„Ég held að sjónvarpsúrslitin verði rosaleg í ár“ Óskar Ófeigur Jónsson skrifar 2. febrúar 2023 10:31 Fjórtánda árið í röð fer fram alþjóðlegt keilumót á Reykavíkurleikunum. Twitter/@BowlingIceland Fyrrum landsliðsþjálfari Íslands í keilu segist vera mjög spenntur fyrir tveimur ungum sænsku keilumönnum sem eru framtíðarlandsliðsmenn Svía og líklegir til að komast langt í framtíðinni. Strákarnir eru meðal keppenda á keilumóti Reykjavíkurleikanna og keppa þar við fyrrum heimsmeistara í íþróttinni og keppanda á bandarísku atvinnumótaröð kvenna. Þar er von á alvöru keppni. Mikil spenna er í loftinu innan íslenska keilusamfélagsins á Íslandi því í kvöld fara fram úrslitin í hinu árlega keilumóti á Reykjavíkurleikunum. Að venju eru flottir erlendir keppendur meðal keppenda. Riðlakeppnin hefur staðið síðustu daga og nú er komið að sjálfri úrslitakeppninni. Hápunktur hennar er síðan þegar fjórir standa eftir en keppni þeirra verður sýnd beint á Stöð 2 Sport í kvöld. Vísir heyrði í Herði Inga Jóhannssyni, mótsstjóra og einum helsta keiluþjálfara landsins. Hörður Ingi þekkir RIG mótið vel enda verið aðalmaðurinn á bak við það í mörg ár. „Það eru 25 erlendir keilarar sem eru spila á mótinu í ár og þar á meðal er ein ensk atvinnukona sem spilar í Bandaríkjunum. Þetta er mjög sterkt mót,“ sagði Hörður Ingi. Enska atvinnukonan heitir Verity Crawley og er hún að koma hingað í annað skiptið. Verity er keppandi á bandarísku atvinnumótaröð kvenna PWBA, ein allra besta enska keilukonan í dag og fastagestur í landsliði þeirra. Áfjáð í að koma aftur „Hún kom hérna í fyrra og við buðum henni í fyrra af því að okkur vantaði einhvern frægan. Hún var áfjáð í að koma aftur,“ sagði Hörður Ingi. „Hér er líka Dani sem er fyrrverandi heimsmeistari og Svíi sem hefur líka unnið heimsmeistaratitla,“ sagði Hörður Ingi og er þar meðal annars að tala um Jesper Agerbo frá Danmörku sem hefur oft keppt á RIG og vann mótið 2018. Jesper er landsliðsmaður Dana og hefur meðal annars unnið einstaklingskeppni á bæði Evrópu- og heimsmeistaramótum. Hörð keppni en alltaf stutt í gleðina.KLÍ - Keilusamband Íslands Banka á dyrnar í sænska landsliðinu „Hér eru líka sterkir ungir sænskir spilarar sem eru að banka á dyrnar í sænska landsliðinu en þeir fengu þetta verkefni að koma hingað og spila. Það er búið að vera Covid í tvö og þá detta þeir sem eru ekki alveg fastir í liðinu út. Sænska keilusambandið finnur verkefni fyrir þá af því að þeir hafi ekki spilað nóg. Þetta mjög sniðugt kerfi hjá þeim,“ sagði Hörður Ingi. „Þeir koma hingað með þjálfara sínum Robert Anderson sem er reyndar búinn að spila í öllum RIG-mótunum sjálfur. Hann þekkir þetta vel og reyndar tengdasonur minn og þekkir þetta því enn betur. Hann á tvo heimsmeistaratitla og fullt af liðatitlum. Hann var einn af þeim fimm bestu í Evrópu þegar hann spilaði,“ sagði Hörður. Landsliðsþjálfarinn meðal keppenda Svíinn Mattis Möller er líka meðal keppenda en hann er landsliðsþjálfari Íslands í keilu. „Robert Anderson var landsliðsþjálfari en Mattis Möller er tekinn við núna. Að sjálfsögðu er auka pressa á honum því