hef aldrei verið í neinum öðrum flokki en Sjálfstæðisflokknum. Pabbi var í honum og afi, þannig að það var ekki um neitt annað að ræða en að ég væri í Sjálfstæðisflokknum líka. En þeir skráðu mig úr flokknum eftir Árna Johnsen málið. Það er stundum talað um að það sé erfitt að komast úr stjórnmálaflokkum, en ég þurfti að berjast fyrir því að komast aftur inn, af því að ég vildi fá aðgang að hlutum. Sjálfstæðisflokkurinn er með fallega stefnu varðandi einstaklingsframtakið og annað í þeim dúr, en hann hefur ekkert fylgt þeirri stefnu í mörg ár,“ segir Reynir. Hann segir í þættinum frá því þegar hann og Bjössi í World Class hittust nýlega eftir opinberar deilur. Kostaði tíu milljónir „Ef menn hugsa til baka til blaðamanna og ritstjóra sem hafa verið reknir, þá er verðmiðinn á mér 10 milljónir. Bjössi í World Class borgaði 10 milljónir til að komast inn í DV til að geta látið reka mig. Þar með komust andófsöflin í meirihluta og hann sagðist opinberlega vilja losna við mig. Það sem hafði farið verst í hann var hliðarmál vegna Árna Johnsen málsins sem hann tengdist og við fjölluðum um. En við Bjössi hittumst í skötuveislu fyrir ekki svo löngu og það fraus allt þegar við mættumst, svolítið eins og í sögunni um Þyrnirós. En svo féllumst við lauslega í faðma og ég tók eina selfie af okkur og mér þykir vænt um Bjössa eins langt og það nær. Ég bar allavega virðingu fyrir því að hann kom hreint fram og sagði bara beint út að hann vildi losna við mig. Það er mun betra en þegar þetta gerist á bak við tjöldin og menn eru stungnir í bakið.“ Reynir ræðir í þættinum um erfiða stöðu blaðamanna á Íslandi sem eru óþægilegir við valdhafa vegna smæðar landsins. „Þú ert með menn sem hafa skúbbað feitt, gert mjög góða hluti og verið í eldlínunni, eins og Helgi Seljan og Jóhannes Kr. og fleiri og fleiri. En það er ráðist á þessa menn og þeir verða svona eins konar „persona non grada“ þegar skjólinu sleppir. Segjum nú sem svo að Sjálfstæðisflokknum takist að koma RÚV undir sig og Helgi yrði rekinn, hvert á hann að fara? Jóhannes Kr. hvert á hann að fara þegar hann er búinn að gera umfjöllun sem er vond fyrir valdhafa? Ísland er lítið land og mér leið á tímabili eins og eina leiðin fram hjá þessu væri að eiga fjölmiðilinn sjálfur og á tímabili var ég stærsti einstaki eigandinn á DV.“ Hefur losað sig við hálft tonn Reynir segir frá tímabilinu þegar hann var farinn að óttast um líf sitt vegna offitu og heilsuleysis og ákvað að taka sig í gegn. „Ég er reyndar líklega búinn að létta mig um 500 kíló samanlagt í gegnum tíðina. En þegar ég ákvað að taka mig í gegn fyrir alvöru, þá gerðist það eftir ein áramótin þegar var orðinn 140 kíló. Ég hafði hætt að reykja og bætti í kjölfarið á mig 30 kílóum. Ég átti flottustu pípurnar í bænum og hafði reykt mikið, en ég fór með dóttur minni út í garð og við grófum holu og ég jarðaði pípurnar og við fórum saman með hugvekju um að ég væri hættur að reykja. En í kjölfarið þyngdist ég hratt,“ segir Reynir en þegar hann var búinn að þyngjast um þessi 30 kíló ákvað hann að eina leiðin til að ná árangri væri að gefa út yfirlýsingu opinberlega „Til að halda mér ábyrgum. Ég stofnaði blogg sem hét „báráttan við holdið“ og sagðist ætla á Hvannadalshnjúk eftir eitt ár og svo Mont Blanc í framhaldinu. Að vísu liðu 3 ár þar til ég komst upp á Mont Blanc, en þetta var gæfa mín að gera þetta svona. Síðan 2010 er ég búinn að fara á yfir 2100 tinda. Að vísu er hægt að fara 4 ferðir á toppinn á Úlfarsfellið sama daginn og það telur sem 4 tindar, en ég fór mest 350 fjallgöngur á einu ári. En ég held að þetta sé það sem hafi bjargað mér, af því að ég verð svo manískur þegar ég set mér markmið og geri allt til að standa við það. Mataræðið og lífsstílinn byrjaði að batna samhliða fjallgöngunum. Ég veit ekki hvar ég væri ef ég hefði ekki tekið mig í gegn fyrir tíu árum. Ég var reykingamaður, ég var offitusjúklingur og svo var ég í versta djobbi á Íslandi sem ritstjóri DV með alla streituna sem því fylgdi. Nú hef ég tekið reykingarnar út, létt mig og lét svo reka mig af DV.“ Í þættinum ræða Reynir og Sölvi um sjómennskuna, áratuga feril í fjölmiðlum, hvernig Reynir tók heilsu sína í gegn þegar hann óttaðist um líf sitt og margt fleira. Þáttinn má sjá hér að neðan. Podcast með Sölva Tryggva Mest lesið Borðar ekkert nema kjöt, egg og smjör Lífið „Ég ætla ekki að þegja lengur“ Lífið Chalamet syngur sem Bob Dylan í nýrri stiklu Lífið Sex þúsund tapaðar ljósmyndir komust í leitirnar Lífið Emil og Ása keyptu 330 milljóna einbýli í Fossvogi Lífið Glæsihöll Esterar í Pelsinum til sölu á 470 milljónir Lífið Sól og sæla á Götubitahátíðinni Lífið Nýjasta tíska ferðalanga? Að fljúga berbakt um háloftin Lífið Helvítis kokkurinn: Heilög helvítis þrenna Lífið Umræða um feðraveldi og karlrembu skekur djassbransann Menning Fleiri fréttir Helvítis kokkurinn: Heilög helvítis þrenna „Ég ætla ekki að þegja lengur“ Borðar ekkert nema kjöt, egg og smjör Chalamet syngur sem Bob Dylan í nýrri stiklu Sex þúsund tapaðar ljósmyndir komust í leitirnar Pönnukökur með karamelliseruðum bönunum Förðunarfræðingur sem hræðist drauga Nýjasta tíska ferðalanga? Að fljúga berbakt um háloftin Hildur Sif og Páll Orri ástfangin í Frakklandi Emil og Ása keyptu 330 milljóna einbýli í Fossvogi Sjónskert Barbie lítur dagsins ljós Sól og sæla á Götubitahátíðinni Glæsihöll Esterar í Pelsinum til sölu á 470 milljónir Engin tilviljun að kaffið bragðaðist „eins og skítur“ Bjóða upp á persónuleg hlaupanúmer í Reykjavíkurmaraþoninu Fjárfestir og jógakennari selja 500 fermetra glæsihús í Garðabæ Datt niður stiga tvisvar sinnum sama daginn Fagna tveimur brúðkaupsafmælum á einu ári Kæruleysiskonan slær í gegn á samfélagsmiðlum Mýkt og mínímalismi í Hlíðunum Væri til í bónorð áður en hún deyr Mótandi að hafa alist upp hjá fósturforeldrum „Þetta var augljóslega slys“ Streitulaus heimferð Egils frá Grikklandi breyttist í martröð Leifur og Hugrún orðin foreldrar Fagna afmæli prinsins með nýrri ljósmynd Drengur Ara og Dórótheu kominn með nafn Tanja Ýr á von á barni með breskum hermanni Ritstjóra DV dæmdur ósigur eftir símhringingu „Í dag eru sex ár frá því ég giftist þessum gæja í Verona“ Sjá meira
