Það verður barist um heimvallarréttinn, síðustu sætin í úrslitakeppninni og um að sleppa við fallið þegar lokaumferð Domino´s deildar karla í körfubolta fer fram í kvöld.
Vísir hefur farið yfir mögulega sætaskipan liðanna tólf eftir þetta kvöld og hér á eftir má finna bestu og verstu úrslitin fyrir hvert og eitt lið sem eru að berjast um eitthvað í 22. umferðinni.
Það er ljóst að Keflavík, Þór Þorlákshöfn og Stjarnan enda í þremur efstu sætunum og það breytist ekki neitt. Við þurfum því ekkert að velta fyrir okkur hvað gerist hjá þeim þótt þau geti öll haft áhrif á lokastöðu annarra liða.
Yfirlit yfir liðin og sætin sem þau geta lent í:
- Keflavík - 1. sæti
- Þór Þorlákshöfn - 2. sæti
- Stjarnan - 3. sæti
- KR - 4. til 6. sæti
- Grindavík - 4. til 6. sæti
- Valur - 4. til 6. sæti
- Tindastóll - 7. til 10. sæti
- Þór Akureyri - 7. til 9. sæti
- Njarðvík - 7. til 11. sæti
- ÍR - 7. til 10. sæti
- Höttur - 10. til 11. sæti
- Haukar - 12. sæti
Við skoðum fyrst baráttuna um fjórða sætið og þar sem heimavallarrétt í átta liða úrslitum úrslitakeppninnar. Það eru lið KR, Grindavíkur og Vals sem eiga möguleika á því að ná því.
-
- KR -
- Bestu úrslitin: 4. sæti
- Ef KR vinnur ÍR og Grindvíkingar vinna Val.
- Verstu úrslitin: 6. sæti
- Ef Grindavíkur vinnur Val og KR tapar sínum leik á móti ÍR.
- +
- - Grindavík -
- Bestu úrslitin: 4. sæti
- Ef Grindavík vinnur Val og KR tapar á móti ÍR
- Verstu úrslitin: 6. sæti
- Ef Grindavík tapar á móti Val
- +
- - Valur -
- Bestu úrslitin: 4. sæti
- Ef Valur vinnur Grindavík
- Verstu úrslitin: 6. sæti
- Ef Valur tapar á móti Grindavík og KR vinnur ÍR.
Liðin hér að ofan eru öll örugg með sæti í úrslitakeppninni í ár en þegar er komið niður fyrir sjötta sætið þá er mikil barátta um tvö síðustu sætin inn í úrslitakeppnina. Fjögur lið eiga möguleika á að ná þeim en það eru Tindastóll, Þór Akureyri, Njarðvík og ÍR.
-
- Tindastóll -
- Bestu úrslitin: 7. sæti
- Með sigri á Stjörnunni þá tryggja Tindastólsmenn sér sjöunda sætið.
- Verstu úrslitin: 10. sæti
- Tindastólsmenn geta endað í 10. sæti og það eru ágætar líkur á því að þeir missi af úrslitakeppninni ef þeir ná ekki að vinna Stjörnuna. Ef Tindastóll, Þór Ak., Njarðvík og ÍR enda öll jöfn þá endar Tindastóll í 10. sæti. Þeir lenda líka í 10. sætinu ef Þór vinnur sinn leik á móti Haukum og Stólarnir verða jafnir Njarðvík og ÍR. Tindastóll myndi líka missa af úrslitakeppninni en þeir verða jafnir Þór Akureyri og ÍR í sætum sjö, átta og níu.
- +
- - Þór Akureyri -
- Bestu úrslitin: 7. sæti
- Með sigri á Haukum á sama tíma og Tindastóll tapar á móti Stjörnunni. Þórsarar kæmust hins vegar líka inn í úrslitakeppni (8. sæti) þó þeir tapi sínum leik ef Njarðvík og Tindastóll myndu tapa líka. Þórsarar yrðu þá jafnir ÍR og Tindastól í 7. til 9. sæti en yrðu þá í áttunda sæti á eftir ÍR og á undan Tindastól sem yrða að sætta sig við 10. sætið.
- Verstu úrslitin: 9. sæti
- Þórsarar missa af úrslitakeppninni ef þeir tapa á móti Haukum og þeir verða jafnir ÍR og Njarðvík að stigum. Þá skiptir ekki máli hvort Tindastóll verði með í pakkanum eða ekki.
- +
- - Njarðvík -
- Bestu úrslitin: 7. sæti
- Ef Njarðvík vinnur Þór Þorlákshöfn, ÍR vinnur KR og Tindastóll og Þór Akureyri tapa sínum leikjum. Njarðvík stendur best ef þessi fjögur lið enda jöfn. Njarðvík kæmist líka inn í úrslitakeppnina (8. sæti) með sigri ef bara annað hvort Tindastóll og Þór Akureyri vinna sinn leik.
- Verstu úrslitin: 11. sæti
- Njarðvík fellur ef liðið tapar á móti Þór Þorlákshöfn á sama tíma og Höttur vinnur Keflavík. Þá yrðu Höttur og Njarðvík jöfn í 10. og 11. sæti en Höttur endaði ofar á innbyrðis leikjum.
- +
- - ÍR -
- Bestu úrslitin: 7. sæti
- ÍR vinnur KR á sama tíma og Njarðvík, Tindastóll og Þór Akureyri tapa öll. ÍR, Þór Akureyri og Tindastóll yrðu þá jöfn í 7. til 9. sæti en ÍR-ingar væru bestir innbyrðis. ÍR næði áttunda og síðasta sætinu í úrslitakeppnina ef þeir enda með jafnmörg stig og Njarðvík, Tindastóll og Þór Akureyri.
- Verstu úrslitin: 10. sæti
- ÍR-ingar enda í 10. sæti ef þeir tapa en þeir gætu líka endað þar þrátt fyrir sigur. Ef ÍR endar með jafnmörg stig og Þór Ak. og Njarðvík þá verða Breiðhyltingar neðstir. Þannig gæti ÍR unnið KR en ef Tindastóll vinnur sinn leik, Njarðvík vinnur sinn leik og Þór Akureyri tapar þá kæmust ÍR-ingar ekki upp úr 10. sætinu.
Að lokum er það fallbaráttan. Haukarnir eru fallnir en bæði Höttur og Njarðvík geta farið niður með þeim. Höttur er samt í mun verri stöðu en Njarðvík.
- - Höttur -
- Bestu úrslitin: 10. sæti
- Ef Höttur vinnur Keflavík á sama tíma og Njarðvík tapar
- Verstu úrslitin: 11. sæti
- Ef Höttur tapar á móti Keflavík
Leikur Vals og Grindavíkur verður sýndur beint á Stöð 2 Sport 4 en þá verða einnig Domino´s Tilþrifin á vaktinni á Stöð 2 Sport þar sem skipt verður á milli valla þar sem spennan er mest. Dominos Körfuboltakvöld mun síðan gera upp lokaumferðina annað kvöld.
Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
