Rífandi stemning er á svæðinu en í kvöld eru sýnd bestu hross valdra ræktunarbúa og fram fer úrslitakeppni í tölti, sem er einn af hápunktum mótsins. Herra Hnetusmjör átti magnaða innkomu á sýningu ræktunarbúsins Hjarðartúns og má fullyrða að hann hafi tryllt áhorfendur í brekkunni, sem vildu bara meira.
Dansleikur í samkomutjaldinu mun standa fram á kvöld með Helga Björns og Regínu Ósk, en svo tekur Páll Óskar við.
Bein útsending hefur verið frá mótinu á Vísi og Stöð 2 Vísi í kvöld í samvinnu við streymisveituna AlendisTV sem sýnir frá öllu mótinu.
Öll helstu úrslit í gæðingakeppni Landsmóts fara fram á lokadegi á morgun, laugardag.
