Urriðafoss trónir á toppnum yfir aðrar ár með heildarveiði upp á 501 lax sem er frábær veiði þegar öflugasti veiðitímann er framundan. Það lifnaði loksins yfir veiði í Norðurá en hollin eru hægt og rólega að detta í 50-60 laxa en á þessum tíma ættu þau venjulega að vera í ca 100 löxum. Það skal þó tekið tillit til með þær pælingar að þetta er 1-2 vikum seinna en venjulega svo þetta getur vel breyst í það sem mætti kalla "réttar tölur". Norðurá er komin í 208 laxa.
Þverá og Kjarrá eru sömuleiðis aðeins að taka við sér en þar er 151 lax kominn á land, Haffjarðará með 92 og Eystri Rangá með 85 en hún eins og veiðimenn þekkja er yfirleitt ekki að fara á fullt fyrr en um miðjan júlí.
Það sem vekur furðu á heildarlistanum er að sjá Blöndu með 33 veidda laxa eftir rétt mánuð sem áin hefur verið veidd. Sumarið í fyrra þótti afskaplega lélegt í henni en þá veiddust 475 laxar. Listann í heild sinni má finna á www.angling.is