það fylgjast allir með honum. Hann hefur yfirleitt staðið sig vel og er einn af þeim sem hefur komið á hvert einasta RIG-mót,“ sagði Hörður. Eftir riðlakeppnina byrja þá fá þeir átta efstu farseðil inn í þriðju umferð úrslitakeppninnar. Þeir verða því aldrei slegnir út fyrr en í fyrsta lagi í sextán manna úrslitum. Miðað við spilamennskuna fyrri hluta móts þá þarf mjög gott skor til að ná einu af átta efstu sætunum. Fyrirkomulag sem er sett upp fyrir sjónvarp „Í topp fjórum sem verður sjónvarpsútsendingin þá byrja fjórir að taka einn leik og lægsti maður dettur svo út. Þar er rosalega pressa á þeim enda er þetta fyrirkomulag sett upp fyrir sjónvarp. Í næsta leik á eftir þá eru bara þrír sem spila og lægsti maður dettur út. Þá endum við á tveggja manna einvígi og sigurvegarinn þar verður RIG meistari,“ sagði Hörður. „Þetta er gríðarlega vinsælt og íslenskir keilarar eru mjög duglegir að spila í þessu móti vitandi fyrir víst að þeir eiga kannski ekki möguleika. Það er svo gaman að spila af því að það eru svo margir að spila. Þetta er svo stórt um sig,“ sagði Hörður sem talar um þetta fyrirkomulag sem ólíkindatól. Ýmislegt óvænt getur gerst „Það er bara einn á móti einum. Þetta snýst um formið þitt. Þú getur verið sá besti í heimi en þú getur tapað tveimur leikjum og þá ertu bara farinn heim. Útsláttarkeppnin er skemmtilega að því leytinu til að þar gerist ýmislegt óvænt,“ sagði Hörður. Þeir sem hafa náð betri árangri í riðlakeppninni eiga ekkert öruggt sæti þegar komið er inn í úrslitakeppnina. Spáir öðrum þeirra sigri „Ég held að sjónvarpsúrslitin verði rosaleg í ár því við erum með svo ógeðslega sterka spilara. Við erum með tvo unga sænska og það er bara spurning um hvenær þeir fara í sænska landsliðið. Sænska landsliðið er svo ógeðslega sterkt að það er erfitt að komast í liðið,“ sagði Hörður. „Ég er búinn að spá öðrum af þeim sem sigurvegara mótsins. Ég spái Oliver Dahlgren sem sigurvegar því mér finnst þetta vera alveg rosalegur spilari,“ sagði Hörður. „Ef að það er til bæn þá ligg ég á bæn að það verði alla vega ein kona í lokaúrslitunum. Það er skemmtilegra. Eitt árið voru þrjár atvinnukonur frá Bandaríkjunum og einn Íslendingur og hann vann mótið. Það var Hafþór Harðarson sem er góður og spilaði sína bestu keilu,“ sagði Hörður. „Það gerist allt í þessu og þess vegna er svo gaman að þetta skuli ð enda á fjórum í úrslitum sem fólk átti kannski ekkert von á,“ sagði Hörður. Útsending Stöð 2 Sport frá keilumóti Reykjavíkurleikanna hefst klukkan 19.15 í kvöld á Stöð 2 Sport. Keila Mest lesið Réðst á leikmann Wrexham eftir tvær mínútur í æfingaleik Enski boltinn Danir ósáttir með mötuneytið í Ólympíuþorpinu: Langar raðir og kjötið kláraðist Handbolti „Verða örugglega fleiri lögreglumenn en áhorfendur“ Fótbolti Biðst afsökunar á að hafa óskað nauðgaranum góðs gengis á ÓL Sport Stelpur frá Malaví ryðja brautina á Rey Cup: „Þetta er risastórt“ Fótbolti Fyrsta heimsmetið fallið á ÓL í París Sport Kvennalið Man. Utd. býr og starfar á æfingasvæði enska landsliðsins Enski boltinn Argentínumenn rændir á meðan þeir voru á æfingu á ÓL