Gítarleikari sveitarinnar, Johnny Marr, greinir frá andlátinu á Twitter í dag, en Rourke hafði um árabil glímt við krabbamein í brisi.
„Andy verður minnst af þeim sem þekktu hann sem indæl og falleg sál og einstaklega hæfileikaríkur tónlistarmaður af aðdáendum,“ segir Marr sem biður einnig um næði fyrir þá sem voru nákomnir Rourke til að syrgja.
It is with deep sadness that we announce the passing of Andy Rourke after a lengthy illness with pancreatic cancer.
— Johnny Marr (@Johnny_Marr) May 19, 2023
Andy will be remembered as a kind and beautiful soul by those who knew him and as a supremely gifted musician by music fans.
We request privacy at this sad time pic.twitter.com/KNehQxXoFz
Enska rokksveitin The Smiths var mynduð í Manchester í Englandi árið 1982 og voru það söngvari sveitarinnar, Morrissey, og gítarleikarinn Marr sem skrifuðu flest lög sveitarinnar.
Rourke spilaði meðal annars á bassa í frægustu lögum sveitarinnar, eins og This Charming Man og There is a Light That Never Goes Out, sem og að hafa spilað með Morrissey eftir að The Smiths leystist upp árið 1987.
Í seinni tíð spilaði Rourke einnig með hinni írsku Dolores O’Riordan, söngkonu The Cranberries, sem lést 2018.
