Töluvert meira álag sett á borgarbréfin en sambærileg bréf
![Meirihlutinn í borginni bindur vonir við að hagræðingaraðgerðir komi grunnrekstrinum á réttan kjöl.](https://www.visir.is/i/BB63DE1FA229BF9E5667A58BBE3FF64E077F1A123EF1E6E6403E52A598869046_713x0.jpg)
Ávöxtunarkrafan sem var gerð til skuldabréfa Reykjavíkurborgar í síðasta útboði er nokkuð hærri en krafan á samanburðarhæf bréf. Að sögn viðmælenda Innherja kann versnandi grunnrekstur borgarinnar og efasemdir um að útgáfuáætlun fyrir þetta ár haldi að skýra hækkun ávöxtunarkröfunnar umfram það sem gengur og gerist.