Hópur eldri borgara rekinn uppúr heitum potti Jakob Bjarnar skrifar 23. febrúar 2022 15:14 Þorgrímur laumaðist í heita pottinn sem var brot á fyrirmælum, en Þorgrímur flokkar sem borgaralega óhlýðni og á eftir fylgdu aðrir pottverjar, sem komnir voru við aldur. vísir/vilhelm Þorgrímur Þráinsson rithöfundur, sem hefur lengi hefur verið einhvers konar táknmynd þess að vera góður og gegn löghlýðinn borgari, játaði óvænt á sig það sem hann flokkar sem borgaralega óhlýðni. Þorgrímur gerði sér lítið fyrir og stalst í heitan pott Vesturbæjarlaugar sem þá var og er lokaður. Áður en hann vissi af fylgdu fleiri sundlaugagestir, sem flestir voru við aldur, í kjölfarið. Sjálfur slapp hann við að vera rekinn uppúr pottinum af sundlaugastarfsmanni, einfaldlega vegna þess að hann var þá farinn í gufuna. Forstöðukona Vesturbæjarlaugar segir að sjá fari fyrir endann á vandamálinu með heita pottinn. Heldri borgarar vildu almennilegan hita í kroppinn Þorgrímur greindi frá hálfgerðu neyðarástandi sem myndaðist í Sundlaug Vesturbæjar um síðustu helgi á sinni Facebook-síðu. Þorgrímur, sem er fastagestur laugarinnar, var þar staddur í moðvolgum potti ásamt heldri borgurum. Sér til mikillar mæðu var heitasti potturinn, sem þeir sem komnir eru til ára sinna og eru með elt leður, vilja helst mara í, lokaður. Tveimur appelsínugulum keilum hafði verið stillt upp til marks um það og það ekki í fyrsta skipti í vikunni sem potturinn var lokaður. Þorgrímur mundar stílvopn sitt af nokkurri fimi þegar hann lýsir aðstæðum; „Sumir töldu að um vörusvik væri að ræða, jafnvel hryðjuverk.“ Þorgrímur lýsir því þá í bráðskemmtilegri frásögn að ekkert þeirra sem hafi verið í hinum moðvolga heita potti hafi haft hugrekki til að taka af skarið og lauma sér ofan í hinn lokaða pott til að athuga hitastigið. „Af því það eru eftirlitsmyndavélar út um allt. Þegar sundlaugarvörður stakk glasi ofan í heitasta vatnið fylltumst við von um að hann myndi opna augnabliki síðar. En því miður kom hann ekki til baka.“ Slapp sjálfur við að vera rekinn uppúr Eftir heitar, eða öllu heldur volgar, umræður þeirra heldri borgara sem í pottinum voru lét Þorgrímur til skara skríða. Fór í pottinn og kom sér þar makindalega fyrir í notalegu heitu vatninu. Í kjölfarið fylgdu svo nokkrir sextíu plús plús, eins og Þorgrímur orðar það. Eftir því sem árin líða og húðin herðist, þeim mun betur kann fólk að meta það að hitinn sé almennilegur í heitum pottum. Og það leiddi svo til borgaralegrar óhlýðni hóps heldri borgara í Vesturbæjarlauginni. (Myndin tengist ekki umfjölluninni beint né er hún tekin í Vesturbæjarlaug.)getty/lisa stokes Þegar Þorgrímur var orðinn vel heitur fór hann yfir í gufuna og skildi restina af hinum brotlegu eftir í sæluvímu. Fljótlega mætti þá starfsmaður laugarinnar og vísaði þeim uppúr. Þrátt fyrir þessa borgaralegu óhlýðni er Þorgrímur heiðarlegur umfram allt og gaf sig fram í afgreiðslunni á leiðinni út og játaði brot sitt. „Gaurinn í afgreiðslunni var ekkert sérstaklega sáttur, enda var það hann sem rak fastagestina upp úr pottinum, og hann bætti við að eitthvert ójafnvægi væri á klórnum í pottinum. Ég lofaði að gera þetta aldrei aftur og hann þakkaði fyrir að ég skyldi viðurkenna „mistök“ mín. En ég er ekki frá því að þetta hafi verið ein skemmtilegasta sundferð ársins því ekki hafa covid-fjöldatakmarkanir í sundlaugum kætt okkar geð síðustu mánuði, afsakið, ár!