Reynir Traustason er einn reyndasti blaðamaður Íslandssögunnar hefur ritstýrt fjölmörgum fjölmiðlum og oft komist í fréttir fyrir að lenda upp á kant við fólk vegna fréttaflutnings. Reynir er nýjasti gestur Sölva Tryggvasonar í hlaðvarpi hans. Reynir var rekinn úr Sjálfstæðisflokknum eftir fréttaflutninginn af Árna Johnsen „Ég hef oft verið flokkaður sem ólíkindatól af valdhöfum, sem mér finnst góð einkunn. En ég hef aldrei verið í neinum öðrum flokki en Sjálfstæðisflokknum. Pabbi var í honum og afi, þannig að það var ekki um neitt annað að ræða en að ég væri í Sjálfstæðisflokknum líka. En þeir skráðu mig úr flokknum eftir Árna Johnsen málið. Það er stundum talað um að það sé erfitt að komast úr stjórnmálaflokkum, en ég þurfti að berjast fyrir því að komast aftur inn, af því að ég vildi fá aðgang að hlutum. Sjálfstæðisflokkurinn er með fallega stefnu varðandi einstaklingsframtakið og annað í þeim dúr, en hann hefur ekkert fylgt þeirri stefnu í mörg ár,“ segir Reynir. Hann segir í þættinum frá því þegar hann og Bjössi í World Class hittust nýlega eftir opinberar deilur. Kostaði tíu milljónir „Ef menn hugsa til baka til blaðamanna og ritstjóra sem hafa verið reknir, þá er verðmiðinn á mér 10 milljónir. Bjössi í World Class borgaði 10 milljónir til að komast inn í DV til að geta látið reka mig. Þar með komust andófsöflin í meirihluta og hann sagðist opinberlega vilja losna við mig. Það sem hafði farið verst í hann var hliðarmál vegna Árna Johnsen málsins sem hann tengdist og við fjölluðum um. En við Bjössi hittumst í skötuveislu fyrir ekki svo löngu og það fraus allt þegar við mættumst, svolítið eins og í sögunni um Þyrnirós. En svo féllumst við lauslega í faðma og ég tók eina selfie af okkur og mér þykir vænt um Bjössa eins langt og það nær. Ég bar allavega virðingu fyrir því að hann kom hreint fram og sagði bara beint út að hann vildi losna við mig. Það er mun betra en þegar þetta gerist á bak við tjöldin og menn eru stungnir í bakið.“ Reynir ræðir í þættinum um erfiða stöðu blaðamanna á Íslandi sem eru óþægilegir við valdhafa vegna smæðar landsins. „Þú ert með menn sem hafa skúbbað feitt, gert mjög góða hluti og verið í eldlínunni, eins og Helgi Seljan og Jóhannes Kr. og fleiri og fleiri. En það er ráðist á þessa menn og þeir verða svona eins konar „persona non grada“ þegar skjólinu sleppir. Segjum nú sem svo að Sjálfstæðisflokknum takist að koma RÚV undir sig og Helgi yrði rekinn, hvert á hann að fara? Jóhannes Kr. hvert á hann að fara þegar hann er búinn að gera umfjöllun sem er vond fyrir valdhafa? Ísland er lítið land og mér leið á tímabili eins og eina leiðin fram hjá þessu væri að eiga fjölmiðilinn sjálfur og á tímabili var ég stærsti einstaki eigandinn á DV.“ Hefur losað sig við hálft tonn Reynir segir frá tímabilinu þegar hann var farinn að óttast um líf sitt vegna offitu og heilsuleysis og ákvað að taka sig í gegn. „Ég er reyndar líklega búinn að létta mig um 500 kíló samanlagt í gegnum tíðina. En þegar ég ákvað að taka mig í gegn fyrir alvöru, þá gerðist það eftir ein áramótin þegar var orðinn 140 kíló. Ég hafði hætt að reykja og bætti í kjölfarið á mig 30 kílóum. Ég átti flottustu pípurnar í bænum og hafði reykt mikið, en ég fór með dóttur minni út í garð og við grófum holu og ég jarðaði pípurnar og við fórum saman með hugvekju um að ég væri hættur að reykja. En í kjölfarið þyngdist ég hratt,“ segir Reynir