Innherji reyndi að hafa samband við Ingu án árangurs. Jafnframt var send fyrirspurn á skrifstofu flokksins þar sem spurt var hvernig staðið væri að vali á fulltrúum flokksins í stjórnum ríkisfyrirtækja og hvort hæfniskröfur væru gerðar til þeirra. Bárust engin svör þrátt fyrir að starfsmaður flokksins hefði staðfest móttöku fyrirspurnarinnar símleiðis.
Í þessu samhengi er rétt að rifja upp ummæli Birgis Jónssonar, fyrrverandi forstjóra Íslandspósts, eftir að hann lét af störfum. „Ég vil að fyrirtæki sem eru í almannaeigu séu rekin á sem hagkvæmasta máta. Það veiti sem bestu þjónustu og við sem skattgreiðendur þurfum ekki að setja peninga í þau að óþörfu. Það fer ekkert rosalega vel saman við einhverjar áherslur hjá stjórnmálaflokkum.“
Íslandspóstur, sem velti nær 7,5 milljörðum króna í fyrra, tapaði rúmum 300 milljónum króna í ef 563 milljóna króna framlag Byggðastofnunar er dregið frá uppgefnum hagnaði ársins.
Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.
