Morrissey reiður út í Simpsons: „Hvar eru lögin sem vernda mig?“ Kjartan Kjartansson skrifar 20. apríl 2021 11:37 Lisa SImpson með Quilloughby sem er að hluta til byggður á enska söngvaranum Morrissey. Fox/Matt Groening Breski söngvarinn Morrissey sakar aðstandendur bandarísku teiknimyndaþáttanna um Simpson-fjölskylduna um „hatur“ í sinn garð eftir að gert var grín að honum í nýjum þætti. Handritshöfundur þáttarins hefur þó sagt að persónan sem fór fyrir brjóstið á söngvaranum sé ekki eingöngu byggð á honum. Þátturinn „Skelfing á strætum Springfield“ var frumsýndur vestanhafs á sunnudagskvöld. Titill þáttarins er vísun í þekkt lag með hljómsveitinni The Smiths sem Morrissey var í forsvari fyrir á 9. áratug síðustu aldar. Í honum verður Lisa Simpson æstur aðdáandi hljómsveitar sem kallast Snuffs og vingast við Quilloughby, forsprakka hennar, sem er ungur, þunglyndur breskur söngvari frá 9. áratugnum. Enski leikarinn Benedict Cumberbatch ljær persónunni rödd sína sem ber töluverð líkindi við Morrissey, að sögn The Guardian. Þannig er persónan grænkeri og skartar svipaðri hárgreiðslu og enski söngvarinn. Quilloughby reynist síðan aðeins afsprengi ímyndunarafls Lisu þegar hann ummyndast skyndilega í guggna og gráa kjötætu í yfirþyngd sem er uppsigað við innflytjendur. Morrissey hefur á síðari árum fælt frá sér fjölda aðdáenda sinna með daðri við hvíta þjóðernishyggju í Bretlandi. Hann hefur meðal annars tekið sér stöðu með stofnanda hægriöfgahreyfingarinnar Enska varnarbandalagsins (EDL) og hægriöfgaflokkinum Fyrir Bretland. Í tístinu hér fyrir neðan má sjá mynd af persónu Morrissey í þættinum eftir að hún afhjúpar sig fyrir Lisu. I feel bad for the other Snuffs. But on some level they knew this might happen, though. @TheSimpsons pic.twitter.com/G59RYT6l2B— Matt Selman (@mattselman) April 19, 2021 Höfundarnir haldnir „rasisma“ í garð Morrissey Söngvarinn virðist ekki hafa húmor fyrir sjálfum sér. Í langri yfirlýsingu sagði hann „hatrið“ á sér í þættinum bjóða upp á málsókn sem hann hefði þó ekki efni á. „Í heimi sem er með þráhyggju fyrir haturslögum eru engin til sem vernda mig…tjáningarfrelsið er ekki lengur til,“ sagði Morrissey í yfirlýsingu sinni. Hann hefur í gegnum tíðin barmað sér undan því að vera kallaður rasisti vegna skoðana sinna á innflytjendum og talað fjálglega um að orðið hafi enga merkingu lengur. Umboðsmaður Morrissey gekk enn lengra í eigin yfirlýsingu þar sem hann sakaði höfunda Simpson-fjölskyldunnar um „rasisma“ í garð söngvarans. Kvartaði hann undan því að persóna Morrissey væri sýnd sem feit og lýst sem rasista án rökstuðnings. Sakaði umboðsmaðurinn höfunda Simpson-fjölskyldunnar ennfremur um hræsni í ljósi þess að Hank Azaria, leikari við þáttinn til áratuga, bað Indverja nýlega afsökunar á að hafa leikið persónuna Apú og viðhaldið þannig kerfislægri kynþáttahyggju. Tim Long, höfundur handrits þáttarins um „Morrissey“ sagði nýlega að persónan væri ekki eingöngu byggð á Morrissey. Í honum gætti einnig áhrifa frá Ian Curtis, söngvara Joy Division og ýmissa annarra. Morrissey sýnir það sem gæti verið hugur hans til höfunda Simpson-fjölskyldunnar á tónleikum.Vísir/EPA Bandaríkin Bretland Tónlist Mest lesið „Ég ætla ekki að þegja lengur“ Lífið Borðar ekkert nema kjöt, egg og smjör Lífið Chalamet syngur sem Bob Dylan í nýrri stiklu Lífið Helvítis kokkurinn: Heilög helvítis þrenna Lífið Sex þúsund tapaðar ljósmyndir komust í leitirnar Lífið Glæsihöll Esterar í Pelsinum til sölu á 470 milljónir Lífið Emil og Ása keyptu 330 milljóna einbýli í Fossvogi Lífið Nýjasta tíska ferðalanga? Að fljúga berbakt um háloftin Lífið Sól og sæla á Götubitahátíðinni Lífið Umræða um feðraveldi og karlrembu skekur djassbransann Menning Fleiri fréttir „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
