10 staðreyndir í tilefni Valentínusardagsins

Valentínusardagurinn hefur verið haldinn hátíðlegur síðan einhvern tíman á 14. öld. Valentínusardagurinn á uppruna sinn í Evrópu en síðar virðast Bandaríkjamenn hafa verið einna iðnastir við að halda uppi merkjum þessa dags. Hefðir í kringum daginn, sem að nokkru leyti hefur rekið á fjörur Íslendinga, virðast samkvæmt Vísindavefnum ekkert hafa að gera með dýrlingana sem báru nafnið Valentínus.

Í tilefni dags elskenda höfum við tekið saman nokkrar áhugaverðar staðreyndir.

1. Einstaklingar eyða að meðaltali 20.160 mínútum ævi sinnar í kossa. Það eru samtals tvær vikur.
2. Á Valentínusardaginn árið 2010, tóku 39.897 einstaklingar þátt í því að slá heimsmetið með fjölmennasta hópkossi allra tíma, samkvæmt síðunni Fact retriever.
3. Lengsti hópkoss allra tíma átti sér aftur á móti stað í Tælandi árið 2013. Níu pör tóku þátt í keppninni . Samkvæmt Heimsmetabók Guinness kysstust sigurvegararnir í 58 klukkustundir, 35 mínútur og 58 sekúndur.
4. Kossar og að leiða einhvern getur lækkað blóðþrýstinginn og dregið úr streitu.
5. Richard Cadbury gerði fyrsta hjartalaga súkkulaðikassann sem vitað er um. Hann bjó til fallegt hjartalaga konfektbox árið 1867 og var því mikill frumkvöðull. Nú seljast hjartalaga box full af súkkulaði í gámatali um allan heim á Valentínusardaginn.
6. Þú notar aðeins tvo vöðva til að smella litlum kossi á einhvern á valentínusardaginn en ef þú ferð í sleik, betur þekktur sem franskur koss, þá notar þú alla 34 vöðvana í andlitinu.
7. Fyrir þá sem eru að telja kaloríur og spá mikið í hreyfingu, þá er hægt að brenna um það bil 26 hitaeiningum á mínútu með því að kyssa einhvern í dag.
8. Valentínusardagurinn er vinsælasti dagur ársins til þess að fara á skeljarnar. Enginn dagur toppar 14. febrúar þegar kemur að trúlofunum.
9. Elsta par í heimi til að gifta sig voru þau George Kirby og Doreen Kirby sem gengu í það heilaga árið 2015, hann 103 ára en hún 91 áras og 280 daga.
10. Vinsælasta blómið á Valentínusardaginn er stök rauð rós. Það er því algjör óþarfi að kaupa stóran eða dýran vönd fyrir elskuna sína. Rauð rós segir allt sem þarf.

Gleðilegan Valentínusardag!