Fótbolti Skosk yfirtaka í miðborg Reykjavíkur Fótbolti Þórir með besta leikmann heims utan hóps í fyrsta leik á ÓL Handbolti Fleiri fréttir Baldvin bætti eigið Íslandsmet: „Ákveðinn múr sem mig er búið að langa að rjúfa lengi“ Moussa Diaby fer til Al-Ittihad í Sádi-Arabíu Skosk yfirtaka í miðborg Reykjavíkur Forseti alþjóða júdósambandsins reiður: Lélegar mottur og skítug höll í París Blikar renna blint í sjóinn: „Klárir í hvoru tveggja“ Neglur Guðlaugar Eddu tilbúnar fyrir Ólympíuleikana Fyrsta heimsmetið fallið á ÓL í París Hjarta Guðmundar slær með St. Mirren: Mæta Val í kvöld „Ef menn eru tilbúnir að fara út og deyja fyrir hver annan“ Biðst afsökunar á að hafa óskað nauðgaranum góðs gengis á ÓL Fulham gerir Smith Rowe að dýrasta leikmanni í sögu félagsins „Verða örugglega fleiri lögreglumenn en áhorfendur“ Síðasta púslið hjá Keflvíkingum fundið Þórir með besta leikmann heims utan hóps í fyrsta leik á ÓL Amnesty segir búrkubann Frakka brjóta gegn mannréttindum Andstæðingar FCK eru „meira en bara pöbbalið“ Bless Barkley, Shaq og félagar: TNT stöðin missir NBA Evrópuveisla á Stöð 2 Sport í kvöld Bónorð í Ólympíuþorpinu „Erum búnir að skoða þá vel og það er fullt af fínum spilurum þarna“ Réðst á leikmann Wrexham eftir tvær mínútur í æfingaleik Stelpur frá Malaví ryðja brautina á Rey Cup: „Þetta er risastórt“ Kvennalið Man. Utd. býr og starfar á æfingasvæði enska landsliðsins Danir ósáttir með mötuneytið í Ólympíuþorpinu: Langar raðir og kjötið kláraðist Dagskráin í dag: Fjórir Evrópuleikir hér á landi Tekur ábyrgð á njósnunum og stýrir Kanada ekki í fyrsta leik Argentínumenn rændir á meðan þeir voru á æfingu á ÓL „Hér stígum við fast á bensíngjöfina og höldum henni í botni í níutíu mínútur plús“ „Eðlilegt að leikmenn séu uppgefnir“ „Ég held að þetta hafi verið óður til ræstingafólksins“ Sjá meira
Mikil spenna er í loftinu innan íslenska keilusamfélagsins á Íslandi því í kvöld fara fram úrslitin í hinu árlega keilumóti á Reykjavíkurleikunum. Að venju eru flottir erlendir keppendur meðal keppenda. Riðlakeppnin hefur staðið síðustu daga og nú er komið að sjálfri úrslitakeppninni. Hápunktur hennar er síðan þegar fjórir standa eftir en keppni þeirra verður sýnd beint á Stöð 2 Sport í kvöld. Vísir heyrði í Herði Inga Jóhannssyni, mótsstjóra og einum helsta keiluþjálfara landsins. Hörður Ingi þekkir RIG mótið vel enda verið aðalmaðurinn á bak við það í mörg ár. „Það eru 25 erlendir keilarar sem eru spila á mótinu í ár og þar á meðal er ein ensk atvinnukona sem spilar í Bandaríkjunum. Þetta er mjög sterkt mót,“ sagði Hörður Ingi. Enska atvinnukonan heitir Verity Crawley og er hún að koma hingað í annað skiptið. Verity er keppandi á bandarísku atvinnumótaröð kvenna PWBA, ein allra besta enska keilukonan í dag og fastagestur í landsliði þeirra. Áfjáð í að koma aftur „Hún kom hérna í fyrra og við buðum henni í fyrra af því að okkur vantaði einhvern frægan. Hún var áfjáð í að koma aftur,“ sagði Hörður Ingi. „Hér er líka Dani sem er fyrrverandi heimsmeistari og Svíi sem hefur líka unnið heimsmeistaratitla,“ sagði Hörður Ingi og er þar