“ Óregla á klórmagni í pottinum Þorgrímur segir sannleikann sagna bestan og menn verði að hafa hugrekki til að „taka samtalið. Eins og sumir vita hefur það ekki verið raunin í ákveðnum málum síðustu daga og eitt og annað ratað í fjölmiðla, að óþörfu! En ég læt engan vita af því að núna ligg ég upp uppi rúmi og skinnið er að leka af mér. Hvort það er klórinn eða klórleysið, veit ég ekki.“ Vísir kannaði hvernig í málinu liggur og ræddi við sundlaugavörðinn sem þurfti að reka hópinn úr pottinum. Hann staðfesti það að ójafnvægi hafi verið á klórnum í pottinum. Þessi heiðursmaður lætur fara vel um sig í sjóðandi heitum potti og hefur engar áhyggjur af því hvort of eða van er af klór í vatninu. (Myndin tengist umfjölluninni ekki beint og er ekki frá Vesturbæjarlaug.)Getty Og Vala Bjarney Gunnarsdóttir, forstöðukona Vesturbæjarlaugar bættir því við að meginástæðan fyrir því að potturinn sé lokaður er sú að verið væri að laga lögn í kjallaranum. Sem svo tengdist umræddum potti. Hún gerir sér vonir um að því verki ljúki í dag eða á morgun og þá verður hægt að opna þennan vinsæla pott. „Það er agalegt að komast ekki í heitasta pottinn. Hinir eru mjög svipaðir, þessi er sérstakur,“ segir Vala og ekki á henni að heyra að hún hugsi Þorgrími þegjandi þörfina. Frekar að hún teldi brotið léttvægt, hún hafi á því fullan skilning án þess þó að gera lítið úr því að hlýða beri sundlaugavörðum í hvívetna. Vala segir að þau hafi einnig verið að eiga við dintótt klórinntak. Klórstigið megi hvorki vera of hátt né of lágt, samkvæmt reglugerð. „Núna er verið að laga þetta,“ segir Vala og vonast til þess að klórmagn í pottinum verði stöðugt. Sundlaugar Eldri borgarar Reykjavík Tengdar fréttir Það er svo margt galið á Íslandi Þorgrímur Þráinsson er einn vinsælasti rithöfundur þjóðarinnar. Honum blöskrar aðgerðarleysið gagnvart þeim vanda sem blasir við ólæsi ungmenna og telur kerfið drepa allt í dróma. Í þessu höfundatali er einnig tekið á hinni heitu kartöflu sem eru listamannalaunin. 25. nóvember 2021 07:01 Mest lesið „Gæti skrifað bókaseríu um vandræðileg stefnumót“ Makamál Laufey Lín skartaði íslenska fánanum á Coachella Lífið Viðar Örn og Sylvía Rós eiga von á barni Lífið Hjartaknúsarinn tileinkaði íslenskri fyrirsætu rómantískan slagara Lífið Hélt að Sálin hafi hvatt fólk til að horfa til himins með höfuðið hátt Lífið Losnaði við alla fíkn á augabragði: „Því Guð er með skyndilausnir líka“ Áskorun Stjörnulífið: Frumsýnir kærastann á Tenerife Lífið Heillandi hús við Laugalæk úr smiðju Kjartans Sveinssonar Lífið Hátíð sem er skipulögð í kringum yngstu kynslóðina Lífið Persónuleg gjafakort sem renna aldrei út Lífið samstarf Fleiri fréttir Hélt að Sálin hafi hvatt fólk til