Fimm í röð eru flottari en fjórir Tómas Þór Þórðarson skrifar 6. maí 2017 07:00 Jón Arnór Stefánsson og Thelma Dís Ágústsdóttir með verðlaunin sín fyrir að vera bestu leikmenn tímabilsins. Fréttablaðið/Eyþór „Ég er gríðarlega stoltur,“ sagði Jón Arnór Stefánsson, besti körfuboltamaður þjóðarinnar, eftir að hann var útnefndur besti leikmaður Domino’s-deildar karla á uppgjöri Körfuknattleikssambandsins í gær en það eru leikmenn, þjálfarar og forráðamenn liðanna sem kjósa ásamt sérstakri dómnefnd skipaðri fagmönnum. Thelma Dís Ágústsdóttir, 18 ára gamall leikmaður Íslandsmeistara Keflavíkur, var útnefnd besti leikmaður Domino’s-deildar kvenna en hún átti frábæra leiktíð með Suðurnesjaliðinu sem fór alla leið bæði í deild og bikar. Keflavíkurstúlkur sópuðu að sér verðlaunum en Birna Valgerður Benónýsdóttir var besti ungi leikmaðurinn og Salbjörg Ragna Sævarsdóttir besti varnarmaðurinn. KR-ingar áttu besta leikmanninn og besta unga líkt og Keflavík í kvennakörfunni en Þórir Guðmundur Þorbjarnarson var útnefndur besti ungi leikmaður tímabilsins hjá körlunum.Starfið hjá KR það flottasta „Ég hélt nú að menn þyrftu að spila allt tímabilið til að vinna svona titil en þetta eru kannski verðlaun fyrir KR-liðið og hvernig við stóðum okkur í ár. Það þarf einhver að taka við þessum verðlaunum,“ sagði Jón Arnór kíminn með verðlaunin í höndunum en hann fór ekki af stað fyrr en eftir áramót vegna meiðsla. Jón kom heim síðasta sumar og samdi við uppeldisfélagið en hann stóð uppi sem Íslands- og bikarmeistari í lok vetrar. „Að vinna fjóra titla í röð er rosalegur áfangi. Þetta verður erfitt að toppa. Starfið sem KR er að vinna í körfunni er það flottasta á landinu í dag og við munum halda áfram að byggja ofan á þetta. Það er mikilvægt að stjórnin og liðið slaki ekki á heldur haldi áfram að bæta ofan á þetta,“ sagði Jón Arnór, en hver er stefnan næsta vetur? „Mér finnst fimm titlar vera meiri yfirlýsing en fjórir titlar. Ég segi bara að framtíðin er björt í KR og svo er Benni Gumm kominn aftur heim. Það sýnir metnaðinn í vesturbænum. Ég er persónulega mjög ánægður að fá hann aftur heim. Hann ól mig upp í körfuboltanum og það er mikill fengur að fá hann. Framtíðin er björt og tímabilið æðislegt í alla staði. Ég hlakka til að takast á við næsta verkefni í vetur.“Vill gera betur en mamma Jón Arnór er 34 ára og fer að líða undir lok hans ferils. Ferill Thelmu Dís Ágústsdóttur er aftur á móti rétt að byrja. Þessi gríðarlega hæfileikaríka stúlka var besti ungi leikmaðurinn í fyrra en nú best allra í deildinni. „Við stóðum okkur ótrúlega vel í vetur, allar sem lið og þetta er það sem við erum að uppskera,“ segir Thelma en Keflavíkurliðið sópaði að sér verðlaunum í gær og vann allt sem í boði var. „Árangurinn sem við höfum náð er vonum framar. Við vissum alveg hversu góðar við erum en við bjuggumst ekki alveg við þessum árangri í vetur. Allavega ekki ég. Þetta er alveg æðislegt,“ segir Thelma. Litlar líkur eru á að sú besta spili í Domino’s-deildinni á næstu leiktíð þar sem bandarískir háskólar eru byrjaðir að hafa samband og það er eitthvað sem heillar Suðurnesjastúlkuna. „Ég er að skoða skóla úti núna og það kemur í ljós fljótlega. Mig langar að prófa þetta. Ég er búin að vera í sambandi við nokkra skóla úti. Ég er samt ekki alveg viss sjálf hvernig þetta fer,“ segir Thelma Dís. Thelma Dís er dóttir Bjargar Hafsteinsdóttur, bestu skyttu í sögu kvennakörfuboltans, en hún vann fjölda titla með gullaldarliði Keflavíkur á árum áður. Björg var einnig kjörin besti leikmaður tímabilsins árið 1990 og nú 27 árum seinna fetar dóttirin í fótspor hennar. Fyrst Thelma er byrjuð að vinna titla með ungu liði Keflavíkur og hefur verið kosin best einu sinni, er ekki stefnan að vinna fleiri verðlaun en mamma? „Jú, af hverju ekki?“ segir Thelma. Dominos-deild karla Mest lesið Ricciardo tapar sæti sínu hjá RB Formúla 1 Viktor Gísli öflugur gegn PSG Handbolti Samherji Stefáns Teits kærður fyrir meint bit Enski boltinn Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Dagskráin í dag: Körfuboltakvöld, Karólína Lea og mun meira Sport Birkir á leið til Vals á nýjan leik Íslenski boltinn Andri Már spilaði stóran þátt í sigri Leipzig Handbolti Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira
„Ég er gríðarlega stoltur,“ sagði Jón Arnór Stefánsson, besti körfuboltamaður þjóðarinnar, eftir að hann var útnefndur besti leikmaður Domino’s-deildar karla á uppgjöri Körfuknattleikssambandsins í gær en það eru leikmenn, þjálfarar og forráðamenn liðanna sem kjósa ásamt sérstakri dómnefnd skipaðri fagmönnum. Thelma Dís Ágústsdóttir, 18 ára gamall leikmaður Íslandsmeistara Keflavíkur, var útnefnd besti leikmaður Domino’s-deildar kvenna en hún átti frábæra leiktíð með Suðurnesjaliðinu sem fór alla leið bæði í deild og bikar. Keflavíkurstúlkur sópuðu að sér verðlaunum en Birna Valgerður Benónýsdóttir var besti ungi leikmaðurinn og Salbjörg Ragna Sævarsdóttir besti varnarmaðurinn. KR-ingar áttu besta leikmanninn og besta unga líkt og Keflavík í kvennakörfunni en Þórir Guðmundur Þorbjarnarson var útnefndur besti ungi leikmaður tímabilsins hjá körlunum.Starfið hjá KR það flottasta „Ég hélt nú að menn þyrftu að spila allt tímabilið til að vinna svona titil en þetta eru kannski verðlaun fyrir KR-liðið og hvernig við stóðum okkur í ár. Það þarf einhver að taka við þessum verðlaunum,“ sagði Jón Arnór kíminn með verðlaunin í höndunum en hann fór ekki af stað fyrr en eftir áramót vegna meiðsla. Jón kom heim síðasta sumar og samdi við uppeldisfélagið en hann stóð uppi sem Íslands- og bikarmeistari í lok vetrar. „Að vinna fjóra titla í röð er rosalegur áfangi. Þetta verður erfitt að toppa. Starfið sem KR er að vinna í körfunni er það flottasta á landinu í dag og við munum halda áfram að byggja ofan á þetta. Það er mikilvægt að stjórnin og liðið slaki ekki á heldur haldi áfram að bæta ofan á þetta,“ sagði Jón Arnór, en hver er stefnan næsta vetur? „Mér finnst fimm titlar vera meiri yfirlýsing en fjórir titlar. Ég segi bara að framtíðin er björt í KR og svo er Benni Gumm kominn aftur heim. Það sýnir metnaðinn í vesturbænum. Ég er persónulega mjög ánægður að fá hann aftur heim. Hann ól mig upp í körfuboltanum og það er mikill fengur að fá hann. Framtíðin er björt og tímabilið æðislegt í alla staði. Ég hlakka til að takast á við næsta verkefni í vetur.“Vill gera betur en mamma Jón Arnór er 34 ára og fer að líða undir lok hans ferils. Ferill Thelmu Dís Ágústsdóttur er aftur á móti rétt að byrja. Þessi gríðarlega hæfileikaríka stúlka var besti ungi leikmaðurinn í fyrra en nú best allra í deildinni. „Við stóðum okkur ótrúlega vel í vetur, allar sem lið og þetta er það sem við erum að uppskera,“ segir Thelma en Keflavíkurliðið sópaði að sér verðlaunum í gær og vann allt sem í boði var. „Árangurinn sem við höfum náð er vonum framar. Við vissum alveg hversu góðar við erum en við bjuggumst ekki alveg við þessum árangri í vetur. Allavega ekki ég. Þetta er alveg æðislegt,“ segir Thelma. Litlar líkur eru á að sú besta spili í Domino’s-deildinni á næstu leiktíð þar sem bandarískir háskólar eru byrjaðir að hafa samband og það er eitthvað sem heillar Suðurnesjastúlkuna. „Ég er að skoða skóla úti núna og það kemur í ljós fljótlega. Mig langar að prófa þetta. Ég er búin að vera í sambandi við nokkra skóla úti. Ég er samt ekki alveg viss sjálf hvernig þetta fer,“ segir Thelma Dís. Thelma Dís er dóttir Bjargar Hafsteinsdóttur, bestu skyttu í sögu kvennakörfuboltans, en hún vann fjölda titla með gullaldarliði Keflavíkur á árum áður. Björg var einnig kjörin besti leikmaður tímabilsins árið 1990 og nú 27 árum seinna fetar dóttirin í fótspor hennar. Fyrst Thelma er byrjuð að vinna titla með ungu liði Keflavíkur og hefur verið kosin best einu sinni, er ekki stefnan að vinna fleiri verðlaun en mamma? „Jú, af hverju ekki?“ segir Thelma.
Dominos-deild karla Mest lesið Ricciardo tapar sæti sínu hjá RB Formúla 1 Viktor Gísli öflugur gegn PSG Handbolti Samherji Stefáns Teits kærður fyrir meint bit Enski boltinn Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Dagskráin í dag: Körfuboltakvöld, Karólína Lea og mun meira Sport Birkir á leið til Vals á nýjan leik Íslenski boltinn Andri Már spilaði stóran þátt í sigri Leipzig Handbolti Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira