„Fer á leikana með gífurlega háar kröfur á sjálfan mig“ Sindri Sverrisson skrifar 1. júní 2021 12:30 Anton Sveinn McKee ætlar sér stóra hluti í Tókýó. Getty/Andy Lyons Anton Sveinn McKee ætlar sér að synda á næstbesta tíma sögunnar, í 200 metra bringusundi á Ólympíuleikunum í Tókýó. Það ætti að skila honum verðlaunum, jafnvel fyrsta ólympíugulli Íslendinga. „Ég get ekki stjórnað því hvað aðrir gera svo markmiðin mín snúast að tímum. Markmiðið mitt er að synda á 2:06,50, sem er þá annar besti tími í sögunni. Það er stærsta markmiðið mitt og ef allt gengur upp veit ég að ég get verið á þessum tíma, og það ætti vonandi að geta skilað mjög sterkum árangri. Hvort það skilar verðlaunapeningi eða ekki verður bara að koma í ljós. Auðvitað dreymir mann um verðlaun en markmiðið mitt er að ná þessum góða tíma,“ segir Anton Sveinn. Einn í sögunni synt á tímanum sem Anton stefnir á Heimsmeistarinn Anton Chupkov er sigurstranglegastur í 200 metra bringusundi á leikunum. Hann er 24 ára gamall og vann brons á Ólympíuleikunum í Ríó 2016. Öfugt við hinn íslenska nafna sinn á Chupkov reyndar ekki möguleika á að fá að standa efst á verðlaunapalli og hlýða á sinn þjóðsöng í Tókýó 29. júlí. Þeir rússnesku keppendur sem fá að taka þátt á leikunum gera það sem „hlutlausir“ keppendur, undir fána rússneska ólympíusambandsins, vegna hins mikla lyfjahneykslis þar í landi. Chupkov er sá eini í heiminum sem synt hefur 200 metra bringusund á innan við 2:06,50 mínútum. Stóra markmiðið hans Antons Sveins er að synda undir þeim tíma og að því hefur hann unnið hörðum höndum, þó að undirbúningurinn hafi alls ekki gengið þrautalaust eins og Anton talaði um við Vísi. Heimsmetið hans Chupkov er 2:06,12 en þegar hann varð Evrópumeistari í síðasta mánuði synti hann á 2:06,99. Íslandsmet Antons Sveins frá 2015 er 2:10,21 og ljóst að hann setur markið mjög hátt, reynslunni ríkari eftir að hafa þegar farið á tvenna Ólympíuleika; í London 2012 og Ríó 2016. „Ég fór á mína fyrstu Ólympíuleika fyrst og fremst bara sem þátttakandi. Núna fer ég á leikana með gífurlega háar kröfur á sjálfan mig, og markmið um að komast í úrslit og vel það,“ segir hinn 27 ára gamli Anton Sveinn. Alltaf dreymt um að sjá fánann fara upp og hlusta á þjóðsönginn Í sundi á Ólympíuleikum synda þeir bestu þrjú sund í hverri grein. Þeir þurfa að komast í gegnum undanrásir og svo 16 manna undanúrslit til að komast í úrslitasundið, þar sem átta keppendur synda. Anton varð í 18. sæti í 200 metra bringusundi á Ólympíuleikunum í Ríó, sem voru honum mikil vonbrigði, en núna ætlar hann í úrslit og synda þar á tíma sem gæti vel dugað til verðlauna: „Til að ná þannig árangri þarf sundíþróttin að vera það eina sem maður sinnir, og til þess þarf maður stuðning. Þess vegna er erfitt að taka ákvörðun um að halda áfram þegar maður er alltaf röngu megin við núllið þegar búið er að fara í gegnum allar kvittanir. Maður gerir þetta ekki fyrir gróða heldur til að skara fram úr fyrir Íslands hönd á stærsta sviðinu. Það hefur alltaf verið draumurinn – að synda til sigurs á stórmóti, standa efst á verðlaunapalli og sjá fánann fara upp og hlusta á þjóðsönginn.