að horfa til himins með höfuðið hátt Hátíð sem er skipulögð í kringum yngstu kynslóðina Laufey Lín skartaði íslenska fánanum á Coachella Viðar Örn og Sylvía Rós eiga von á barni Heillandi hús við Laugalæk úr smiðju Kjartans Sveinssonar Hjartaknúsarinn tileinkaði íslenskri fyrirsætu rómantískan slagara Hafa aldrei rifist Stjörnulífið: Frumsýnir kærastann á Tenerife Stóri plokkdagurinn haldinn á sunnudaginn Ótrúleg heimkoma Búbba sem fauk alla leið í Kópavog Elizabeth Hurley og Billy Ray Cyrus stinga saman nefjum „Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“ Páskakveðjur stjórnmálaflokka: Gervigreind, páskaeggjaleit og Sigmundur með kanínueyru Litla hryllingsbúðin kveður á Akureyri Svarar því hve mörg páskaegg þurfi að borða til að bæta á sig kílói Krakkatían: Páskar, söngkeppnir og afmælisbörn Ekki á leið í samband bara til að þóknast samfélaginu Trommari New Pornographers ákærður fyrir vörslu barnaníðsefnis Metfjöldi á Aldrei fór ég suður: „Þetta var algjör draumur“ Veikindafríi Páls Óskars lokið Fréttatía vikunnar: Íþróttir, afsökunarbeiðni og bækur Konfettíið enn að hrynja meðan hnéð „fimmfaldaðist“ Sunneva og Benedikt trúlofuð Tónlistarmyndband Addison Rae tekið upp á Íslandi Gengur yfir Sprengisand með hundrað kíló í eftirdragi Hafði mikla þörf fyrir að láta aðra sjá að hún væri spes týpa Mælir með því að tala við gervigreind sem sálfræðing „Eina sem maður getur gert er að reyna vera betri maður í dag en þá“ „Ég vildi fela mig fyrir heiminum“ „Leyfi lífinu bara að leiða mig“ Sjá meira
Þorgrímur gerði sér lítið fyrir og stalst í heitan pott Vesturbæjarlaugar sem þá var og er lokaður. Áður en hann vissi af fylgdu fleiri sundlaugagestir, sem flestir voru við aldur, í kjölfarið. Sjálfur slapp hann við að vera rekinn uppúr pottinum af sundlaugastarfsmanni, einfaldlega vegna þess að hann var þá farinn í gufuna. Forstöðukona Vesturbæjarlaugar segir að sjá fari fyrir endann á vandamálinu með heita pottinn. Heldri borgarar vildu almennilegan hita í kroppinn Þorgrímur greindi frá hálfgerðu neyðarástandi sem myndaðist í Sundlaug Vesturbæjar um síðustu helgi á sinni Facebook-síðu. Þorgrímur, sem er fastagestur laugarinnar, var þar staddur í moðvolgum potti ásamt heldri borgurum. Sér til mikillar mæðu var heitasti potturinn, sem þeir sem komnir eru til ára sinna og eru með elt leður, vilja helst mara í, lokaður. Tveimur appelsínugulum keilum hafði verið stillt upp til marks um það og það ekki í fyrsta skipti í vikunni sem potturinn var lokaður. Þorgrímur mundar stílvopn sitt af nokkurri fimi þegar hann lýsir aðstæðum; „Sumir töldu að um vörusvik væri að ræða, jafnvel hryðjuverk.“ Þorgrímur lýsir því þá í bráðskemmtilegri frásögn að ekkert þeirra sem hafi verið í hinum moðvolga heita potti hafi haft hugrekki til að taka af skarið og lauma sér ofan í hinn lokaða pott til að athuga hitastigið. „Af því það eru eftirlitsmyndavélar út um allt. Þegar sundlaugarvörður stakk glasi ofan í heitasta vatnið fylltumst við von um að hann myndi opna augnabliki síðar. En því miður kom hann ekki til baka.“ Slapp sjálfur við að vera rekinn uppúr Eftir heitar, eða öllu heldur volgar, umræður þeirra heldri borgara sem í pottinum voru lét Þorgrímur til skara skríða. Fór í pottinn og kom sér þar makindalega fyrir í notalegu heitu vatninu. Í kjölfarið fylgdu svo nokkrir sextíu plús plús, eins og Þorgrímur orðar það. Eftir því sem árin líða og húðin herðist, þeim mun betur kann fólk að meta það að hitinn sé almennilegur í heitum pottum. Og það leiddi svo til borgaralegrar óhlýðni hóps heldri borgara í Vesturbæjarlauginni. (Myndin tengist ekki umfjölluninni beint né er hún tekin í Vesturbæjarlaug.)getty/lisa stokes Þegar Þorgrímur var orðinn vel heitur fór hann yfir í gufuna og skildi restina af hinum brotlegu eftir í sæluvímu. Fljótlega mætti þá starfsmaður laugarinnar og vísaði þeim uppúr. Þrátt fyrir þessa borgaralegu óhlýðni er Þorgrímur heiðarlegur umfram allt og gaf sig fram í afgreiðslunni á leiðinni út og játaði brot sitt. „Gaurinn í afgreiðslunni var ekkert sérstaklega sáttur, enda var það hann sem rak fastagestina upp úr pottinum, og hann bætti við að eitthvert ójafnvægi væri á klórnum í pottinum. Ég lofaði að gera þetta aldrei aftur og hann þakkaði fyrir að ég skyldi viðurkenna „mistök“ mín. En ég er ekki frá því að þetta hafi verið ein skemmtilegasta sundferð ársins því ekki hafa covid-fjöldatakmarkanir í sundlaugum kætt okkar geð síðustu mánuði, afsakið, ár!“ Óregla á klórmagni í pottinum Þorgrímur segir sannleikann sagna bestan og menn verði að hafa hugrekki til að „taka samtalið. Eins og sumir vita hefur það ekki verið raunin í ákveðnum málum síðustu daga og eitt og annað ratað í fjölmiðla, að óþörfu! En ég læt engan vita af því að núna ligg ég upp uppi rúmi og skinnið er að leka af mér. Hvort það er klórinn eða klórleysið, veit ég ekki.“ Vísir kannaði hvernig í málinu liggur og ræddi við sundlaugavörðinn sem þurfti að reka hópinn úr pottinum. Hann staðfesti það að ójafnvægi hafi verið á klórnum í pottinum. Þessi heiðursmaður lætur fara vel um sig í sjóðandi heitum potti og hefur engar áhyggjur af því hvort of eða van er af klór í vatninu. (Myndin tengist umfjölluninni ekki beint og er ekki frá Vesturbæjarlaug.)Getty Og Vala Bjarney Gunnarsdóttir, forstöðukona Vesturbæjarlaugar bættir því við að meginástæðan fyrir því að potturinn sé lokaður er sú að verið væri að laga lögn í kjallaranum. Sem svo tengdist umræddum potti. Hún gerir sér vonir um að því verki ljúki í dag eða á morgun og þá verður hægt að opna þennan vinsæla pott. „Það er agalegt að komast ekki í heitasta pottinn. Hinir eru mjög svipaðir, þessi er sérstakur,“ segir Vala og ekki á henni að heyra að hún hugsi Þorgrími þegjandi þörfina. Frekar að hún teldi brotið léttvægt, hún hafi á því fullan skilning án þess þó að gera lítið úr því að hlýða beri sundlaugavörðum í hvívetna. Vala segir að þau hafi einnig verið að eiga við dintótt klórinntak. Klórstigið megi hvorki vera of hátt né of lágt, samkvæmt reglugerð. „Núna er verið að laga þetta,“ segir Vala og vonast til þess að klórmagn í pottinum verði stöðugt.
Sundlaugar Eldri borgarar Reykjavík Tengdar fréttir Það er svo margt galið á Íslandi Þorgrímur Þráinsson er einn vinsælasti rithöfundur þjóðarinnar. Honum blöskrar aðgerðarleysið gagnvart þeim vanda sem blasir við ólæsi ungmenna og telur kerfið drepa allt í dróma. Í þessu höfundatali er einnig tekið á hinni heitu kartöflu sem eru listamannalaunin. 25. nóvember 2021 07:01 Mest lesið „Gæti skrifað bókaseríu um vandræðileg stefnumót“ Makamál Laufey Lín skartaði íslenska fánanum á Coachella Lífið Viðar Örn og Sylvía Rós eiga von á barni Lífið Hjartaknúsarinn tileinkaði íslenskri fyrirsætu rómantískan slagara Lífið Hélt að Sálin hafi hvatt fólk til að horfa til himins með höfuðið hátt Lífið Losnaði við alla fíkn á augabragði: „Því Guð er með skyndilausnir líka“ Áskorun Stjörnulífið: Frumsýnir kærastann á Tenerife Lífið Heillandi hús við Laugalæk úr smiðju Kjartans Sveinssonar Lífið Hátíð sem er skipulögð í kringum yngstu kynslóðina Lífið Persónuleg gjafakort sem renna aldrei út Lífið samstarf Fleiri fréttir Hélt að Sálin hafi hvatt fólk til að horfa til himins með höfuðið hátt Hátíð sem er skipulögð í kringum yngstu kynslóðina Laufey Lín skartaði íslenska fánanum á Coachella Viðar Örn og Sylvía Rós eiga von á barni Heillandi hús við Laugalæk úr smiðju Kjartans Sveinssonar Hjartaknúsarinn tileinkaði íslenskri fyrirsætu rómantískan slagara Hafa aldrei rifist Stjörnulífið: Frumsýnir kærastann á Tenerife Stóri plokkdagurinn haldinn á sunnudaginn Ótrúleg heimkoma Búbba sem fauk alla leið í Kópavog Elizabeth Hurley og Billy Ray Cyrus stinga saman nefjum „Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“ Páskakveðjur stjórnmálaflokka: Gervigreind, páskaeggjaleit og Sigmundur með kanínueyru Litla hryllingsbúðin kveður á Akureyri Svarar því hve mörg páskaegg þurfi að borða til að bæta á sig kílói Krakkatían: Páskar, söngkeppnir og afmælisbörn Ekki á leið í samband bara til að þóknast samfélaginu Trommari New Pornographers ákærður fyrir vörslu barnaníðsefnis Metfjöldi á Aldrei fór ég suður: „Þetta var algjör draumur“ Veikindafríi Páls Óskars lokið Fréttatía vikunnar: Íþróttir, afsökunarbeiðni og bækur Konfettíið enn að hrynja meðan hnéð „fimmfaldaðist“ Sunneva og Benedikt trúlofuð Tónlistarmyndband Addison Rae tekið upp á Íslandi Gengur yfir Sprengisand með hundrað kíló í eftirdragi Hafði mikla þörf fyrir að láta aðra sjá að hún væri spes týpa Mælir með því að tala við gervigreind sem sálfræðing „Eina sem maður getur gert er að reyna vera betri maður í dag en þá“ „Ég vildi fela mig fyrir heiminum“ „Leyfi lífinu bara að leiða mig“ Sjá meira
Það er svo margt galið á Íslandi Þorgrímur Þráinsson er einn vinsælasti rithöfundur þjóðarinnar. Honum blöskrar aðgerðarleysið gagnvart þeim vanda sem blasir við ólæsi ungmenna og telur kerfið drepa allt í dróma. Í þessu höfundatali er einnig tekið á hinni heitu kartöflu sem eru listamannalaunin. 25. nóvember 2021 07:01
„Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“