Þátturinn „Skelfing á strætum Springfield“ var frumsýndur vestanhafs á sunnudagskvöld. Titill þáttarins er vísun í þekkt lag með hljómsveitinni The Smiths sem Morrissey var í forsvari fyrir á 9. áratug síðustu aldar. Í honum verður Lisa Simpson æstur aðdáandi hljómsveitar sem kallast Snuffs og vingast við Quilloughby, forsprakka hennar, sem er ungur, þunglyndur breskur söngvari frá 9. áratugnum. Enski leikarinn Benedict Cumberbatch ljær persónunni rödd sína sem ber töluverð líkindi við Morrissey, að sögn The Guardian. Þannig er persónan grænkeri og skartar svipaðri hárgreiðslu og enski söngvarinn. Quilloughby reynist síðan aðeins afsprengi ímyndunarafls Lisu þegar hann ummyndast skyndilega í guggna og gráa kjötætu í yfirþyngd sem er uppsigað við innflytjendur. Morrissey hefur á síðari árum fælt frá sér fjölda aðdáenda sinna með daðri við hvíta þjóðernishyggju í Bretlandi. Hann hefur meðal annars tekið sér stöðu með stofnanda hægriöfgahreyfingarinnar Enska varnarbandalagsins (EDL) og hægriöfgaflokkinum Fyrir Bretland. Í tístinu hér fyrir neðan má sjá mynd af persónu Morrissey í þættinum eftir að hún afhjúpar sig fyrir Lisu. I feel bad for the other Snuffs. But on some level they knew this might happen, though. @TheSimpsons pic.twitter.com/G59RYT6l2B— Matt Selman (@mattselman) April 19, 2021 Höfundarnir haldnir „rasisma“ í garð Morrissey Söngvarinn virðist ekki hafa húmor fyrir sjálfum sér. Í langri yfirlýsingu sagði hann „hatrið“ á sér í þættinum bjóða upp á málsókn sem hann hefði þó ekki efni á. „Í heimi sem er með þráhyggju fyrir haturslögum eru engin til sem vernda mig…tjáningarfrelsið er ekki lengur til,“ sagði Morrissey í yfirlýsingu sinni. Hann hefur í gegnum tíðin barmað sér undan því að vera kallaður rasisti vegna skoðana sinna á innflytjendum og talað fjálglega um að orðið hafi enga merkingu lengur. Umboðsmaður Morrissey gekk enn lengra í eigin yfirlýsingu þar sem hann sakaði höfunda Simpson-fjölskyldunnar um „rasisma“ í garð söngvarans. Kvartaði hann undan því að persóna Morrissey væri sýnd sem feit og lýst sem rasista án rökstuðnings. Sakaði umboðsmaðurinn höfunda Simpson-fjölskyldunnar ennfremur um hræsni í ljósi þess að Hank Azaria, leikari við þáttinn til áratuga, bað Indverja nýlega afsökunar á að hafa leikið persónuna Apú og viðhaldið þannig kerfislægri kynþáttahyggju. Tim Long, höfundur handrits þáttarins um „Morrissey“ sagði nýlega að persónan væri ekki eingöngu byggð á Morrissey. Í honum gætti einnig áhrifa frá Ian Curtis, söngvara Joy Division og ýmissa annarra. Morrissey sýnir það sem gæti verið hugur hans til höfunda Simpson-fjölskyldunnar á tónleikum.Vísir/EPA
Bandaríkin Bretland Tónlist Mest lesið „Ég ætla ekki að þegja lengur“ Lífið Borðar ekkert nema kjöt, egg og smjör Lífið Chalamet syngur sem Bob Dylan í nýrri stiklu Lífið Helvítis kokkurinn: Heilög helvítis þrenna Lífið Sex þúsund tapaðar ljósmyndir komust í leitirnar Lífið Glæsihöll Esterar í Pelsinum til sölu á 470 milljónir Lífið Emil og Ása keyptu 330 milljóna einbýli í Fossvogi Lífið Nýjasta tíska ferðalanga? Að fljúga berbakt um háloftin Lífið Sól og sæla á Götubitahátíðinni Lífið Umræða um feðraveldi og karlrembu skekur djassbransann Menning Fleiri fréttir „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira