Veiði

59 laxar úr Eystri Rangá í gær

Karl Lúðvíksson skrifar
Björn með flottan lax úr Eystri Rangá
Björn með flottan lax úr Eystri Rangá

Það er vel þekkt með hafbeitarárnar og systurnar Eystri og Ytri Rangá að þær geta verið seinar í gang en það virðist loksins vera að lifna yfir veiði þar á bæ.

Eftir frekar rólega byrjun á tímabilinu var ljóst í síðustu viku að stígandi er á göngunni. Það sést strax á hækkandi veiðitölu við austurbakka Hólsár en nú er þessi stígandi komin í Eystri Rangá og veiðitölur að hækka. Í gær til að mynda veiddust 59 laxar í ánni og það er greinilega að komast meira líf í ánna. Besti tíminn er oftar en ekki ágúst og byrjun september en með undantekningum þó þegar göngur hafa verið snemma á ferðinni. Lax er að ganga í Rangárnar frameftir hausti og dæmi eru um nýgengna laxa í lok veiðistímans í október. Ekki hefur ennþá verið landað laxi yfir 100 sm en nokkrir mjög stórir hafa haft betur í viðureign við veiðimenn.






×