meðal annars að tala um Jesper Agerbo frá Danmörku sem hefur oft keppt á RIG og vann mótið 2018. Jesper er landsliðsmaður Dana og hefur meðal annars unnið einstaklingskeppni á bæði Evrópu- og heimsmeistaramótum. Hörð keppni en alltaf stutt í gleðina.KLÍ - Keilusamband Íslands Banka á dyrnar í sænska landsliðinu „Hér eru líka sterkir ungir sænskir spilarar sem eru að banka á dyrnar í sænska landsliðinu en þeir fengu þetta verkefni að koma hingað og spila. Það er búið að vera Covid í tvö og þá detta þeir sem eru ekki alveg fastir í liðinu út. Sænska keilusambandið finnur verkefni fyrir þá af því að þeir hafi ekki spilað nóg. Þetta mjög sniðugt kerfi hjá þeim,“ sagði Hörður Ingi. „Þeir koma hingað með þjálfara sínum Robert Anderson sem er reyndar búinn að spila í öllum RIG-mótunum sjálfur. Hann þekkir þetta vel og reyndar tengdasonur minn og þekkir þetta því enn betur. Hann á tvo heimsmeistaratitla og fullt af liðatitlum. Hann var einn af þeim fimm bestu í Evrópu þegar hann spilaði,“ sagði Hörður. Landsliðsþjálfarinn meðal keppenda Svíinn Mattis Möller er líka meðal keppenda en hann er landsliðsþjálfari Íslands í keilu. „Robert Anderson var landsliðsþjálfari en Mattis Möller er tekinn við núna. Að sjálfsögðu er auka pressa á honum því það fylgjast allir með honum. Hann hefur yfirleitt staðið sig vel og er einn af þeim sem hefur komið á hvert einasta RIG-mót,“ sagði Hörður. Eftir riðlakeppnina byrja þá fá þeir átta efstu farseðil inn í þriðju umferð úrslitakeppninnar. Þeir verða því aldrei slegnir út fyrr en í fyrsta lagi í sextán manna úrslitum. Miðað við spilamennskuna fyrri hluta móts þá þarf mjög gott skor til að ná einu af átta efstu sætunum. Fyrirkomulag sem er sett upp fyrir sjónvarp „Í topp fjórum sem verður sjónvarpsútsendingin þá byrja fjórir að taka einn leik og lægsti maður dettur svo út. Þar er rosalega pressa á þeim enda er þetta fyrirkomulag sett upp fyrir sjónvarp. Í næsta leik á eftir þá eru bara þrír sem spila og lægsti maður dettur út. Þá endum við á tveggja manna einvígi og sigurvegarinn þar verður RIG meistari,“ sagði Hörður. „Þetta er gríðarlega vinsælt og íslenskir keilarar eru mjög duglegir að spila í þessu móti vitandi fyrir víst að þeir eiga kannski ekki möguleika. Það er svo gaman að spila af því að það eru svo margir að spila. Þetta er svo stórt um sig,“ sagði Hörður sem talar um þetta fyrirkomulag sem ólíkindatól. Ýmislegt óvænt getur gerst „Það er bara einn á móti einum. Þetta snýst um formið þitt. Þú getur verið sá besti í heimi en þú getur tapað tveimur leikjum og þá ertu bara farinn heim. Útsláttarkeppnin er skemmtilega að því leytinu til að þar gerist ýmislegt óvænt,“ sagði Hörður. Þeir sem hafa náð betri árangri í riðlakeppninni eiga ekkert öruggt sæti þegar komið er inn í úrslitakeppnina. Spáir öðrum þeirra sigri „Ég held að sjónvarpsúrslitin verði rosaleg í ár því við erum með svo ógeðslega sterka spilara. Við erum með tvo unga sænska og það er bara spurning um hvenær þeir fara í sænska landsliðið. Sænska landsliðið er svo ógeðslega sterkt að það er erfitt að komast í liðið,“ sagði Hörður. „Ég