Flestir eru þó sammála um það að góð samskipti eru grunnstoðirnar í samböndum, hverskonar samböndum og ekki síst ástarsamböndum.
Við eigum það nefnilega til að reyna að lesa á milli línanna, giska í eyðurnar eða gera ráð fyrir því að makinn lesi hugsanir okkar. Hvað okkur finnst, hvað við viljum eða hvað okkur langar.
Upp úr þessu spretta oft á tíðum vandamálin, allar flækjurnar. Misskilningurinn, hugsanalesturinn og allt það.
Á dögunum spurðu Makamál lesendur Vísis hvort að þeim finnist mikilvægt að tala um kynlíf við maka sinn og yfir tvö þúsund manns svöruðu könnuninni.
Ef marka má niðurstöðurnar* svarar meirihluti því að það sé mjög mikilvægt að geta tjáð sig um kynlíf við maka sinn en um þriðjungur segir annað hvort sig eða makann eiga erfitt með að tala um kynlíf.
Niðurstöður*
Já, mjög mikilvægt - 65%
Já, en maki minn á erfitt með það - 17%
Já, en ég á erfitt með það - 7%
Já, en eigum bæði erfitt með það - 6%
Nei, en maki minn vill tala um kynlíf - 1%
Nei, tölum aldrei um kynlíf - 4%
*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.