“ Anton Sveinn McKee á Ólympíuleikunum í Ríó fyrir tæpum fimm árum. Þar varð hann að sætta sig við 18. sæti í 200 metra bringusundi og rétt missti af sæti í undanúrslitum.EPA/PATRICK B. KRAEMER Vonast til þess að komast í æfingabúðir í Tókýó Anton mun ekki keppa á fleiri mótum þá tæpu tvo mánuði sem eru fram að keppni í Tókýó. Hann er við æfingar í Virginíu í Bandaríkjunum en vonast til að komast í æfingabúðir í Japan eða annars staðar í Asíu í aðdraganda leikanna. „Það er ekki víst hvort að það verður eitthvað af æfingabúðunum sem ég ætlaði að vera í fyrir leikana, vegna stöðu kórónuveirufaraldursins í Japan. Við ætluðum að vera þarna nálægt Tókýó. Vonandi verða þær æfingabúðir svo ég geti mætt í þær, 2-3 vikum fyrir leikana, og æft í tímabeltinu sem ég er að fara að keppa í. Ég verð í æfingabúðum með þjálfaranum mínum, sem fer fyrir hönd Egyptalands, en hann þjálfaði Singapúr áður svo við verðum með því landsliði líka. Ég má svo mæta í ólympíuþorpið örfáum dögum fyrir keppni og fimm dögum eftir keppni þarf maður að vera farinn. Næstu vikur mun ég fínpússa allt. Ég er enn í þungum sund- og lyftingaæfingum núna en hætti að lyfta 3-4 vikum fyrir keppni til að „hvíla“ líkamann til að ná hámarksárangri á leikunum,“ segir fremsti sundmaður þjóðarinnar og eini íslenski íþróttamaðurinn sem tryggt hefur sér farseðilinn til Tókýó. Sund Ólympíuleikar 2020 í Tókýó Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Fyrsti svarti dómarinn í ensku úrvalsdeildinni lærir að ganga á ný Enski boltinn Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Fleiri fréttir Í beinni: ÍR - Grótta | Komið að kveðjustund? Í beinni: Stjarnan - ÍR | Rifjast upp gamall rígur? Í beinni: Chelsea - Tottenham | Mikið í húfi hjá heimamönnum Í beinni: Njarðvík - Álftanes | Fyrsti dans í Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum Lífsferill íþróttamannsins: Eldur kviknar „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Var með skýrar reglur um eiginkonur bræðranna Skoraði fyrir látinn litla bróður sinn Ellefu Íslendingar hluti af hinu eftirsótta eina prósenti í CrossFit heiminum Stuðningsmenn Chelsea og Man. City þurfa að afhenda lögreglu vegabréf sín Dagskráin: Stúkan hitar upp fyrir sumarið og úrslitakeppnin í Bónus karla Sjá meira
„Ég get ekki stjórnað því hvað aðrir gera svo markmiðin mín snúast að tímum. Markmiðið mitt er að synda á 2:06,50, sem er þá annar besti tími í sögunni. Það er stærsta markmiðið mitt og ef allt gengur upp veit ég að ég get verið á þessum tíma, og það ætti vonandi að geta skilað mjög sterkum árangri. Hvort það skilar verðlaunapeningi eða ekki verður bara að koma í ljós. Auðvitað dreymir mann um verðlaun en markmiðið mitt er að ná þessum góða tíma,“ segir Anton Sveinn. Einn í sögunni synt á tímanum sem Anton stefnir á Heimsmeistarinn Anton Chupkov er sigurstranglegastur í 200 metra bringusundi á leikunum. Hann er 24 ára gamall og vann brons á Ólympíuleikunum í Ríó 2016. Öfugt við hinn íslenska nafna sinn á Chupkov reyndar ekki möguleika á að fá að standa efst á verðlaunapalli og hlýða á sinn þjóðsöng í Tókýó 29. júlí. Þeir rússnesku keppendur sem fá að taka þátt á leikunum gera það sem „hlutlausir“ keppendur, undir fána rússneska ólympíusambandsins, vegna hins mikla lyfjahneykslis þar í landi. Chupkov er sá eini í heiminum sem synt hefur 200 metra bringusund á innan við 2:06,50 mínútum. Stóra markmiðið hans Antons Sveins er að synda undir þeim tíma og að því hefur hann unnið hörðum höndum, þó að undirbúningurinn hafi alls ekki gengið þrautalaust eins og Anton talaði um við Vísi. Heimsmetið hans Chupkov er 2:06,12 en þegar hann varð Evrópumeistari í síðasta mánuði synti hann á 2:06,99. Íslandsmet Antons Sveins frá 2015 er 2:10,21 og ljóst að hann setur markið mjög hátt, reynslunni ríkari eftir að hafa þegar farið á tvenna