Unaðstækin streyma til landsins

„Heildsalar erlendis skilja ekkert hvað er í gangi á þessu litla landi. Þeir eru stanslaust að senda til Íslands. Við opnuðum Scarlet.is þann 1. júní 2019 og ætluðum bara að hafa þetta svona auklega en netverslunin hreinlega flaug af stað,“ segir Elín hjá Scarlet.is sem er vefverslun vikunnar á Vísi.

Elín segir gerbreytt viðhorf til kynlífstækja frá því sem áður var. „Íslendingar eru svo ófeimnir í dag og opnir með þessi mál t.d vorum við á konukvöldi um daginn og þar mætti til okkar kona með mömmu sína og ömmu með sér. Það þykir ekkert feimnismál að eiga kynlífstæki, það þykir eiginlega frekar skrítið að eiga þau ekki,“ segir Elín. Hún sá þó ekki fyrir að hún myndi halda úti vefverslun með kynlífstæki.

„Breskur vinur minn sem vinnur með útgefanda tímaritsins Cosmopolitan fannst tilvalið að ég tæki að mér að selja unaðsvörur sem Cosmopolitan var þá nýfarið að framleiða. Þetta byrjaði bara sem grín í matarboði en þetta eru hágæða vörur og úr varð að við stofnuðum þessa netverslun. 

Scarlet.is hefur síðan vaxið stöðugt og í tilefni tveggja ára afmælisins bjóðum við 20% afslátt af öllum vörum í vefversluninni, veglegar gjafir fyrir heimakynningar og stöndum fyrir gjafaleikjum bæði á Instagram og Facebook í hverri viku í júní og júlí - allt í samstarfi með Satisfyer.

Sívinsælar heimakynningar

„Heimakynningarnar okkar eru mjög skemmtilegar og vinsælar. Það þarf bara að hafa samband við okkur og við finnum tíma en yfirleitt fara kynningarnar fram um helgar og bara heima hjá einni úr hópnum. Við tökum til 10 til 15 vörur í samvinnu við gestgjafann til að kynna og mætum svo bara með lagerinn og posann. Það er hægt að skoða og handleika vörurnar og það verður alltaf mikið stuð og fjör. Fólk er ófeimið við að spyrja og svo fara skemmtilegar reynslusögur í gang." 

Svo fá allir sem eru á heimakynningunni afsláttarkóða upp á 15 % sem gildir í sólarhring nema núna í júní og júlí er afslátturinn 20% í tilefni afmælisins. Gestgjafinn fær einnig alltaf flotta gjöf fyrir heimakynninguna og núna þegar afmælið okkar er í gangi erum við í samstarfi við Satisfyer með veglegar gjafir til að gefa. Oftast panta saumaklúbbar og vinkonuhópar heimakynningar. Vinsælustu tækin í heimakynningum eru sogæki, egg, titrarar en líka paratæki og ekki má gleyma undirfötunum," segir Elín.

„Hjálpartæki er eins og flestir vita eitthvað sem hjálpar t.d konum að fá fullnægingu. Yfirleitt er beðið um að mæta með tæki sem hentar bara konum, einnig eru paratæki vinsæl á heimakynningum þar sem margir eru í sambandi og langar kannski bara að krydda tilveruna,“ segir Elín.

Vinsælustu vörurnar

„Vinsælustu vörurnar okkar fyrir karlmenn eru múffurnar. En, það er skemmtilegt að segja frá því að karlmenn kaupa samt langmest af fötum á vefsíðunni okkar," segir Elín. 

„Paratæki eru líka mjög vinsæl sem og sogtækin sem eru langvinsælustu tækin hjá konunum og svo náttúrlega eggin. Nýjasta viðbótin okkar heitir NYX Smart en það er egg sem sett eru í nærbuxurnar og hægt að tímastilla með appi. 

Bara að setja eggið í nærbuxurnar áður en þú ferð að sofa, stilla titringinn snemma morguns og þá vaknar þú með bros á vör. Við sendum allt í ómerktum umbúðum með póstinum, ýmist á pósthús, í póstbox eða heimkeyrsla eftir því hvað hentar.“