er búinn að spá öðrum af þeim sem sigurvegara mótsins. Ég spái Oliver Dahlgren sem sigurvegar því mér finnst þetta vera alveg rosalegur spilari,“ sagði Hörður. „Ef að það er til bæn þá ligg ég á bæn að það verði alla vega ein kona í lokaúrslitunum. Það er skemmtilegra. Eitt árið voru þrjár atvinnukonur frá Bandaríkjunum og einn Íslendingur og hann vann mótið. Það var Hafþór Harðarson sem er góður og spilaði sína bestu keilu,“ sagði Hörður. „Það gerist allt í þessu og þess vegna er svo gaman að þetta skuli ð enda á fjórum í úrslitum sem fólk átti kannski ekkert von á,“ sagði Hörður. Útsending Stöð 2 Sport frá keilumóti Reykjavíkurleikanna hefst klukkan 19.15 í kvöld á Stöð 2 Sport.
Keila Mest lesið Réðst á leikmann Wrexham eftir tvær mínútur í æfingaleik Enski boltinn Danir ósáttir með mötuneytið í Ólympíuþorpinu: Langar raðir og kjötið kláraðist Handbolti „Verða örugglega fleiri lögreglumenn en áhorfendur“ Fótbolti Biðst afsökunar á að hafa óskað nauðgaranum góðs gengis á ÓL Sport Stelpur frá Malaví ryðja brautina á Rey Cup: „Þetta er risastórt“ Fótbolti Fyrsta heimsmetið fallið á ÓL í París Sport Kvennalið Man. Utd. býr og starfar á æfingasvæði enska landsliðsins Enski boltinn Argentínumenn rændir á meðan þeir voru á æfingu á ÓL Fótbolti Skosk yfirtaka í miðborg Reykjavíkur Fótbolti Þórir með besta leikmann heims utan hóps í fyrsta leik á ÓL Handbolti Fleiri fréttir Baldvin bætti eigið Íslandsmet: „Ákveðinn múr sem mig er búið að langa að rjúfa lengi“ Moussa Diaby fer til Al-Ittihad í Sádi-Arabíu Skosk yfirtaka í miðborg Reykjavíkur Forseti alþjóða júdósambandsins reiður: Lélegar mottur og skítug höll í París Blikar renna blint í sjóinn: „Klárir í hvoru tveggja“ Neglur Guðlaugar Eddu tilbúnar fyrir Ólympíuleikana Fyrsta heimsmetið fallið á ÓL í París Hjarta Guðmundar slær með St. Mirren: Mæta Val í kvöld „Ef menn eru tilbúnir að fara út og deyja fyrir hver annan“ Biðst afsökunar á að hafa óskað nauðgaranum góðs gengis á ÓL Fulham gerir Smith Rowe að dýrasta leikmanni í sögu félagsins „Verða örugglega fleiri lögreglumenn en áhorfendur“ Síðasta púslið hjá Keflvíkingum fundið Þórir með besta leikmann heims utan hóps í fyrsta leik á ÓL Amnesty segir búrkubann Frakka brjóta gegn mannréttindum Andstæðingar FCK eru „meira en bara pöbbalið“ Bless Barkley, Shaq og félagar: TNT stöðin missir NBA Evrópuveisla á Stöð 2 Sport í kvöld Bónorð í Ólympíuþorpinu „Erum búnir að skoða þá vel og það er fullt af fínum spilurum þarna“ Réðst á leikmann Wrexham eftir tvær mínútur í æfingaleik Stelpur frá Malaví ryðja brautina á Rey Cup: „Þetta er risastórt“ Kvennalið Man. Utd. býr og starfar á æfingasvæði enska landsliðsins Danir ósáttir með mötuneytið í Ólympíuþorpinu: Langar raðir og kjötið kláraðist Dagskráin í dag: Fjórir Evrópuleikir hér á landi Tekur ábyrgð á njósnunum og stýrir Kanada ekki í fyrsta leik Argentínumenn rændir á meðan þeir voru á æfingu á ÓL „Hér stígum við fast á bensíngjöfina og höldum henni í botni í níutíu mínútur plús“ „Eðlilegt að leikmenn séu uppgefnir“ „Ég held að þetta hafi verið óður til ræstingafólksins“ Sjá meira