Ólympíuleika; í London 2012 og Ríó 2016. „Ég fór á mína fyrstu Ólympíuleika fyrst og fremst bara sem þátttakandi. Núna fer ég á leikana með gífurlega háar kröfur á sjálfan mig, og markmið um að komast í úrslit og vel það,“ segir hinn 27 ára gamli Anton Sveinn. Alltaf dreymt um að sjá fánann fara upp og hlusta á þjóðsönginn Í sundi á Ólympíuleikum synda þeir bestu þrjú sund í hverri grein. Þeir þurfa að komast í gegnum undanrásir og svo 16 manna undanúrslit til að komast í úrslitasundið, þar sem átta keppendur synda. Anton varð í 18. sæti í 200 metra bringusundi á Ólympíuleikunum í Ríó, sem voru honum mikil vonbrigði, en núna ætlar hann í úrslit og synda þar á tíma sem gæti vel dugað til verðlauna: „Til að ná þannig árangri þarf sundíþróttin að vera það eina sem maður sinnir, og til þess þarf maður stuðning. Þess vegna er erfitt að taka ákvörðun um að halda áfram þegar maður er alltaf röngu megin við núllið þegar búið er að fara í gegnum allar kvittanir. Maður gerir þetta ekki fyrir gróða heldur til að skara fram úr fyrir Íslands hönd á stærsta sviðinu. Það hefur alltaf verið draumurinn – að synda til sigurs á stórmóti, standa efst á verðlaunapalli og sjá fánann fara upp og hlusta á þjóðsönginn.“ Anton Sveinn McKee á Ólympíuleikunum í Ríó fyrir tæpum fimm árum. Þar varð hann að sætta sig við 18. sæti í 200 metra bringusundi og rétt missti af sæti í undanúrslitum.EPA/PATRICK B. KRAEMER Vonast til þess að komast í æfingabúðir í Tókýó Anton mun ekki keppa á fleiri mótum þá tæpu tvo mánuði sem eru fram að keppni í Tókýó. Hann er við æfingar í Virginíu í Bandaríkjunum en vonast til að komast í æfingabúðir í Japan eða annars staðar í Asíu í aðdraganda leikanna. „Það er ekki víst hvort að það verður eitthvað af æfingabúðunum sem ég ætlaði að vera í fyrir leikana, vegna stöðu kórónuveirufaraldursins í Japan. Við ætluðum að vera þarna nálægt Tókýó. Vonandi verða þær æfingabúðir svo ég geti mætt í þær, 2-3 vikum fyrir leikana, og æft í tímabeltinu sem ég er að fara að keppa í. Ég verð í æfingabúðum með þjálfaranum mínum, sem fer fyrir hönd Egyptalands, en hann þjálfaði Singapúr áður svo við verðum með því landsliði líka. Ég má svo mæta í ólympíuþorpið örfáum dögum fyrir keppni og fimm dögum eftir keppni þarf maður að vera farinn. Næstu vikur mun ég fínpússa allt. Ég er enn í þungum sund- og lyftingaæfingum núna en hætti að lyfta 3-4 vikum fyrir keppni til að „hvíla“ líkamann til að ná hámarksárangri á leikunum,“ segir fremsti sundmaður þjóðarinnar og eini íslenski íþróttamaðurinn sem tryggt hefur sér farseðilinn til Tókýó.
Sund Ólympíuleikar 2020 í Tókýó Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Fyrsti svarti dómarinn í ensku úrvalsdeildinni lærir að ganga á ný Enski boltinn Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Fleiri fréttir Í beinni: ÍR - Grótta | Komið að kveðjustund? Í beinni: Stjarnan - ÍR | Rifjast upp gamall rígur? Í beinni: Chelsea - Tottenham | Mikið í húfi hjá heimamönnum Í beinni: Njarðvík - Álftanes | Fyrsti dans í Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum Lífsferill íþróttamannsins: Eldur kviknar „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Var með skýrar reglur um eiginkonur bræðranna Skoraði fyrir látinn litla bróður sinn Ellefu Íslendingar hluti af hinu eftirsótta eina prósenti í CrossFit heiminum Stuðningsmenn Chelsea og Man. City þurfa að afhenda lögreglu vegabréf sín Dagskráin: Stúkan hitar upp fyrir sumarið og úrslitakeppnin í Bónus karla Sjá meira