Enginn fær Express

Iceland Express hefur verið tekið úr sölumeðferð hjá KB banka samkvæmt upplýsingum frá bankanum.

Örvar Kærnested hjá fyrirtækjaráðgjöf KB banka segir að töluverður áhugi hafi verið fyrir Iceland Express og hefði verið lítið mál að selja félagið á fínu verði. Mikill viðsnúningur varð á rekstri Iceland Express á síðasta ári. Hagnaður varð af rekstri félagsins og búast stjórnendur við því að hann verði fjórfalt meiri á þessu ári eða um 600 milljónir króna.