en þegar hann var búinn að þyngjast um þessi 30 kíló ákvað hann að eina leiðin til að ná árangri væri að gefa út yfirlýsingu opinberlega „Til að halda mér ábyrgum. Ég stofnaði blogg sem hét „báráttan við holdið“ og sagðist ætla á Hvannadalshnjúk eftir eitt ár og svo Mont Blanc í framhaldinu. Að vísu liðu 3 ár þar til ég komst upp á Mont Blanc, en þetta var gæfa mín að gera þetta svona. Síðan 2010 er ég búinn að fara á yfir 2100 tinda. Að vísu er hægt að fara 4 ferðir á toppinn á Úlfarsfellið sama daginn og það telur sem 4 tindar, en ég fór mest 350 fjallgöngur á einu ári. En ég held að þetta sé það sem hafi bjargað mér, af því að ég verð svo manískur þegar ég set mér markmið og geri allt til að standa við það. Mataræðið og lífsstílinn byrjaði að batna samhliða fjallgöngunum. Ég veit ekki hvar ég væri ef ég hefði ekki tekið mig í gegn fyrir tíu árum. Ég var reykingamaður, ég var offitusjúklingur og svo var ég í versta djobbi á Íslandi sem ritstjóri DV með alla streituna sem því fylgdi. Nú hef ég tekið reykingarnar út, létt mig og lét svo reka mig af DV.“ Í þættinum ræða Reynir og Sölvi um sjómennskuna, áratuga feril í fjölmiðlum, hvernig Reynir tók heilsu sína í gegn þegar hann óttaðist um líf sitt og margt fleira. Þáttinn má sjá hér að neðan.
Podcast með Sölva Tryggva Mest lesið Borðar ekkert nema kjöt, egg og smjör Lífið „Ég ætla ekki að þegja lengur“ Lífið Chalamet syngur sem Bob Dylan í nýrri stiklu Lífið Sex þúsund tapaðar ljósmyndir komust í leitirnar Lífið Emil og Ása keyptu 330 milljóna einbýli í Fossvogi Lífið Glæsihöll Esterar í Pelsinum til sölu á 470 milljónir Lífið Sól og sæla á Götubitahátíðinni Lífið Nýjasta tíska ferðalanga? Að fljúga berbakt um háloftin Lífið Helvítis kokkurinn: Heilög helvítis þrenna Lífið Umræða um feðraveldi og karlrembu skekur djassbransann Menning Fleiri fréttir Helvítis kokkurinn: Heilög helvítis þrenna „Ég ætla ekki að þegja lengur“ Borðar ekkert nema kjöt, egg og smjör Chalamet syngur sem Bob Dylan í nýrri stiklu Sex þúsund tapaðar ljósmyndir komust í leitirnar Pönnukökur með karamelliseruðum bönunum Förðunarfræðingur sem hræðist drauga Nýjasta tíska ferðalanga? Að fljúga berbakt um háloftin Hildur Sif og Páll Orri ástfangin í Frakklandi Emil og Ása keyptu 330 milljóna einbýli í Fossvogi Sjónskert Barbie lítur dagsins ljós Sól og sæla á Götubitahátíðinni Glæsihöll Esterar í Pelsinum til sölu á 470 milljónir Engin tilviljun að kaffið bragðaðist „eins og skítur“ Bjóða upp á persónuleg hlaupanúmer í Reykjavíkurmaraþoninu Fjárfestir og jógakennari selja 500 fermetra glæsihús í Garðabæ Datt niður stiga tvisvar sinnum sama daginn Fagna tveimur brúðkaupsafmælum á einu ári Kæruleysiskonan slær í gegn á samfélagsmiðlum Mýkt og mínímalismi í Hlíðunum Væri til í bónorð áður en hún deyr Mótandi að hafa alist upp hjá fósturforeldrum „Þetta var augljóslega slys“ Streitulaus heimferð Egils frá Grikklandi breyttist í martröð Leifur og Hugrún orðin foreldrar Fagna afmæli prinsins með nýrri ljósmynd Drengur Ara og Dórótheu kominn með nafn Tanja Ýr á von á barni með breskum hermanni Ritstjóra DV dæmdur ósigur eftir símhringingu „Í dag eru sex ár frá því ég giftist þessum gæja í Verona“ Sjá meira